"ജി.എൽ.പി.എസ് വാരിക്കൽ/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ചെറുപുഴ വള്ളിക്കെട്ട് സെൻറ്മേരിസ് ചർച്ച് ഇടവകാംഗങ്ങൾ ഒന്നടങ്കം സ്കൂളിൻറെ  പ്രാരംഭ പ്രവർത്തനങ്ങളിൽ സഹകരിക്കുകയും പള്ളി കമ്മിറ്റിയിൽനിന്ന് നാൽപ്പതിനായിരം രൂപ സംഭാവനയായി നൽകുകയും ചെയ്തു. വാരിക്കൽ  സ്കൂളിന് സ്ഥലം ലഭ്യമാക്കാനുള്ള മുഖ്യ കാരണങ്ങളിൽ ഒന്ന് പള്ളി കമ്മിറ്റിയുടെ ഈ സഹകരണം ആയിരുന്നു. തുടർന്ന്   പി വി അബ്ദുൽ വഹാബ് സ്ഥലമെടുപ്പ് കമ്മറ്റി ആവശ്യപ്പെട്ട ഫണ്ട് തന്ന സഹായിച്ചു . നല്ലവരായ നാട്ടുകാരുടെയും ഉദാരമതികളുടെയും സഹകരണത്തോടുകൂടി സ്ഥലമെടുപ്പിന് ആവശ്യമായ ഫണ്ട് സ്വരൂപിക്കാൻ കഴിഞ്ഞു സ്കൂളിന് ആവശ്യമായ 50 സെൻറ് സ്ഥലം ചുള്ളാലിൽ  സി. ഡി . ജോൺ എന്ന അപ്പച്ചൻ തുച്ഛമായ വിലക്ക്   തന്നു. നിലമ്പൂർ എം എൽ എ ആര്യാടൻ മുഹമ്മദ് ,ടി കെ ഹംസ ,    ടി കെ അബ്ദുള്ളക്കുട്ടി മാസ്റ്റർ  ,എന്നിവരുടെ പ്രോത്സാഹനവും സഹകരണവും കമ്മിറ്റിക്ക് ലഭിച്ചു .സ്ഥലം വാങ്ങി സർക്കാറിലേക്ക് നൽകിയെങ്കിലും വർഷങ്ങൾ കഴിഞ്ഞാണ് സ്കൂൾ അനുവദിച്ച കിട്ടിയത്. 1998 ജൂൺ പതിനെട്ടിന് ടി കെ ഹംസ സ്കൂളിൻറെ  ഔപചാരിക ഉദ്ഘാടന കർമ്മം നിർവഹിച്ചു .പഞ്ചായത്ത് പ്രസിഡണ്ട് ശ്രീമതി. കെ ഖദീജ അധ്യക്ഷയായിരുന്നു .ആദ്യവർഷം 55 കുട്ടികൾ സ്കൂളിൽ ചേർന്നു.  ബാബു ജോസഫ് മാസ്റ്ററായിരുന്നു ആദ്യത്തെ ടീച്ചർ ഇൻ ചാർജ്. സ്കൂൾ നടത്താൻ സ്ഥലം ഇല്ലാതിരുന്നതിനാൽ വാരിക്കൽ മദ്രസാ കമ്മിറ്റിയെ സമീപിക്കുകയും അവർ മദ്രസയിൽ സ്കൂൾ തുടങ്ങാനുള്ള അനുവാദം തരുകയും ചെയ്തു