"എൽ എം എസ്സ് യു പി എസ്സ് കോട്ടുക്കോണം/അധിക വിവരങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പ്രപഞ്ച രഹസ്യങ്ങളുടെ കലവറയാണ് ശാസ്ത്രം .ശാസ്ത്രാവബോധം കുട്ടികളിലുണ്ടാക്കുക എന്ന ലക്ഷ്യത്തോടെ ബി ആർ സി യുടെ നേതൃത്വത്തിൽ സ്കൂളുകളിൽ നടത്തപ്പെട്ട ഒരു പദ്ധതിയാണ് വീട്ടിലൊരു പരീക്ഷണ ശാല .ലഘുപരീക്ഷണങ്ങളിലൂടെ ശാസ്ത്രാഭിരുചി വർദ്ധിപ്പിച്ചു കുട്ടികളെ ശാസ്ത്രാവബോധം ഉള്ളവരാകാൻ ഈ പദ്ധതിക്ക് കഴിഞ്ഞിട്ടുണ്ട്.ശാസ്ത്രജ്ഞന്മാരുടെ നിരന്തരമായ നിരീക്ഷണ,പരീക്ഷണ പാടവങ്ങളിലൂടെ ലോകത്തു മാറ്റങ്ങൾ സൃഷ്ടിക്കപ്പെട്ടു കൊണ്ടിരിക്കുന്നു.പുതിയ തലമുറയെ ശാസ്ത്ര ലോകത്തിന്റെ അത്ഭുത കാഴ്ചകളിലേയ്ക്ക് എത്തിക്കാൻ ഈ പരീക്ഷണ ശാലകൾ വളരെ ഫലവത്താണ്.ഇത്തരം പരീക്ഷണ പ്രവർത്തനങ്ങൾ  വീടിനുള്ളിൽ നടപ്പിലാക്കാൻ രക്ഷിതാക്കളുടെ സഹായവും ,നിരന്തര ഇടപെടലും വിദ്യാർത്ഥികൾക്ക് ആവശ്യമാണ്.

വാസ്തവത്തിൽ ഈയൊരു പ്രവർത്തനം പഠന പിന്നാക്ക അവസ്ഥയിൽ നിൽക്കുന്ന കുട്ടികളിൽ ഒരു വലിയ തിളക്കം തന്നെ വരുത്തി.

പലപ്പോഴും  ശ്രമിച്ചിട്ടും  അക്ഷരം പഠിപ്പിച്ചെടുക്കാൻ കഴിയാത്ത കുട്ടികളിൽ പോലും വലിയ മാറ്റങ്ങൾ സൃഷ്ട്ടിക്കാൻ ഈയൊരു പ്രവർത്തനത്തിന് സാധിച്ചു എന്നത് അഭിമാനത്തോടെ പറയട്ടെ.ക്‌ളാസ്സുകളിൽ പഠന പിന്നാക്ക അവസ്ഥയിൽ ഇരുന്ന പല കുട്ടികളും ഈ പ്രവർത്തനം ആവേശത്തോടെ ഏറ്റെടുത്തു.ഈയൊരു പ്രവർത്തനത്തിലൂടെ കുട്ടികളിൽ ആത്മവിശ്വാസം ഉണ്ടാക്കി എടുക്കാൻ സാധിച്ചു.ഞങ്ങൾക്ക്‌ ഒന്നിനും കഴിയില്ല എന്ന ചിന്തയുടെ സ്ഥാനത്തു എനിക്കും എന്തെങ്കിലുമൊക്കെ പറ്റും എന്ന ഒരു ഉറപ്പ് കുട്ടികളുടെ മനസ്സിലുണ്ടായി.അക്ഷരങ്ങൾ മനസ്സിലാക്കിയപ്പോഴുള്ള അവരുടെ സന്തോഷം നേരിൽ കാണേണ്ട ഒരനുഭവം തന്നെയായിരുന്നു.അവരുടെ മുഖത്തിന്റെ തിളക്കം മലയാള തിളക്കത്തിന്റെ പേര് പോലെ എന്നും തിളങ്ങാട്ടെ എന്ന് ആഗ്രഹിക്കുന്നു.തുടർ പ്രവർത്തനങ്ങൾ ഇനിയും പ്രതീക്ഷിക്കുന്നു.ഇതൊന്നും ഒരു ഭംഗി വാക്കല്ല .ഹൃദയത്തിന്റെ ഉള്ളിൽ നിന്നും വരുന്ന വാക്കുകളാണ് നേരനുഭവത്തിൽ നിന്നും.  തന്നിരുന്ന മൊഡ്യൂളുകൾ ഉപയോഗിച്ച് ക്രമമായി ഞങ്ങൾക്ക് ക്ലാസുകൾ എടുക്കാൻ സാധിച്ചു .പ്രത്യേകിച്ച് എല്ലാ അധ്യാപകരുടെയും പങ്കാളിത്തം ഈ പ്രവർത്തനം അടുക്കും ചിട്ടയുമായി നടത്തുന്നതിൽ ഉണ്ടായിരുന്നു എന്നത് എടുത്തു പറയേണ്ട ഒരു കാര്യം തന്നെയാണ്.

