അയ്യോ! വയറിന്നു വേദന വന്നെനിക്ക്
ഇന്നു നീ സ്കൂളിൽ പോകേണ്ട
രോഗമാണു കാരണമത്രേ…
കൈ കടിക്കും നഖം കടിക്കും
കൈ കഴുകാതെ ഭക്ഷണം കഴിക്കും
ഹൊ! എന്തൊരു വേദന
അമ്മേ, എന്തൊരു വേദന..
കീടാണു ഉള്ളിൽ തുരുതുരെ കുത്തുന്നു
അമ്മേ ഈ വേദന മാറില്ലേ?
നൽകീ നല്ലൊരു കട്ടൻചായ
ഇഞ്ചീ കുരുമുളക് ചേർത്തൊരു ചായ.
ഹൊ! എന്തൊരു സുഖമാണെന്നുള്ളിൽ
അമ്മേ .. ഞാനിനി മേലിൽ,
കഴിച്ചീടാം എന്നും ഭക്ഷണം
വൃത്തിയുള്ള എൻ്റെ കൈകളാൽ...
ശുചിത്വമുള്ള എൻ്റെ കൈകളാൽ..
