"ജി.എൽ.പി.എസ് തവരാപറമ്പ്/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

=== '''<big>പ്രവേശനോത്സവം_02- ജൂൺ-2022</big>''' ===

<big>കാവനൂർ: ഇടവപ്പാതിയിലെ മഴമാറിനിന്ന ഇടവേളയിൽ കാവനൂർ പഞ്ചായത്തിലെ ഒന്നാം ക്ലാസ് പ്രവേശനോത്സവം ജി എം എൽ പി സ്‌കൂൾ തവരാപറമ്പ് സ്‌കൂളിൽ വർണാഭമായ ചടങ്ങുകളോടെ സംഘടിപ്പിച്ചു. പഞ്ചായത്തിലെ തന്നെ മാതൃക സ്‌കൂളായ തവരാപറമ്പിൽ ഇപ്രാവശ്യം റെക്കോർഡ് അഡ്മിഷൻ കൂടി കണക്കിലെടുത്താണ് പ്രവേശനോത്സവം സ്‌കൂളിൽ സംഘടിപ്പിച്ചത്. പഞ്ചായത്ത് പ്രസിഡന്റ് പി വി ഉസ്മാൻ ലോവർ പ്രൈമറി പഠനം നടത്തിയ പ്രത്യേകതയും കൂടി ഈ സ്‌കൂളിനുണ്ട്.</big>  

<big>കൃത്യമായ പ്ലാനിങ്ങും നാട്ടുകാരുടെ ജനകീയ പങ്കാളിത്തവും പ്രവേശനോത്സവം വർണാഭമാക്കി മാറ്റി. പുത്തനുടുപ്പും പുസ്തകസഞ്ചിയുമായി പരിപാടി തുടങ്ങുന്നതിനും ഏറെ നേരം മുമ്പേ കുട്ടികൾ സ്‌കൂളിലേക്ക് പ്രവഹിച്ചു. ഏകദേശം പതിനൊന്ന് മണിയോടെ പ്രവേശനോത്സവം തിങ്ങിനിറഞ്ഞ സദസ്സിനു മുമ്പിൽ പൂർവ്വ വിദ്യാർത്ഥിയും കാവനൂർ പഞ്ചായത്ത് പ്രസിഡന്റുമായ പി വി ഉസ്മാൻ നിർവഹിച്ചു. ആദ്യാക്ഷരം നുകർന്ന പ്രിയപ്പെട്ട സ്‌കൂളിലെ പ്രവേശനോത്സവം ഉദ്ഘടനം ചെയ്യാൻ ഭാഗ്യം ലഭിച്ചത് ജീവിതത്തിലെ അമൂല്യ നിമിഷമാണെന്ന് പ്രസിഡന്റ് പറഞ്ഞു. കാവനൂർ അങ്ങാടിയിൽ നിന്നും ഏറെ ദൂരമുണ്ടങ്കിലും പ്രവർത്തനമികവ് കൊണ്ടും പഠന-പഠനേതര പ്രവർത്തികൾ കൊണ്ടും തവരാപറമ്പ് ജിഎം എൽ പി സ്‌കൂൾ പഞ്ചായത്തിലെ മുഴുവൻ സ്‌കൂളുകൾക്കും മാതൃകയാണെന്ന് അദ്ദേഹം പറഞ്ഞു.</big>  

<big>ചിത്ര ശലഭങ്ങളെ പോലെ അക്ഷരമധുരം നുകരാൻ പറന്നെത്തിയവരാണ്  എല്ലാ കുഞ്ഞു കൂട്ടുകാരുമെന്ന് തുടർന്ന് സംസാരിച്ച കാവനൂർ സ്‌കൂളിന്റെ ചുമതല വഹിക്കുന്ന സച്ചിൻ (ബിആർസി അരീക്കോട്) അഭിപ്രായപ്പെട്ടു. ചെറിയ ക്ലാസ്സുകളിൽ നമ്മൾ ചിലവിട്ട സുന്ദരമായ നാളുകൾ ഒരിക്കലും മറക്കാത്ത ഓർമകളായി നമ്മോടൊപ്പം എന്നുമുണ്ടാകും.</big>