ഏറ്റവും മനോഹരവും കൂടുതൽ ആളുകൾ സംസാരിക്കുന്ന ഭാഷയുമാണ് ഇംഗ്ലീഷ്.ഇംഗ്ലീഷ് ഭാഷാ പരിജ്ഞാനം മെച്ചപ്പെവടുത്തുക എന്ന ലക്ഷ്യത്തോടെ ബി ആർ സി യുടെ നേതൃത്വത്തിൽ നടത്തപ്പെട്ട ഒരു പ്രോഗ്രാമാണ് ഹലോ ഇംഗ്ലീഷ് .രസകരമായും ,ലളിതമായും ഇംഗ്ലീഷ് മനസ്സിലാക്കുന്ന തരത്തിലുള്ള മൊഡ്യൂളുകളാണ് ക്രമപ്പെടുത്തിയിരുന്നത്.വളരെ ആവേശത്തോടെ കുട്ടികൾ ആ പ്രോഗ്രാം ഏറ്റെടുത്തു.

ഗണിതം രസകരവും എളുപ്പം ആക്കുന്നതിനും കുട്ടികൾക്ക് ഗണിതത്തോടുള്ള  താല്പര്യം വർദ്ധിപ്പിക്കുന്നതിനും പാറശ്ശാല ബി ആർ സിയുടെ നേതൃത്വത്തിൽ നമ്മുടെ സ്കൂളിൽ വച്ച് ഒരു ഗണിത ശില്പ ശാല സംഘടിപ്പിച്ചു,രക്ഷിതാക്കളും കൂടെ പങ്കെടുത്ത ഈ  ശില്പശാല വളരെ പ്രയോജനപ്രദമായിരുന്നു.ഗണിത പ്രോജക്ടുകൾ ചെയ്യാനാവശ്യമായ ഗണിത പഠനോപകരണങ്ങളും തയ്യാറാക്കി .ഗണിത കിറ്റുകൾ തയ്യാറാക്കി കുട്ടികൾക്ക് നൽകിയത് വളരെ പ്രയോജന പ്രദമായിരുന്നു.ശില്പ ശാലയിൽ നിരവധി ഗണിത പഠനോപകരണങ്ങൾ തയ്യാറാക്കിയത് സ്കൂളിലെ ഗണിത പ്രവർത്തനങ്ങൾക്ക് ഒരു മുതൽ കൂട്ടായിരുന്നു.

