"എസ്.എൻ.ഡി.പി.എച്ച്.എസ്.എസ്. നീലീശ്വരം/പരിസ്ഥിതി ക്ലബ്ബ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

=== പരിസ്ഥിതി ക്ലബ്ബ് ===

കുട്ടികളിൽ പരിസ്ഥിതി ബോധം വളർത്തുക എന്ന ലക്ഷ്യത്തോടെ സ്കൂളിൽ പരിസ്ഥിതി  ക്ലബ്ബ് സജീവമായി പ്രവർത്തിച്ചുവരുന്നു. അനേകം വിദ്യാർത്ഥികൾ പരിസ്ഥിതി ക്ലബ്ബിൻറെ സേവകരായി പ്രവർത്തിക്കുന്നു. ഇന്ന് സ്കൂളിൽ കാണുന്ന ചിത്രശലഭപാർക്ക് നക്ഷത്രവനം വിവിധ മരങ്ങൾ വിവിധ വർഷങ്ങളിൽ ക്ലബ്ബ് പ്രവർത്തകർ  നട്ടുപിടിപ്പിച്ച താണ്. ലോക പരിസ്ഥിതി ദിനത്തിൽ പരിസ്ഥിതി ക്ലബ്ബ് നിരവധി പ്രവർത്തനങ്ങൾ നടത്തി വരുന്നു. പരിസ്ഥിതി ക്വിസ് പരിസ്ഥിതി സെമിനാർ പരിസ്ഥിതി സംരക്ഷണ പ്രതിജ്ഞ തുടങ്ങിയവ ഇതിൽ ഉൾപ്പെടുന്നു. ഈ ക്ലബ്ബിൻറെ ആഭിമുഖ്യത്തിൽ വിവിധ ഔഷധസസ്യങ്ങൾ മറ്റു സസ്യങ്ങൾ പരിസ്ഥിതി ദിനത്തിൽ വിതരണം ചെയ്യുന്നുണ്ട്. പരിസ്ഥിതിയോടുള്ള നമ്മുടെ ഉത്തരവാദിത്വം ഒരു ദിവസത്തിൽ ഒതുങ്ങിനിൽക്കുന്നതല്ല എന്നും അത് എന്നും നമ്മുടെ ചിന്തയിൽ ഉണ്ടാകണം എന്നുള്ള കാര്യം കുട്ടികളിലേക്ക് ആ ദിനത്തിൽ പകർന്നു നൽകുന്നു. വിവിധ ഇനം ഭംഗിയുള്ള ചെടികൾ ചട്ടികളിൽ വച്ചുപിടിപ്പിച്ച് സ്കൂൾ സൗന്ദര്യത്തിന് നേതൃത്വം നൽകുന്നു. സസ്യ പരിപാലനം എന്നതിലേക്ക് ഇത് കുട്ടികളെ കൂടുതൽ അടുപ്പിക്കുന്നു. പരിസ്ഥിതി ക്ലബ്ബ് പ്രവർത്തകർ എല്ലാവരും ഒത്തുകൂടി സ്കൂൾ ചുറ്റുപാടും വൃത്തിയാക്കുക പ്ലാസ്റ്റിക്  നിർമ്മാർജ്ജന ബോധവൽക്കരണം നടത്തുക, ചെടികൾ സംരക്ഷിക്കുക എന്നീ പ്രവർത്തനങ്ങളിൽ ഏർപ്പെടാറുണ്ട്. പരിസ്ഥിതിയുമായി ബന്ധപ്പെട്ട എല്ലാ ദിനാചരണങ്ങളും സ്കൂളിൽ ആഘോഷിച്ചു വരുന്നു. പ്രകൃതിയെ നേരിട്ട് അറിയാനും പഠിക്കാനും പരിസ്ഥിതി ക്ലബ്ബിൻറെ ആഭിമുഖ്യത്തിൽ പരിസ്ഥിതി പഠന യാത്ര നടത്താറുണ്ടായിരുന്നു.