<big>കാവനൂർ പഞ്ചായത്തിലെ മികച്ച സ്‌കൂളുകളിലൊന്നായി വളരാൻ തവരാപറമ്പ് ജി എം എൽ പി സ്‌കൂളിന് കഴിഞ്ഞത് നാട്ടുകാരുടെ നിസ്സീമമായ സഹകരണം കൊണ്ടും കുട്ടികളെ പഠിപ്പിക്കാനുള്ള രക്ഷിതാക്കളുടെ ആവേശം കൊണ്ടുമാണെന്നു സ്‌കൂളിന്റെ പ്രധാനാധ്യാപകൻ ശരീഫ് മാസ്റ്റർ ഏറനാടൻ നാട്ടുവാർത്തയോട് പറഞ്ഞു. ഏറ്റവും മികച്ച അധ്യാപകരാണ് സ്‌കൂളിനുള്ളത്. അതുകൊണ്ട് തന്നെ നൂറുശതമാനം എഫേർട്ട് അവർക്ക് കുട്ടികൾക്ക് നൽകാൻ കഴിയുന്നു. അതും തവരാപറമ്പ് സ്‌കൂൾ ജില്ലയിലെ തന്നെ അറിയപ്പെടുന്ന സ്‌കൂളായി മാറാൻ സഹായിച്ചുവെന്നും അദ്ദേഹം അഭിപ്രായപ്പെട്ടു.  സ്വകാര്യ സ്‌കൂളുകളുടെ തള്ളിക്കയറ്റം ഉണ്ടായിട്ടും ഇപ്രാവശ്യം നൂറിനടടുത്ത് കുട്ടികൾ സ്‌കൂളിൽ അഡ്മിഷൻ എടുത്തു. പൊതുജനങ്ങൾക്ക് സ്‌കൂളിനോടുള്ള താല്പര്യവും സ്നേഹവുമാണ് അത് കാണിക്കുന്നത്. 140 പ്രി പ്രൈമറി കുട്ടികളും ഒന്ന് മുതൽ നാലുവരെ മുന്നൂറിൽ പരം കുട്ടികളും നിലവിൽ ഇവിടെ പഠിക്കുന്നുണ്ട്. ഒരു നോൺ ടീച്ചിങ് സ്റ്റാഫ്‌ ഉൾപ്പെടെ പതിമൂന്ന് അധ്യാപകർ സ്‌കൂളിനുണ്ട്. അവരെല്ലാം തന്നെ കുട്ടികളുടെ സർവോന്മുഖമായ വികസനത്തിന് വേണ്ടി പണിയെടുക്കുന്നതിന്റെ ഫലമായി കുട്ടികൾ പഠനത്തിൽ ഉന്നത നിലവാരം പുലർത്തുന്നു. അതോടൊപ്പം പി ടി എ കമ്മറ്റിയും സജീവമാണ്.</big>

<big>അരീക്കോട് ഉപജില്ലാ വിദ്യാഭ്യാസ ഓഫീസർ ശ്രീ മുഹമ്മദ് കോയ സാർ ആദ്യ ദിവസത്തെ ക്ലാസ്സ് പി.ടി.എ ഉദ്ഘാടനം ചെയ്തു. 2022-23 അദ്ധ്യയനവർഷത്തെ അക്കാദമിക് മാസ്റ്റർ പ്ലാനിന്റെ പ്രകാശനവും അമ്മ വായന പരിപാടിയുടെ ഉദ്ഘാടനവും ഉപജില്ലാ വിദ്യാഭ്യാസ ഓഫീസർ നിർവഹിച്ചു. ആധുനിക വിദ്യാഭ്യാസ രീതികളുമായി കുട്ടികളെ ബന്ധപ്പെടുത്തണമെന്നും കുട്ടികളെ നന്നായി വളർത്തൽ രക്ഷിതാക്കളുടെ ബാധ്യതയാണെന്നും എ.ഇ.ഒ ഓർമ്മപ്പെടുത്തി.</big>