രാഷ്ട്ര ഭാഷയായ ഹിന്ദി പഠനം ലളിതവും ,രസകരവുമാക്കുക എന്ന ലക്ഷ്യത്തോടെ നടപ്പിലാക്കിയ ഒരു പദ്ധതിയാണ് സുരീലി ഹിന്ദി. ഹിന്ദി പഠനം ലളിതവും ,രസകരവുമാക്കുക എന്ന ലക്ഷ്യത്തോടെ 2016.ൽ  നടപ്പിലാക്കിയ ഒരു പദ്ധതിയാണ് സുരീലി ഹിന്ദി. കുട്ടികൾ വളരെ താല്പര്യപൂർവം അത് ഏറ്റെടുത്തു .കാരണം രസകരമായ ,കേൾക്കാൻ ഇമ്പമുള്ള കവിതകളാണ് വീഡിയോ മൊഡ്യൂളുകളായി നൽകിയിരുന്നത്.കുട്ടികൾ പാടി രസിക്കുകയായിരുന്നു. .അഭിനയിച്ചും,കളിച്ചും,രസിച്ചും അവർ ആ കഥയും,കവിതയും ഒക്കെ ചൊല്ലി.ഹിന്ദി ഭാഷയോട് ഒരിഷ്ടം കുട്ടികൾക്കുണ്ടായി.ആദ്യം യു  പി വിഭാഗത്തിലെ രണ്ട് ക്‌ളാസ്സുകൾക്കു മാത്രമായിരുന്നു ഈ പദ്ധതി നടപ്പിലാക്കിയിരുന്നത് .ഈ വർഷം മുതൽ മുതിർന്ന ക്‌ളാസ്സുകളിലേയ്ക്കും വ്യാപിപ്പിച്ചു.

കൃത്യമായ ഇടവേളകളിൽ പി ടി എ കൂടുകയും അഭിപ്രായങ്ങൾ ആരായുകയും വേണ്ട വിധത്തിൽ മാറ്റങ്ങൾ വരുത്തുകയും ചെയ്യുന്നു..പി ടി എ യുടെ കൃത്യമായ ഇടപെടലും,സഹകരണവും ഈ നാളുകളിൽ ലഭ്യമായിക്കൊണ്ടിരിക്കുന്നു. പി ടി എ പ്രസിഡന്റ് ഷാജി റ്റി  ആണ്.

എം പി ടി എ യുടെ പ്രവർത്തനങ്ങൾ വളരെ നല്ല രീതിയിൽ നടക്കുന്നു.സ്കൂളിനോട് സഹകരിച്ചു  പ്രവർത്തിക്കുന്ന ഒരു എം പി ടി എ ആണ് നമുക്കുള്ളത്.എം പി ടി എ പ്രസിഡന്റ് വിമല ആർ ആണ്

എല്ലാ റൂട്ടുകളിലും വാഹന സൗകര്യം ഒരുക്കിയിട്ടുണ്ട് .സമയ കൃത്യത പാലിച്ചു സർക്കാരിന്റെ നിർദേശങ്ങൾ അനുസരിച്ചു വാഹനം ഓടുന്നുണ്ട് .പരാതി രഹിതമായ രീതിയിൽ വാഹന ക്രമീകരണം  നടത്തുന്നതിൽ ശ്രദ്ധിക്കുന്നുണ്ട് .

സ്കൂളിന്റെ മുതൽക്കൂട്ടാണ് പ്രീപ്രൈമറി വിഭാഗം .സേവന മനോഭാവത്തോടെ പ്രവർത്തിക്കുന്ന ഒരു വിഭാഗം അധ്യാപകരാണ് അതിനെ ഇന്നും നല്ല  രീതിയിൽ മുന്നോട്ടു നയിക്കുന്നത്.അവരുടെ ത്യാഗപൂർണമായ സേവനങ്ങൾ സ്കൂളിന് അഭിമാനമാണ്.വർണാഭമായ ക്ലാസ്സ് മുറികളും ,മികവുറ്റ പഠന തന്ത്രങ്ങളും പ്രീപ്രൈമറിയുടെ മാറ്റ് കൂട്ടുന്നു.

ആഴ്ചയിൽ 2  ദിവസം പാൽ ,ഒരു ദിവസം മുട്ട ,എല്ലാ ദിവസങ്ങളിലും ഒരു കറി ,ഒരു കൂട്ടാൻ എന്ന നിലയിൽ നൽകി വരുന്നു.വിശേഷ ദിനങ്ങളിൽ സ്പോൺസേഴ്‌സിനെ കണ്ടെത്തി ഇറച്ചി ,ബിരിയാണി ,വല്ലപ്പോഴും മധുരവും നൽകി വരുന്നു. ഉച്ച ഭക്ഷണം വളരെ നല്ല രീതിയിൽ വൃത്തിയായും ചിട്ടയായും നൽകി വരുന്നു.