അതിജീവനത്തിൻ പാതയൊരുക്കി
ഈ മഹാമാരിയെ നാം തുരത്തും.
കരുതലിൻ കവചമണിഞ്ഞുകൊണ്ട്
ജാഗ്രതതൻ പടവാളുമായി.
ഈ കൊടും വേനലും താണ്ടി നീങ്ങും
ഒരുമതൻ ഓലക്കുട ചൂടി നാം.
ഈ കൊടുമുടിയും നടന്നു കേറും
സ്നേഹത്തിനൂന്നു വടികളൂന്നി.
ചേർത്തകരങ്ങൾ തുഴഞ്ഞു നീന്തി -
ഊക്കോടെയൊഴുകുമീ നദി കടക്കും
കരുതലിലകലത്തിലകന്നു നിന്ന്
ഒന്നായി ഒന്നായി ഒത്തുചേരാം
ഈ മഹാമാരിതൻ കരാളഹസ്തത്തിൽ
നിന്നുയിർ നേടി ഉണർന്നുയരാം
ആശ്വാസതീരത്തൊത്തുചേർന്ന്
അതിജീവനത്തിൽ നാമഭിമാനിക്കും.
കഠിനകാലത്തിൻ തിക്തദിനങ്ങൾ
പുതിയ യുഗത്തിൻ ശക്തിയേകും
കാലത്തിൻ കുത്തൊഴുക്കിലുലയാതെ
കരുതലിൻ കാരങ്ങളൊത്തുചേർത്ത്
പൊരുതുക ഈ വൈറസ്സിനോടു നാം