 

<big>അഞ്ചാം ദിനം സി.പി.ടി.എ. അരീക്കോട് ബ്ലോക്ക് പ്രോഗ്രാം കോർഡിനേറ്റർ ശ്രീ. പി.ടി. രാജേഷ് ഉദ്ഘാടനം ചെയ്തു.</big>

<big>പ്രീപ്രൈമറി മുതൽ നാലാം ക്ലാസ് വരെയുള്ള കുട്ടികളുടെ രക്ഷിതാക്കൾക്ക് അഞ്ചു ദിവസങ്ങളിലായി( ഓരോ ക്ലാസ്സിനും ഓരോ ദിവസം) സംഘടിപ്പിച്ച  രക്ഷാകർത്തൃശാക്തീകരണ പരിപാടി ഹെഡ്മാസ്റ്റർ V ഷരീഫ് , വാർഡ് മെമ്പർ ശ്രീമതി. ഫൗസിയ സിദ്ദീഖ്,,എ അംബിക , ചന്ദ്രിക , ജെസ്മിന , സിന്ധു , മുഫീദ ,ബിന്ദു , സാദിഖലി, റെജി സി തുടങ്ങിയവർ   നിയന്ത്രിച്ചു.</big>

<big>തവരാപറമ്പ് ഗവണ്മെന്റ് എൽ പി സ്കൂളിൽ 2022-23 വർഷത്തെ സ്കൂൾ പാർലമെന്റ് തെരഞ്ഞെടുപ്പ് വിപുലമായി നടന്നു. രണ്ട് ഘട്ടങ്ങളിലായാണ് തെരഞ്ഞെടുപ്പ് നടത്തിയത്.</big>

<big>ആദ്യ ഘട്ടത്തിൽ 11 മണ്ഡലത്തിലേക്കുള്ള തെരഞ്ഞെടുപ്പിൽ 35 സ്ഥാനാർഥികൾ മത്സരിച്ചു.</big>

<big>പൂർണമായും ഇലക്ട്രോണിക് വോട്ടിംഗ് മെഷീൻ ഉപയോഗിച്ചായിരുന്നു തെരഞ്ഞെടുപ്പ് എന്നതാണ് പ്രധാന പ്രത്യേകത.</big>

<big>രണ്ടാം ഘട്ട തെരഞ്ഞെടുപ്പിൽ സ്കൂൾ ലീഡർ സ്ഥാനത്തേക്ക് 4 സ്ഥാനാർഥികൾ മത്സരിച്ചു.....</big>

<big>തെരഞ്ഞെടുപ്പിന്റെ എല്ലാ ഘട്ടങ്ങളിലൂടെയും കടന്നു പോയതിനാൽ കുട്ടികൾക്ക് ഇത് പുതിയൊരു അറിവും അനുഭവവും ആയിരുന്നു.</big>

<big>4A ക്ലാസിലെ ഫാത്തിമ റന എം റെക്കോർഡ് ഭൂരിപക്ഷത്തോടെ വിജയിച്ചു. രണ്ടാം സ്ഥാനം നേടിയ ഇനാസ് എം പി യെ ഡെപ്യൂട്ടി ലീഡർ ആയി തെരഞ്ഞെടുത്തു.</big>

<big>റിസൾട്ട്‌ പ്രഖ്യാപനത്തിന് ശേഷം ആരംഭിച്ച വിജയഹ്ലാദ പ്രകടനം ഏറെ ശ്രദ്ധയാകർഷിച്ചു.ഇലക്ഷൻ വാർത്തകൾ കാണാനായി ഇവിടെ [[ജി.എൽ.പി.എസ് തവരാപറമ്പ്/പ്രവർത്തനങ്ങൾ/https://youtu.be/PTl8M-FBUYQ|ക്ലിക്ക് ചെയ്യൂ]]</big>

