"ജി.എച്ച്.എസ്സ്.ബമ്മണൂർ , ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പരുത്തിപ്പുള്ളി കല്ലിങ്ങൽ വീട്ടിൽ ശ്രീ. കുഞ്ചൻ എന്ന വ്യക്തിയാണ് ഈ വിദ്യാലയത്തിനു തുടക്കമിട്ടത്. അന്ന്  1 മുതൽ 4 വരെ ക്ലാസുകൾ മാത്രം  ഉണ്ടായിരുന്ന ഈ വിദ്യാലയം എലിമെന്ററി സ്കൂൾ ബമ്മണൂർ എന്നായിരുന്നു അറിയപ്പെട്ടിരുന്നത്. മദ്രാസ്സ് ഡിസ്ട്രിക്റ്റ് ബോർഡിന്റെ കീഴിലായിരുന്നു വിദ്യാലയം പ്രവർത്തിച്ചിരുന്നത്. തുടക്കത്തിൽ 4 ക്ലാസ്സും 4 അധ്യാപകരും ആണ് ഇവിടെ ഉണ്ടായിരുന്നത്. രാവുണ്ണിക്കുറുപ്പ് മാഷായിരുന്നു ആദ്യത്തെ പ്രധാന അധ്യാപകൻ. 1948-ൽ യു. പി. സ്കൂൾ ആയി ഈ വിദ്യാലയം ഉയർത്തപ്പെട്ടു. 2002-ൽ സ്കൂൾ കെട്ടിടത്തിന്റെ ഉടമസ്ഥാവകാശം ഗവണ്മെറ്റിനു കൈമാറി. 2011 ൽ ഹൈസ്കൂളായി ഉയർത്തപ്പെട്ടു. കർഷകരുടെയും കർഷകത്തൊഴിലാളികളുടെയും മക്കളാണ് ഇവിടത്തെ വിദ്യാർത്ഥികളിൽ ഭൂരിഭാഗവും. ഭൗതിക സാഹചര്യങ്ങളുടെ അപര്യാപ്തതകൾ ധാരാളമുണ്ടായിരുന്ന ഈ വിദ്യാലയത്തിലെ പല പ്രശ്നങ്ങളും പരിഹരിക്കപെട്ടത്  സർക്കാർ ഏറ്റെടുത്ത ശേഷമാണ്. ഈ പ്രദേശങ്ങളിലെ രക്ഷിതാക്കളുടെയും നല്ലവരായ ജനങ്ങളുടെയും ഒരുപറ്റം ആത്മാർത്ഥതയുള്ള അധ്യാപകരുടെയും കൂട്ടായ്മയോടെയുള്ള പ്രവർത്തനങ്ങളാണ് ഈ വിദ്യാലയത്തിന്റെ പുരോഗതിക്ക് പിന്നിലുള്ളത്. പി. ടി. എ. യുടെ സഹായസഹകരണത്തോടെ സർക്കാരിലേക്ക് ഏറ്റെടുക്കപ്പെട്ട ഈ വിദ്യാലയത്തിൽ ജില്ലാ പഞ്ചായത്ത്‌, എസ്. എസ്. എ. എന്നിവയുടെയും പൂർവവിദ്യാർത്ഥികളുടെയും സംഭാവനയായി കെട്ടിടങ്ങളും കെട്ടിട വൈദ്യുതീകരണവും ആവശ്യമായ മൂത്രപ്പുരകളും ലഭ്യമായിട്ടുണ്ട്.