Schoolwiki സംരംഭത്തിൽ നിന്ന്
ലഹരി വിരുദ്ധ പരിപാടി
മയക്കുമരുന്നിനെതിരെ ജനകീയ പ്രതിരോധമുയർത്താനുള്ള സർക്കാരിൻറെ വിപുലമായ പ്രചാരണ പരിപാടികൾക്ക് ഗാന്ധിജയന്തി ദിനമായ നാളെ (ഒക്ടോബർ 2) തുടക്കമായി . നവംബർ 1 കേരളപ്പിറവി ദിനം വരെയാണ് ആദ്യഘട്ട പ്രചാരണം. സംസ്ഥാനത്തെ പ്രൊഫഷണൽ കോളേജ് അടക്കമുള്ള എല്ലാ വിദ്യാഭ്യാസ സ്ഥാപനങ്ങളിലും വാർഡുകളിലെ പ്രധാന കേന്ദ്രങ്ങളിലും ഗ്രന്ഥശാലകളിലും വിപുലമായ പരിപാടികളോടെ ഉദ്ഘാടന പരിപാടി നടക്കും. രാവിലെ 9.30നാണ് പരിപാടി തുടങ്ങുക. 10 മണിക്ക് സംസ്ഥാനത്തെ എല്ലാ കേന്ദ്രങ്ങളിലെയും പരിപാടി മുഖ്യമന്ത്രി പിണറായി വിജയൻ ഓൺലൈനായി ഉദ്ഘാടനം ചെയ്യും. കൈറ്റ് വിക്ടേഴ്സ് ചാനൽ വഴിയാണ് മുഖ്യമന്ത്രിയുടെ പ്രസംഗം തത്സമയം സംപ്രേഷണം ചെയ്യുന്നത്. സംസ്ഥാന സർക്കാറിന്റെ ലഹരി വിരുദ്ധ പ്രവർത്തനങ്ങളുടെ ഭാഗമായി ലഹരിക്ക് അടിമപ്പെടാതെ യുവതലമുറയെ രക്ഷിക്കുന്നതിനുള്ള ശ്രമങ്ങളിൽ തെങ്ങമം ഗവണ്മെന്റ് ഹയർ സെക്കണ്ടറി സ്കൂളും കുട്ടികളെയും സമൂഹത്തെയും ബോധവത്കരിക്കുന്നതിനായി വിവിധ പരിപാടികൾ സംഘടിപ്പിച്ചു . ലഹരി വിരുദ്ധ പ്രവർത്തനങ്ങളുടെ സംസ്ഥാനതല ഉദഘാടനം ബഹുമാന്യ മുഖ്യമന്തി ശ്രീ പിണറായി വിജയൻ നിർവഹിച്ചു . കൈറ്റ് വിക്ടേഴ്സ് ചാനലിൽ ചടങ്ങുകളുടെ തത്സമയ സംപ്രേഷണം സ്കൂളിൽ കുട്ടികളും രക്ഷിതാക്കളും അദ്ധ്യാപകരും വീക്ഷിച്ചു . തുടർന്ന് സ്കൂൾതല ബോധവല്കര പരിപാടിയുടെ ഉദ്‌ഘാടനവും ബോധവത്കരണ ക്ലാസുനടത്തി .