<big>കാപന്തുകളിയെ ജീവനും തുല്യം സ്നേഹിക്കുന്ന മലയാളിയുടെ ആവേശം സ്കൂൾ മുറ്റത്ത് നിന്നു തന്നെ തന്നെ തുടങ്ങട്ടെ. കളിയാണ് ലഹരി എന്നമുദ്രാവാക്യത്തോടെ പെനാൽറ്റി ഷൂട്ട്ഔട്ട്‌ മത്സരത്തിന് സ്കൂളിൽ തുടക്കം കുറിച്ചു. വാർഡ് മെമ്പർ ഫൗസിയ സിദ്ധീഖ് പരിപാടിയുടെ ഉദ്ഘാടനം നിർവഹിച്ചു.തവരാപറമ്പ് GLP സ്കൂളിലെ കുരുന്നുകൾക്കൊപ്പം ഷൂട്ടൗട്ട് മത്സരത്തിൽ പങ്കെടുത്തു ഉദ്ഘാടനം നിർവഹിച്ചു.</big>

 

<big>പരസ്പര സ്നേഹവും സൗഹാർദവും ഐക്യവും നിലനിർത്താൻ ഈ കായികാവേശത്തിനാകട്ടെ എന്ന് ആശംസിക്കുന്നു.</big>

<big>സ്വാതന്ത്യത്തിന്റെ എഴുപത്തഞ്ചാം വാർഷികത്തോടാനുബന്ധിച്ചു വിപുലമായ ആഘോഷ പരിപാടികൾ സഘടിപ്പിച്ചു.   പ്രധാനാധ്യാപകൻ ശരീഫ് തൃക്കളയൂർ പതാക</big> <big>ഉയർത്തി.വിവിധ സ്വാതന്ത്ര്യ സമര സേനാനികളുടെ വേഷം ധരിച്ച വിദ്യാർത്ഥികളെയും ഉൾപ്പെടുത്തി സ്വാതന്ത്ര്യ ദിന റാലി സഘടിപ്പിച്ചു. റാലിയുടെ ഭാഗമായി നടന്ന ഉപ്പു സത്യാഗ്രഹ യാത്ര ഏറെ ശ്രദ്ധേയമായിരുന്നു.</big>

<big>തുടർന്ന് കുട്ടികളുടെ വിവിധ കലാപരിപാടികൾ സംഘടിപ്പിച്ചു. ആഘോഷവുമായി ബന്ധപ്പെട്ട് നടത്തിയ വിവിധ മത്സരങ്ങളിൽ പങ്കെടുത്ത കുട്ടികൾക്ക് സമ്മാനദാനം നടത്തി.</big>

 

<big>ശേഷം സ്കൂൾ പി ടി എ യുടെ നേതൃത്വത്തിൽ പായസ വിതരണം നടത്തി.</big>

 

<big>പ്രധാനാധ്യാപകൻ ശരീഫ് മാസ്റ്റർ, വാർഡ് മെമ്പർ ഫൗസിയ സിദ്ധീഖ്, ഇ കെ.ജലീൽ സാഹിബ്‌, സി.പി. സിദ്ദീഖ്. സി.പി. അഹമ്മദ് ഹാജി ,തുടങ്ങിയവർ സംസാരിച്ചു.</big>

