"ഗവ.വി.എച്ച്.എസ്.എസ് ഇരിങ്ങോൾ/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== വായനാദിനം 2024 ==

ഇരിങ്ങോൾ ജി. വി. എച്ച്. എസ്.എസിൽ വായന വാരം 2024 വിപുലമായ പരിപാടികളോടെ നടത്തപ്പെട്ടു.  വായന വാരത്തിൻ്റെ ഉദ്ഘാടനം അസിസ്റ്റൻ്റ് എക്സൈസ് ഇൻസ്പെക്ടറും ഗായകനുമായ ശ്രീ എസ്. എ. സനിൽ കുമാർ നിർവഹിച്ചു. വിവിധ ക്ലബ്ബുകളുടെ ഉദ്ഘാടനം വാർഡ് കൗൺസിലർ ശ്രീമതി ശാന്ത പ്രഭാകരൻ നിർവഹിച്ചു. പുസ്തക വിൽപനയിൽ അരനൂറ്റാണ്ട് പിന്നിട്ട ശ്രീ  പി.എൻ വേലായുധനെ ഇരിങ്ങോൾ സ്കൂൾ അദ്ധ്യാപകനും എൻ.എസ്.എസ് കോർഡിനേറ്ററും  ആയ സമീർ സിദ്ദീഖി പുസ്തകങ്ങൾ നൽകി ആദരിച്ചു. സ്വന്തം ജീവിതാനുഭവങ്ങൾ അദ്ദേഹം കുട്ടികളോട് പങ്കുവെച്ചു.  ഇരിങ്ങോൾ സ്കൂൾ കൗൺസിലറും എഴുത്തുകാരിയുമായ ശ്രീമതി കലാമണി ടീച്ചറെയും ചടങ്ങിൽ ആദരിച്ചു.  പി. ടി.എ  പ്രസിഡൻ്റ് ശ്രീ എൽദോസ് വീണമാലി അധ്യക്ഷനായിരുന്നു.  റേഡിയോ ക്ലബിൻ്റെ നേതൃത്വത്തിൽ നടന്ന വായന ദിന പ്രതിജ്ഞ വസുദേവ്.എസ് ചൊല്ലികൊടുത്തു. തുടർന്ന് നടന്ന വായന ദിന പോസ്റ്റർ മത്സരത്തിൽ നിരവധി കുട്ടികൾ പങ്കെടുത്തു. റേഡിയോ ക്ലബിൻ്റെ നേതൃത്വത്തിൽ സ്കൂൾ റേഡിയോ വഴി ഒഴിവ് സമയങ്ങളിൽ വിവിധ പുസ്തകങ്ങളെ കുട്ടികൾക്ക് പരിചയപ്പെടുത്തി.