"ഗവൺമെന്റ് വി. എച്ച്. എസ്. എസ്. വീരണകാവ്/സൗകര്യങ്ങൾ/വിവിധ ഉദ്യാനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സ്കൂളിന്റെ പ്രകൃതിസ്നേഹം വെളിവാക്കുന്ന ഈ ഉദ്യാനം വിദ്യാർത്ഥികളിൽ പരിസ്ഥിതിയോടുള്ള ഇണക്കവും യോജിപ്പും ഊട്ടിയുറപ്പിക്കാനും വരുംതലമുറ ജന്തുസസ്യജാലങ്ങളെ തന്റെ തന്നെ നിലനിൽപ്പിന്റെ അടിസ്ഥാനമാണെന്ന് തിരിച്ചറിഞ്ഞുകൊണ്ട് സംരക്ഷിക്കാനും ഉതകുന്ന തരത്തിലാണ് സജ്ജീകരിച്ചിരിക്കുന്നത്.വിവിധതരം സസ്യങ്ങളും,മത്സ്യകുളവും ചെറുജീവികളും ഇടയ്ക്കിടെ വിരുന്നു വരുന്ന കിളികളുമൊക്കെ ചേർന്ന് ഈ ചെറിയ ഉദ്യാനം വലിയ ജൈവവൈവിധ്യങ്ങളുടെ കേന്ദ്രമായി നിലനിൽക്കുന്നു.

കുഞ്ഞൂങ്ങളുടെ ശബ്ദത്തോടൊപ്പം അവരുടെ കളികളോടൊപ്പം മുറ്റത്ത് പാറിപ്പറക്കുന്ന ശലഭങ്ങൾ ഒരു കൗതുകകാഴ്ചയാണ്.ചിലപ്പോഴൊക്കെ കിങ്ങിണിച്ചെടിയിലും,കൃഷ്ണകിരീടത്തിലും മറ്റും തൂങ്ങികിടക്കുന്ന ശലഭലാർവയും പുഴുക്കളും ചിറകുമുളച്ചു പറക്കുന്ന ശലഭങ്ങളും ഈ ചെറിയ ഉദ്യാനത്തെ മനോഹരമാക്കുന്നു.അഡ്വ.ശ്രീ.സ്റ്റീഫൻ സാറാണ് ശലഭോദ്യാനത്തിന്റെ ജില്ലാതല ഉദ്ഘാടനം ഈ സ്കൂളിൽ വച്ച് നിർവഹിച്ചത്.

വി.എച്ച്.എസ്.ഇ വിഭാഗം കെട്ടിടത്തിന്റെ ടെറസ്സിലാണ് ഓർക്കിഡ് ഗാർഡൻ സജ്ജീകരിച്ചിരിക്കുന്നത്.പലതരത്തിലുള്ള ഓർക്കിഡുകൾ ഗ്രീൻഹൗസിനകത്ത് സംരക്ഷിക്കപ്പെട്ടിരിക്കുന്നു.