<big>പൂർവ വിദ്യാർത്ഥികൾ, രക്ഷിതാക്കൾ, നാട്ടുകാർ പങ്കെടുത്തു..........</big>

<big>തവരാപറമ്പ് GLP സ്ക്കൂളിലെ റിപ്പബ്ലിക് ദിനാഘോഷം വ്യത്യസ്തമായി.   സ്കൂൾ അങ്കണത്തിൽ ദേശീയ പതാക ഉയർത്തി ആരംഭിച്ച ആഘോഷ പരിപാടിയിൽ 1954. ൻ സകൂർ ആരംഭിച്ചപ്പോൾ ആദ്യമായി അഡ്മിഷൻ നേടിയ പി. മൂസക്കട്ടി മൊല്ലയെ ആദരിച്ചു.. റിപ്പബ്ലിക് ദിനത്തോടനുബന്ധിച്ച് നടന്ന വ്യത്യസ്ത മത്സരങ്ങളിലെ വിജയികൾക്ക് സമ്മാനം വിതരണം ചെയ്തു. സ്കൂർ ഹെഡ് മാസ്റ്റർ വി. ഷരീഫ്, PTA കമ്മിറ്റി മെമ്പർമാരായ സി.പി. സിദ്ദീഖ്, സി. ആശിക്ക, ജസീനം .അംബിക ടീച്ചർ, ചന്ദ്രിക ടീച്ചർ വിജി. ടീച്ചർത്യാ ങ്ങിയവർ സംസാരിച്ചു. മധുരവിതരണം നടത്തി.</big>

=== <big>'''വായനചങ്ങാത്തം'''</big> ===

<big>വായനയുടെ ലോകത്തേക്ക് കുട്ടികളെ നയിക്കാനായി ആരംഭിച്ച പദ്ധതിയാണ് വായന ചങ്ങാത്തം. ഇതിന്റെ ഓരോ ക്ലാസ്സിലെ രക്ഷിതാക്കൾക്കും CPTA യോഗങ്ങൾ സംഘടിപ്പിക്കുകയും, അവരുടെ കയ്യെഴുത്ത് മാഗസിൻ പ്രകാശനം ചെയ്യുകയും ചെയ്തു. മഴവില്ല്, മഞ്ചാടി, തുടങ്ങി യവായാ യിരുന്നു അവ. കുട്ടികളെ വായനയുടെ ലോകത്തേക്ക് നയിക്കാനായി അവർക്കായി വട്ടു ലൈബ്രറി ഒരുക്കാനും, അയൽപക്ക ലൈബ്രറിയുടെ ഉപയോഗം കാര്യക്ഷമ മാക്കാനും നിർദ്ദേശം നൽകി. ശക്തികരണം സ്കൂളുകളിൽനടത്തുകയും. അമ്മമാരുടെ കൂട്ടായ പ്രവർത്തനത്തിലൂടെ അതിലേക്കാവശ്യമായ രചനകൾ ഉൾപ്പെടുത്തുകയും ചെയ്തു. ഗൃഹ സന്ദർശനത്തിന്റെ ഭാഗമായി വീട്ടിലെ സന്ദർശനവുംനടക്കുകയുണ്ടായി</big>

<big>കുട്ടികളുടെ പൊതു ജ്ഞാനം വർദ്ധിപ്പിക്കുക എന്ന ലക്ഷ്യത്തോടെ നമ്മുടെ സ്കൂളിൽ നടന്നുവരുന്ന ഒരു പദ്ധതിയാണ് മെഗാ ക്വിസ് . എല്ലാ ക്ലബ്ബുകളുടെയും കൂട്ടായി പ്രവർത്തനത്തിലൂടെ ആണ് ഇതിന്റെ പ്രവർത്തനം. എല്ലാവർഷവും ഫെബ്രുവരി മാസം അവസാനത്തിലാണ് മെഗാ ക്വിസ് നടത്തുന്നത്. അതിനു മുന്നോടിയായി ഒരു മാസവും ക്വിസ് മത്സരം സംഘടിപ്പിക്കുകയും ചെയ്യാറുണ്ട്. ആനുകാലികസംഭവങ്ങളും മറ്റും ഉൾപ്പെടുത്തിക്കൊണ്ട് കുട്ടികൾക്കായി  എല്ലാദിവസവും പഠിക്കാൻ ആവശ്യമായ വിവരങ്ങൾ ഓരോ ക്ലബ് അംഗങ്ങളും നൽകുന്നു. ഇതിനെ അടിസ്ഥാനമാക്കിയാണ് മെഗാ ക്വിസ് മത്സരം നടക്കുന്നത്. ഈ വർഷം മുതൽ വിജയികൾക്ക് ഒന്നാം സമ്മാനം 2000 രൂപ.  രണ്ടാം സമ്മാനം ആയിരം രൂപ മൂന്നാം സമ്മാനം 500 രൂപ എന്നിങ്ങനെ നൽകുന്നു</big>

