"ജി.യു.പി.എസ്.ചെമ്മനാട് വെസ്‌റ്റ്/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ബ്രിട്ടീഷ് ഇന്ത്യയിലെ മദ്രാസ് പ്രസിഡൻസിക്കു കീഴിലായിരുന്നു അന്ന് കാസർക്കോടും ചെമ്മനാടും. സർക്കാർ എറ്റെടുത്തപ്പോൾ പ്രസിഡൻസിക്കു കീഴിൽ ബോർഡു മാപ്പിള എലിമെന്ററി സ്‌കൂൾ ഫോർ ബോയ്‌സ് ചെമ്മനാട് വെസ്റ്റ് എന്നായിരുന്നു  ആദ്യകാലത്തെ പേര്.  ബോർഡു മാപ്പിള എലിമെന്ററി സ്‌കൂൾ ഫോർ ഗേൾസ് എന്ന പേരിൽ ചെമ്മനാട് നോർത്തിൽ (ഇപ്പോഴത്തെ ബടക്കംബാത്ത്, പൊട്ടംകുളം എന്ന സ്ഥലത്തിനു സമീപം) മറ്റൊരു സ്‌കൂൾ പിന്നീട് സ്ഥാപിതമായി. 'പെണ്ണ്ങ്ങളെ സ്‌കൂൾ' എന്നാണ് അതിനെ നാട്ടുകാർ വിളിച്ചിരുന്നത്. പിന്നീട് ഈ രണ്ടു സ്കൂളുകളും ഒന്നു ചേർന്നാണ് ഇപ്പോഴത്തെ സ്കൂൾ സ്ഥാപിതമായത്. 1914 ൽ കല്ലുവളപ്പിൽ കുഞ്ഞിമാഹിൻ കുട്ടിക്ക് നൽകിയ ടി.സി. യാണ് വിവരങ്ങൾക്ക് ആധാരം. അദ്ദേഹത്തിന്റെ മരണത്തിനു തൊട്ടുമുമ്പ് മകനായ കല്ലുവളപ്പിൽ കെ.വി. ഇസ്മായിലിനോട് പറ‍ഞ്ഞ വിവരങ്ങൾ തന്റെ ഡയറിക്കുറിപ്പിൽ നിന്ന് ഓർത്തെടുത്തും, നിധിപോലെ സൂക്ഷിക്കുന്ന പിതാവിന്റെ ടി.സി. സാക്ഷ്യപ്പെടുത്തിയുമാണ് വിവരങ്ങൾ ലഭ്യമാക്കിയത്.  [[പ്രമാണം:11453 003.jpg|ഇടത്ത്‌|ലഘുചിത്രം|<small>1914 ൽ നൽകിയ</small> '''കല്ലുവളപ്പിൽ കുഞ്ഞിമാഹിൻ കുട്ടി'''  <small>യുടെ ടി.സി.</small>]]

{{PSchoolFrame/Pages}}കേരളത്തിൽ സർക്കാർ തലത്തിൽ പ്രീപ്രൈമറി വിദ്യാഭ്യാസം ആരംഭിക്കുന്നതിനു മുമ്പ് 2006 ൽ പി.ടി.എ. യുടെ നേതൃത്വത്തിൽ ആരംഭിച്ച പ്രീപ്രൈമറിക്ക് നിരവധി പോരാട്ടങ്ങൾക്കൊടുവിലാണ് വിദ്യാഭ്യാസ വകുപ്പിന്റെ അംഗീകാരം ലഭിച്ചത്. ഒരു ടീച്ചറും, ആയയും സർക്കാർ ഓണറേറിയത്തോടെ ജോലി ചെയ്തു വരുന്നു. കുട്ടികൾ കുറഞ്ഞു വന്നുകൊണ്ടിരുന്ന ഈ വിദ്യാലയം പിന്നീടിങ്ങോട്ട്  നാളിതുവരെ കുട്ടികൾ വർദ്ധിച്ച് ആയിരത്തിനടുത്തെത്തി നിൽക്കുന്നു.  105 കുട്ടികളുള്ള പ്രീപ്രൈമറിയിൽ ഇപ്പോൾ 3 അധ്യാപികമാരും ഒരായയും പി.ടി.എ. വേതനത്തോടെ ജോലി ചെയ്തുവരുന്നു. മറ്റു സഹായങ്ങളില്ലാതിരുന്ന കാലത്ത് 2 വാഹനങ്ങൾ ലോണെടുത്തുവാങ്ങിയാണ് പി.ടി.എ. മാതൃക സൃഷ്ടിച്ചത്. കേരളത്തിലെ ആദ്യത്തെ ശീതീകരിച്ച കമ്പ്യൂട്ടർ ലാബ് 2006 ൽ ഈ വിദ്യാലയത്തിൽ ആരംഭിച്ചത് ചർച്ചയായിരുന്നു. എന്നാൽ 37 സെന്റെ് സ്ഥലം മാത്രമുള്ള ഈ വിദ്യാലയം കൂടുതൽ സ്ഥലമെടുത്ത് ഭൗതിക സൗകര്യങ്ങൾ വർദ്ധിപ്പിക്കാനുള്ള കഠിന പരിശ്രമത്തിലാണ്. ടൗണായതിനാലും ജനസാന്ദ്രത വളരെ കൂടുതലായതിനാലും സ്ഥലമെടുപ്പ് അത്ര എളുപ്പമായിരുന്നില്ല. എന്നാൽ പി.ടി.എ. അക്ഷരക്കടവത്ത് എന്ന പേരിൽ ഒരു വെൽഫെയർ കമ്മിറ്റി രൂപീകരിച്ച് പ്രവർത്തനം ആരംഭിച്ചിട്ടുണ്ട്. ജീവിതത്തിൽ വിവിധമേഖലകളിലായി വിജയം കൈവരിച്ച ഒരു പാട് പൂർവ്വ വിദ്യാർത്ഥികളെ കോർത്തിണക്കി പദ്ധതി യാദാർഥ്യമാക്കാനുള്ള തീവ്ര പരിശ്രമത്തിലാണ് അക്ഷരക്കടവത്ത് വെൽഫെയർ അസോസിയേഷൻ.