ഗവ.ഹയർ സെക്കണ്ടറി സ്ക്കൂൾ,കാട്ടിക്കുളം/അക്ഷരവൃക്ഷം/പരിസ്ഥിതിയും ചുറ്റുപാടും
പരിസ്ഥിതിയും ചുറ്റുപാടും
കബനീനദീതടത്തിലെ കൂട്ടുകാരായിരുന്നു കുഞ്ഞനണ്ണാനും പനന്തത്തയും കാക്കച്ചിയും. ഇവർ മൂന്നുപേരും മരമമൂപ്പന്റെ ചോട്ടിലാണ് ഒത്തുകൂടാറ്. എല്ലാ ദിവസവും ഇവർ പരസ്പരം കണ്ടുമുട്ടാറുണ്ട്. മാമ്പഴമാണ് ഇപ്പോൾ പ്രധാന ഭക്ഷണം. ഓരോ ദിവസവും ഓരോരുത്തർക്കും ഓരോ അനുഭവങ്ങളുണ്ടാവും പറയാൻ. നല്ല സ്നേഹത്തിലും സന്തോഷത്തിലുമാണ് അവർ കഴിഞ്ഞിരുന്നത്. എന്നാൽ വികൃതികളായ കുട്ടികളെക്കൊണ്ടും വർധിച്ചുവരുന്ന പരിസ്ഥിതിമലിനീകരണം കൊണ്ടും അവരാകെ ബുദ്ധിമുട്ടിയിരുന്നു. അന്നും പതിവുപോലെ അണ്ണാൻകുഞ്ഞ് കാലത്തേ ഉറക്കമുണർന്നു. വേഗം തന്നെ മാഞ്ചോട്ടിലെത്തണം. വികൃതിക്കുട്ടികൾ എത്തുന്നതിനുമുമ്പുതന്നെ ഇന്നത്തെ ഭക്ഷണം ശേഖരിച്ചുമടങ്ങണം. അവൻ വിചാരിച്ചു. അണ്ണാൻകുഞ്ഞ് ഓടിക്കിതച്ച് മാഞ്ചോട്ടിലെത്തിയപ്പോൾ ഒരാളേയും കാണാനില്ല. എന്തുപറ്റി... കുട്ടികളേയും കാണുന്നില്ലല്ലോ ? മരമൂപ്പനോട് ചോദിക്കാം. "മരമൂപ്പാ...മരമൂപ്പാ ഇന്നെന്താ ആരെയും കാണുന്നില്ലല്ലോ ?” "ഞാനും അതുതന്നെയാ ആലോചിക്കുന്നത് ? നമ്മുടെ കാക്കച്ചിയേയും പനന്തത്തയേയും കാണുന്നില്ലല്ലോ? യാതൊരു അനക്കവുമില്ല. എന്തുപറ്റി ? അവർ വരട്ടെ. ചോദിച്ചുനോക്കാം. അതാ കാക്കച്ചി വരുന്നുണ്ട്.” മരമൂപ്പൻ പറഞ്ഞു.
|