<big>കുട്ടിയെ അടുത്തറിയാൻ അവരുടെ വീടുമായി രക്ഷിതാക്കൾ നിരന്തരം ബന്ധപ്പെടേണ്ടതുണ്ട്.  ഞങ്ങളുടെ സ്കൂളിൽ നേരത്തെ ആരംഭിച്ച പരിപാടിയാണ് ഗൃഹ സന്ദർശനം.ഈ വർഷത്തെ സന്ദർശന പരിപാടിയുടെ  ലക്ഷ്യങ്ങളിൽ ഒന്നു കൂടി ഉണ്ടായിരുന്നു. കുട്ടിയുടെ വീട്ടുലൈബ്രറി കാണുക എന്ന ഉദ്ദേശത്തോടുകൂടിയുണ്ടായിരുന്നു. കുട്ടിയുടെ ഇഷ്ട മേഖലകൾ അവർക്ക് ആവശ്യമായ പഠന പിന്തുണകൾ വീട്ടിലെ സാമ്പത്തിക സാമൂഹിക ചുറ്റുപാടുകൾ എന്നിവയെല്ലാം അവരുടെ പഠനത്തെ സ്വാധീനിക്കുന്ന ഘടകങ്ങളാണ്. അതേക്കുറിച്ച് കൂടുതൽ അറിയാൻ അമ്മയുമായി സംവദിക്കാൻ തുടങ്ങിയവയാണ് സന്ദർശനത്തിന്റെ ലക്ഷ്യങ്ങൾ</big>

<big>അന്താരാഷ്ട്ര അറബി ഭാഷ ദിനത്തോടാനുബന്ധിച്ച് മൂന്ന് നാല് ക്ലാസ്സിലെ കുട്ടികളുടെ രചനകൾ ഉൾപ്പെടുത്തിക്കൊണ്ട് പൂർണമായും അറബി ഭാഷയിൽ തയ്യാറാക്കിയ മാഗസിൻ ആണ് അൽ ഖലം. കുട്ടികളുടെ വരകൾ, കഥ കവിത കാലിയോഗ്രഫി തുടങ്ങിയവ ഇതിൽ ഉൾപ്പടുന്നു. സ്കൂളിൽ സംഘടിപ്പിച്ച അറബിക് അസംബ്ലിയിൽ കാവനൂർ ഗ്രാമ പഞ്ചായത്ത്‌ പ്രസിഡന്റ്‌ പി വി ഉസ്മാൻ സാഹിബ്‌ അവർകൾ മാഗസിന്റെ പ്രകാശനം നിർവഹിച്ചു.ചടങ്ങിൽ മുഖ്യാതിഥിയായി അവരാ പറമ്പിലെ പൂർവ്വ വിദ്യാർത്ഥിയും അറബി ഭാഷയിൽ കാലിക്കറ്റ് യൂണിവേഴ്സിറ്റിയിൽ നിന്നും ഡോക്ടറേറ്റ് കരസ്ഥമാക്കിയ ഡോക്ടർ ശരഫുദ്ദീൻ സാറും പങ്കെടുത്തു. ഹെഡ്മാസ്റ്റർ വി ശരീഫ് മാസ്റ്ററുടെ അധ്യക്ഷതയിൽ നടന്ന ഈ പരിപാടിയിൽ വാർഡ് മെമ്പർ ഫൗസിയ സിദ്ദീഖ് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സൈഫുദ്ദീൻ എന്നിവർ പങ്കെടുത്തു. അരീക്കോട് സബ് ജില്ലയിൽ നടന്ന അറബിക് മാഗസിൻ മത്സരത്തിൽ വെച്ച്  ഞങ്ങളുടെ മാഗസിൻ</big>

