"ഹോളി ട്രിനിറ്റി ഇംഗ്ലീഷ് മീഡിയം എച്ച്. എസ്. കട്ടേല" എന്ന താളിന്റെ പതിപ്പുകൾ തമ്മിലുള്ള വ്യത്യാസം

      മലങ്കര ഓ൪ത്തഡോക്സ് സഭയുടെ കീഴിൽ 1980 ൽ  രൂപീകരിക്കപ്പെട്ട  തിരുവനന്തപുരം  ഭദ്രാസനത്തിലെ പ്രഥമ മെത്രാപ്പോലീത്ത ആയിരുന്ന ഭാഗ്യസ്മരണാർഹനായ ഗീവർഗീസ് മാർ ദീയ സ്കോറസ് മെത്രാപ്പോലീത്തയുടെ അശ്രാന്ത പരിശ്രമഫലമായി ഭദ്രാസനം രൂപീകരിക്കപ്പെട്ട വർഷം തന്നെ വികലാംഗ ബാല ഭവനത്തിനു വേണ്ടി ആരംഭിച്ചതാണ് ഈ വിദ്യാലയം.

      എളിയ സംരംഭമായി ആരംഭിച്ച ഈ സ്ഥാപനത്തിൻറെ ആദ്യത്തെ (1980) പ്രാധനാദ്ധ്യാപകനായി സേവനം ആരംഭിച്ചത് വെരി റെവ .തോമസ്‌ റ്റി.വർഗീസ്‌ കോർ എപ്പിസ്ക്കോപ്പാ ആണ്. 1983ൽ എൽ . പി . സ്കൂൾ ആയി അംഗീകാരം കിട്ടി. 1993 ൽ യു .പി . സ്കൂൾ ആയും 1994 ൽ ഹൈസ്കൂൾ ആയും 2002ൽ ഹയർസെക്കൻററി സ്കൂൾ ആയും ഇതിനെ ഉയർത്തി.

      വിദ്യാർത്ഥികളുടെ  വിദ്യാഭ്യാസ നിലവാരം ഉയർത്തുവാൻ ലക്ഷ്യമിട്ട് സ്ഥാപിച്ച ഈ വിദ്യാലയം കുട്ടികളുടെ സമഗ്ര പുരോഗതി ലക്ഷ്യമിടുന്നു. മാനസികവും ശാരീരികവും ബൗദ്ധികവുമായ പുരോഗതി ലക്ഷ്യമിടുന്നു. ഈ സ്ഥാപനം തദ്ദേശിയരായ ആത്മീകവുമായി വളർച്ച ലക്ഷ്യമിടുന്ന ഇടത്തരം കുടുംബങ്ങളെ ലക്ഷ്യമിട്ട് പ്രവർത്തിക്കുന്നതിൽ പ്രതിജ്ഞാബദ്ധമാണ്.വിഭിന്ന ശേഷിയുള്ള കുട്ടികൾക്ക് വേണ്ടി അവരുടെ ആരോഗ്യപരമായ ചലനത്തിന് ആവശ്യമായ റാമ്പ് സൗകര്യമുള്ള ചുരുക്കം ചില സ്കൂളുകളിൽ ഒന്നാണ് ഈ വിദ്യാലയം.ഭദ്രാസനത്തിലെ ജീവകാരുണ്യ സംരംഭങ്ങളായ  ബാലികാ ബാല ഭവനങ്ങളിലെ കുട്ടികൾക്ക് സൗജന്യ വിദ്യാഭ്യാസവും ഇവിടെ ലഭ്യമാക്കുന്നു.

      ശ്രീകാര്യം ഗവണ്മെൻറ് എഞ്ചിനീയറിംഗ് കോളേജിന് 1.5 കി.മീ. സമീപത്തു അലത്തറയിലാണ് ഈ സ്ഥാപനം സ്ഥിതി ചെയുന്നത്. പ്രകൃതി രമണീയമായ അന്തരീക്ഷത്തിൽ സ്ഥിതി ചെയ്യുന്ന ഈ സ്ഥാപനം കുട്ടികളിൽ ബൗദ്ധിക വളർച്ചക്കും ചിന്തക്കും സാദ്ധ്യതകൾ ഒരുക്കുന്നു.

        വിദ്യർത്ഥികൾക്ക് വേണ്ടി ഒരുക്കിയിരിക്കുന്ന സൗകര്യങ്ങൾ പരമാവധി പ്രയോജനപ്പെടുത്തുവാൻ പ്രതിജ്ഞാബദ്ധമാണ് ഇവിടെയുള്ള അദ്ധ്യാപകർ. സാമ്പത്തിക ബാദ്ധ്യതകൾക്ക് ഇടം നൽകാതെയും എന്നാൽ കുറഞ്ഞ ചിലവിൽ വിദ്യാഭ്യാസം നൽകിയും ഉന്നത വിജയം കരസ്ഥമാക്കുവാൻ വേണ്ടി പ്രയത്നിക്കുന്ന ഒരു ശുശ്രൂഷാമുഖവും ഈ സ്കൂളിനെ മറ്റുള്ളവയിൽ നിന്നും വ്യത്യസ്തമാക്കുന്നു.സ്കൂൾ സമുച്ചയത്തിൽ കെ .ജി  ക്കാർക്ക് വേണ്ടി പ്രത്യേക വിഭാഗവും എൽ . പി . വിഭാഗക്കാർക്കായി പ്രത്യേകവും ഹൈസ്കൂൾ വിഭാഗക്കാർക്കായി പ്രത്യേകം ബ്ലോക്ക്‌ ക്രമീകരിക്കുകയും എല്ലാ ഭാഗത്തും അദ്ധ്യാപകരുടെ സാന്നിധ്യം ഉറപ്പു വരുത്തുകയും ചെയ്തിട്ടുണ്ട്.

        ഇതര ഇംഗ്ലീഷ് മീഡിയം സ്കൂളുകൾക്കൊപ്പം കുട്ടികളിലെ വായനാശീലം വളർത്തുന്നതിന് ലൈബ്രറി , കമ്പ്യൂട്ടർ ലാബ്‌ , പ്ലസ്‌ടു ലാബ്‌ , ദൃശ്യാവിഷ്കാരങ്ങൾക്കായി സ്മാർട്ട്‌ ക്ലാസ്സ്‌ , ഓഡിയോ വിഷ്വൽ റൂം , പവിലിയൻ , പ്ലേ ഗ്രൗണ്ട് , എന്നീ സൗകര്യങ്ങൾ പ്രദാനം ചെയ്യുന്നു. 21 അദ്ധ്യാപകരും 12  അനദ്ധ്യാപകരും സ്കൂളിൽ പ്രവർത്തിക്കുന്നു. മുൻ വർഷങ്ങളിലെപ്പോലെ ഈ വർഷവും പത്താം ക്ലാസ്സിൽ 100% വിജയം കരസ്ഥമാക്കി.

 

<!--visbot  verified-chils->