ഗവൺമെന്റ് വി. എച്ച്. എസ്. എസ് ഞെക്കാട്/ഫിലിം ക്ലബ്ബ്
വിദ്യ വിഷൻ
ഞെക്കാട് ഗവൺമെന്റ് വൊക്കേഷ ഹയർസെക്കൻഡറി സ്കൂളിലെ എട്ട്, ഒമ്പത് ക്ലാസുകളിലെ 30 കുട്ടികളെ ഉൾപ്പെടുത്തി കൊണ്ട് വിഷ്വൽ മീഡിയ എന്ന ഒരു ക്ലബ്ബ് രൂപീകരിച്ചു. സ്ക്കൂളിലെ മികവുകൾ പൊതുസമൂഹത്തിൽ എത്തിക്കുക എന്ന ലക്ഷ്യത്തോടുകൂടിയാണ് ