"ജി.എം.യു.പി.എസ്.മുണ്ടമ്പ്ര/സൗകര്യങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അരീക്കോട് ഗ്രാമപഞ്ചായത്തിലെ  ഏറ്റവും പിന്നാക്ക പ്രദേശമാണ് മുണ്ടമ്പ്ര.ചുറ്റുമുള്ള പ്രദേശങ്ങൾ വിദ്യാഭ്യാസപരമായും സാമ്പത്തികമായും ഏറെ മുന്നേറിയിട്ടും ഇവിടെ മാറ്റങ്ങൾ വന്നില്ല.ഇവിടെ വിദ്യാലയങ്ങൾ ആരംഭിക്കാൻ പല ശ്രമങ്ങൾ ഉണ്ടായെങ്കിലും സമൂഹം താൽപര്യം കാണിക്കാത്തതിനാൽ അടച്ചു പോയി.1973ലാണ് മുണ്ടമ്പ്രയിൽ  എൽപി സ്കൂൾ ആരംഭിച്ചത്.ആദ്യകാലത്ത് മദ്രസയിൽ ആയിരുന്നു സ്കൂൾ പ്രവർത്തിച്ചത്.ഹസൻ കുട്ടി ഹാജി  സംഭാവന ചെയ്ത സ്ഥലത്ത് നാല് ക്ലാസ് റൂമുകൾ നിർമ്മിച്ചത് സന്നദ്ധ സേവന യിലൂടെയാണ്.റേഷൻ പഞ്ചസാരയും,മണ്ണെണ്ണയും കരിഞ്ചന്തയിൽ വിറ്റും, സിനിമാപ്രദർശനം നടത്തിയുമാണ്  ധനസമാഹരണം നടത്തിയത്.പണിയെല്ലാം സന്നദ്ധ സേവനത്തിലൂടെയാണ്ചെയ്തത്.1980 സർക്കാറിൻ്റെ തൊഴിലിനു പകരം ഭക്ഷ്യധാന്യം എന്ന പദ്ധതിയിലുൾപ്പെടുത്തി നാല് ക്ലാസ്സ് മുറികൾ കൂടി നിർമ്മിച്ചു.

അധ്യാപകർ സ്വയം സംഘടിപ്പിച്ച കമ്പ്യൂട്ടറുകൾ ഉപയോഗിച്ചാണ് 2007ൽ ആദ്യത്തെ IT ലാബ് ആരംഭിച്ചത് .പിന്നീട് MLA ഇസ്ഹാഖ് കുരിക്കളുടെ ഫണ്ടിൽ നിന്നും 4 കമ്പ്യൂട്ടറുകൾ അനുവദിച്ചു.പഞ്ചായത്തിൽ നിന്ന് ഒന്നും .പവർ ഗ്രിഡ് കോർപ്പറേഷൻ 5 കമ്പ്യൂട്ടറും ഒരു LCD TV യും അനുവദിച്ചിരുന്നു. 2011 ൽ ജനകീയ പിന്തുണയോടെ സമാഹരിച്ച കമ്പ്യൂട്ടറുകൾ ലാബിനെ ശക്തിപ്പെടുത്തി .