"എ.യു.പി.എസ് എറിയാട്/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ആദ്യകാലത്ത് കേവലം കൃഷിയെ മാത്രം ആശ്രയിച്ച് കഴിഞ്ഞിരുന്ന പ്രദേശമായിരുന്നു എറിയാട്. നെൽകൃഷിയായിരുന്നു പ്രധാന കൃഷി. പിന്നീട് റബ്ബർ കൃഷിയിലേക്കുള്ള വളർച്ച സാമ്പത്തിക മേഖലയിലും മാറ്റങ്ങൾ ഉണ്ടാക്കി. മേഖലയിൽ റബ്ബർ കൃഷിക്ക് തുടക്കം കുറിക്കുന്നത് എറിയാട് ഭാഗത്താണ്. ഇവയ്ക്ക് പുറമെ നാളികേരം, അടക്ക, മരച്ചീനി, വാഴ തുടങ്ങിയവയുടെ ഉൽപാദനത്തിലും ഗണ്യമായ പുരോഗതിയുണ്ടായി. കാർഷികമേഖലയിൽ നാണ്യവിളകളുടെ മുന്നേറ്റം സാമ്പത്തിക പുരോഗതിയിലും ഗണ്യമായ മാറ്റങ്ങളുണ്ടായി.

=== സാമ്പത്തികം ===

==== കായികം ====

എല്ലാവിധ കായികവിനോദങ്ങളെയും പ്രോത്സാഹിപ്പിക്കുന്ന നാടാണ് എറിയാട്. പ്രധാനമായും ഫുട്ബോളിനെ നെഞ്ചിലേറ്റുന്ന കായികപ്രേമികളാണ് എറിയാട്ടുകാർ. ക്ലബ്ബുകൾ കേന്ദ്രീകരിച്ചുള്ള ഫുട്ബോൾ ടൂർണമെന്റുകൾ നാടിനെ ആവേശം കൊള്ളിക്കുന്നതാണ്. എറിയാട് സ്കൂളിന്റെ ഗ്രൗണ്ട് ഇന്നും യുവതലമുറ കാൽ പന്തുകളിയുടെ വേദിയായി ഉപയോഗപെടുത്തുന്നുണ്ട്. ' കാളപ്പൂട്ടുകണ്ടം' എന്ന പേരിലറിയപ്പെടുന്ന സമീപ പ്രദേശം കാലങ്ങളായി കാളപ്പൂട്ട് മത്സരങ്ങളുടെ ഈറ്റില്ലമായിരുന്നു. വ്യത്യസ്ത പ്രദേശങ്ങളിൽ നിന്ന് പലതരത്തിലുള്ള കാളകളെ മത്സരങ്ങൾക്ക് വേണ്ടി കൊണ്ടുവരികയും ആവേശപൂരിതമായ മത്സരങ്ങൾ അരങ്ങേറുകയും ചെയ്തിരുന്നു. ക്ലബ്ബുകൾക്ക് കീഴിൽ ക്രിക്കറ്റ്‌ ടീമുകളും സജീവമായി ടൂർണമെന്റുകൾ നടത്തിവരുന്നു.ആഘോഷവേളകളിൽ കായിക പ്രാധാന്യമുള്ള വിനോദങ്ങൾ തുടർച്ചയായി നടത്തി വരുന്നതും ആളുകളുടെ പങ്കാളിത്തവും പ്രദേശവാസികളുടെ കായികപ്രേമം വിളിച്ചോതുന്നവയാണ്.

==== ആരോഗ്യം ====

കേരളത്തിലെ ആദ്യത്തെ ഗവ: ഹോമിയോ കാൻസർ ഹോസ്പിറ്റൽ ഈ പ്രദേശത്താണ് സ്ഥിതിചെയ്യുന്നത്. ഗവ. ഹോമിയോ ഹോസ്പിറ്റൽ, ഗവ: ആയുർവേദിക് ഹോസ്പിറ്റൽ, താലൂക്ക് ഹോസ്പിറ്റൽ, പബ്ലിക് ഹെൽത്ത്‌ സെന്റർ തുടങ്ങിയവയും നിരവധി സ്വകാര്യ ആരോഗ്യസ്ഥാപനങ്ങളും പ്രവർത്തിച്ച് വരുന്നു. പൊതുജനങ്ങളിൽ കായിക ക്ഷമന വർദ്ധിപ്പിക്കാൻ ഉതകുന്ന ഒരു പബ്ലിക് പാർക്ക്‌ ഗവ:വി.എം.സി സ്കൂളിനോട് ചേർന്ന് പ്രവർത്തിച്ച് വരുന്നു.