ഗവൺമെൻറ്, ഗേൾസ് എച്ച്.എസ്. എസ് ,കോട്ടൺഹിൽ/അക്ഷരവൃക്ഷം/ബാധക്കുപറയാൻ

ബാധക്കുപറയാൻ ഞാനെത്തി, നിൻ നാട്ടിൽ. നിന്നോളമില്ലെൻ കൂട്ടാളികൾ, പക്ഷേ ശക്തിയേറെയുള്ളവൻ ഞാൻ. ആഴിയലകൾ പകരുന്നു, എന്നിൽ ഉന്മേഷം. വനതമസ്സേകുന്നു, എന്നിൻ ആനന്ദം. മലകളോരോന്നും നൽകുന്നു, നവീന ധൈര്യം. എന്തിനെന്നോ? ഓതാം ഞാനാരഹസ്യം, ഭുവനമാകെയലഞ്ഞുതിരിഞ്ഞോരോ- ജീവനാഡിയുമഴിച്ചതിൽ, എൻവേരുകളാഴ്ന്നിറങ്ങുവാനുള്ള ഉന്മഷം. നേത്രങ്ങൾക്കു കഴിയില്ല നിൻ- കാതിനു കഴിയില്ല നിൻ- ഹൃദയത്തിനു കഴിയില്ല, എൻ കാലൊച്ച കേൾക്കാൻ. എൻ നിയന്ത്രണ യന്ത്രം നിന്നിലല്ല, അതെൻകരങ്ങളിൽ. ഝടുതിയിലങ്ങനെയൊളിക്കാനാ- വില്ലൊരിക്കലും, ഇല്ലെനിക്കൊരു വർണ്ണ ജാതി- ദരിദ്രസമ്പന്ന വേർതിരിവും. നിൻ ചെയ്‌തിയർഹിക്കുന്നീ ക്രൂരത. ഹൃദയമതെല്ലാവർക്കുമുള്ള- താണതു പോലില്ല സുന്ദരമായ് മറ്റൊന്നും. നിൻ കറുത്ത ഹൃദയങ്ങള- ല്ലല്ലോ എൻ്റേത്, പരോപകാരമന്യമല്ലെൻ ഹൃത്തിന്, സ്നേഹമൊരിറ്റില്ലാത്തത- ല്ലെൻ ഹൃദയം. എൻ ഹൃദയത്തിലായ് വിരിയുന്ന, സഹതാപ കുസുമങ്ങളുരയുന്നതിങ്ങനെ- നിന്നോട്, എന്നെത്തുരത്താനാവില്ല നിനക്കൊ- രിക്കലുമെന്നെ വിറപ്പിക്കാനും. പക്ഷേ ആകും നിനക്കെൻ വ്യാപന വീര്യം വെട്ടിക്കുറയ്ക്കാൻ. പോകു.. ശുചീകരിക്കു.. നിൻ പരിസരമതിൻവൃത്തിയൊ- ന്നതിന് തിരിച്ചേൽപ്പിക്ക്,  ഏകതിനൽപ്പം ശാന്തി. ലേശ മകലമാവശ്യമെന്നോർക്കു കയ- ല്ലേലും മെയ്യകലം ചിത്തമ കല- ത്തേക്കാൾ എത്രയോ നന്ന്. കൈ രണ്ടുമാകെ ശുചീകരിച്ചൊപ്പം, കവചമായൊരു മാസ്കുമെ- ടുത്തോളൂ സഹോദരാ.. ഞാൻ കാലമോർമ്മിക്കും, മഹാമാരി... ബാധയാ യോർമ്മിക്കുമെന്നെ- യതിൽ ദു:ഖമൊട്ടുമില്ലെന്തെ- ന്നോതിയാലത് മറ്റൊന്നുമല്ല, പകരം സമ്മാനിക്കുന്നതൊന്നല്ല, ഒരായിരം സൂക്ഷ്മ പാഠങ്ങൾ.... എന്ന് സ്വന്തം കൊറോണ!!           ആഫിയ അയ്യൂബ് എസ് plus one ഗവൺമെൻറ്, ഗേൾസ് എച്ച്.എസ്. എസ് ,കോട്ടൺഹിൽ തിരുവനന്തപുരം സൗത്ത് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - PRIYA തീയ്യതി: 22/ 04/ 2020 >> രചനാവിഭാഗം - കവിത