പുത്തേട്ട് ഗവ യുപിഎസ്/ചരിത്രം

ക്രിസ്തുവർഷം 1 9 0 1 -ൽ ആണ് ഈ സ്കൂൾ സ്ഥാപിച്ചത് . അന്ന് ഈ നാട്ടിൽ വിദ്യാലയങ്ങൾ

ഉണ്ടായിരുന്നില്ല . എല്ലാവർക്കും വിദ്യനേടണമെന്ന ആഗ്രഹം ഉണ്ടായിരുന്നെങ്കിലും അതിനുള്ള

സാഹചര്യം ഇല്ലായിരുന്നു. പെൺകുട്ടികളെ വിദ്യ അഭ്യസിപ്പിക്കുന്നതിൽ സമൂഹം വിമുഖത

കാണിച്ചിരുന്നു. എങ്കിലും അറിവ് നേടണമെന്ന ഒരുപറ്റം ആളുകളുടെ തീവ്രമായ

ആഗ്രഹത്തിൽനിന്നാണ് ഈ സ്കൂളിന്റെ നിർമാണം തുടങ്ങുന്നത്‌ .

നീണ്ടൂർ മുറിയിൽ ശങ്കരപ്പിള്ളയുടെ നേതൃത്വത്തിലാണ് വിദ്യാലയത്തിന്റെ കെട്ടിടനിർമാണം

നടത്തിയത് . ചവിട്ടുവരി വെള്ളൂപറമ്പു റോഡരികിലുള്ള L ആകൃതി കെട്ടിടത്തിലാണ് പ്രൈമറിസ്കൂൾ

ആരംഭിച്ചത് . ഇന്ന് ആ കെട്ടിടം മാറ്റി തൽ സ്ഥാനത്തു ഒരു ഇരുനിലകെട്ടിടം തുടങ്ങുന്നത്‌

ബഹുമാനപെട്ട M L A തിരുവഞ്ചൂർ രാധാകൃഷ്‌ണൻ നിർമിച്ചുതന്നു.ഇവിടുത്തെ ആദ്യവിദ്യാർഥിനി

വിശാഖം തിരുനാൾ തമ്പുരാട്ടി ആയിരുന്നു .വിദ്യാര്ഥികൾ ധരിച്ചിരുന്നത് തോർത്തും മുണ്ടും

മാത്രമായിരുന്നു .അയിത്തം പോലുള്ള ദുരാചാരങ്ങൾ നിലനിന്നിരുന്നെങ്കിലും ക്ലാസ് മുറികളിൽ

പ്രകടമായിരുന്നില്ല . പക്ഷെ പുല,വാലായ്മ പോലുള്ള ആചാരങ്ങൾ നിലനിന്നിനിരുന്നു.

അങ്ങനെയുള്ളവർ ആ സമയത്തു ബെഞ്ചിൽ ഇരുന്നിരുന്നില്ല

1 9 70 കളി ലാണ് സ്കൂൾ P T A ആരംഭിച്ചത് അന്നത്തെ P T A പ്രസിഡന്റ് ശ്രീ പി .കെ

ഗോപാലകൃഷ്ണായ്യർ ഭവനമഠം ആയിരുന്നു . അന്നത്തെ കാലത്തു സ്കൂളിൽ ചേരുന്നതിനു

പ്രായപരിധി ഉണ്ടായിരുന്നില്ല അച്ചടിച്ച പാഠപുസ്തകങ്ങൾ ഉണ്ടായിരുന്നു . എല്ലാ വിഷയങ്ങൾക്കും

ജയിച്ചെങ്കി ൽ മാത്രമേ കയറ്റം കൊടുത്തിരുന്നുള്ളു. ഭാഷകൾക്ക് കൂടുതൽ പ്രാധാന്യം

നൽകിയിരുന്നു. രാജാവിന്റെ തിരുനാളാണ് സ്കൂളുകളിൽ ആഘോഷിച്ചിരുന്നത് .

1 1 7 വർ ഷം പിന്നിട്ട ഈ വിദ്യാലയം അനേകം ബഹുമുഖ പ്രതിഭകൾക്ക് ജന്മം നൽകിയിട്ടുണ്ട് .