<big>രണ്ടാം സ്ഥാനം നേടുകയും ചെയ്തു.ഞങ്ങളുടെ അറബിക് അധ്യാപകരായ ഡോക്ടർ സൗദാബി ടീച്ചറുടെയും ലത്തീഫ് വാഫിയുടെയും നേതൃത്വത്തിലാണ് പ്രവർത്തനം നടന്നത്.</big>

=== <big>'''ദേശീയ ഗണിതശാസ്ത്ര ദിനം- ഗണിത മാഗസിൻ -'മഞ്ചാടി''''</big> ===

<big>ദേശീയ ഗണിത ശാസ്ത്രജ്ഞനുബന്ധിച്ച് ഗണിത ക്ലബ്ബിന്റെ നേതൃത്വത്തിൽ സ്കൂളിലെ കുട്ടികളുടെ രചനകൾ ഉൾപ്പെടുത്തിക്കൊണ്ട് തയ്യാറാക്കിയ ഗണിത മാഗസിനാണ് മഞ്ചാടി. പ്രകാശനം കാവനൂർ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സൈഫുദ്ദീൻ വാർഡ് മെമ്പർ ഫൗസിയ സിദ്ദീഖ് നൽകിക്കൊണ്ട് നിർവഹിച്ചു.ഗണിത ശാസ്ത്രജ് കുസൃതി ചോദ്യങ്ങൾ ഗണിതഫിൽ ഗണിത ചാർത്തുകൾ ജോമെട്രിക് പാറ്റേൺ തുടങ്ങി വിവിധങ്ങളായ രചനകൾ മഞ്ചാടിയിൽ ഉൾപ്പെട്ടിട്ടുണ്ട്. ഹെഡ്മാസ്റ്റർ മാസ്റ്ററുടെ നേതൃത്വത്തിൽ നടന്ന ചടങ്ങിൽ പഞ്ചായത്ത് പ്രസിഡന്റ് പിവി ഉസ്മാൻ സാഹിബ് എസ് എസ് ആർ ജി കൺവീനർ അംബിക ടീച്ചർ ചന്ദ്രിക ടീച്ചർ എന്നിവർ ആശംസകൾ അറിയിച്ചു.</big>

<big>നാലാം ക്ലാസിലെ കുട്ടികളുടെ രചനകൾ ഉൾപ്പെടുത്തി കൊണ്ട് പൂർണമായും അറബി ഭാഷയിൽ തയ്യാറാക്കിയ കയ്യെഴുത്തു മാഗസിൻ ആണ് അൽഹിലാൽ. കുട്ടികളുടെ വര കവിത ഡ്രാമ തുടങ്ങിയവ ഉൾപ്പെടുത്തി തയ്യാറാക്കിയ ഈ മാഗസിന്റെ പ്രകാശനം കാവനൂർ ഗ്രാമപഞ്ചായത്ത് പ്രസിഡണ്ട്pv ഉസ്മാൻ സാഹിബ് അവർകൾ നിർവഹിച്ചു. അറബി ക്ലബ്ബിന്റെ ആഭിമുഖ്യത്തിൽ നാലാം ക്ലാസിലെ അറബി അധ്യാപകൻ റഷീദ് സാറിന്റെ നേതൃത്വത്തിലാണ് അൽഹിലാലിന്റെ പ്രവർത്തനം നടന്നത്.</big>