"ഗവ ഹയർ സെക്കന്ററി സ്കൂൾ ഭൂതക്കുളം/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കൊല്ലം ജില്ലയിലെ ചാത്തന്നൂർ മണ്ഡലത്തിൽ ഉൾപ്പെടുന്ന ഒരു ഗ്രാമം ആണ് ഭൂതക്കുളം. പൂതക്കുളമെന്നും ഈ ഗ്രാമം അറിയപ്പെടുന്നു. പരവൂർ മുൻസിപ്പാലിറ്റിയിൽ നിന്നും തെക്ക് ഭാഗത്തായി ഏകദേശം നാല് കിലോമീറ്റർ ദൂരത്തിൽ സ്ഥിതി ചെയ്യുന്ന ഗ്രാമമാണ് ഭൂതക്കുളം. ദേശീയ പാത 66ൽ പാരിപ്പള്ളിയിൽനിന്നും എട്ടു കിലോമീറ്റർ ദൂരത്തിലാണ് ഈ ഗ്രാമം സ്ഥിതി ചെയ്യുന്നത്. പരവൂർ റയിൽവേ സ്റ്റേഷനിൽ  നിന്ന് 3.9 കിലോമീറ്ററും വർക്കലയിൽ നിന്ന് 11.4 കിലോമീറ്ററും കൊല്ലത്ത് നിന്ന് 23 കിലോമീറ്ററും അകലെയാണ് ഈ ഗ്രാമം . തിരുവനന്തപുരം ജില്ലയുമായി അതിർത്തി പങ്കിടുന്ന കൊല്ലം ജില്ലയിലെ ഒരു ഗ്രാമം കൂടിയാണ് ഭൂതക്കുളം. ഈ ഗ്രാമത്തിന്റെ വിസ്തീർണ്ണം 16.56 ചതുരശ്ര കിലോമീറ്റർ  ആണ് .  

പരിശുദ്ധമായ കുളമുള്ള പ്രദേശമെന്ന അർത്ഥത്തിൽ പൂതക്കുളമെന്നും ധർമ്മ ശാസ്താവിന്റെ ഭൂതഗണങ്ങൾ അധിവസിക്കുന്ന കുളമുള്ള പ്രദേശം  എന്ന അർത്ഥത്തിൽ ഭൂതക്കുളം എന്നും ഈ പ്രദേശം അറിയപ്പെടുന്നു.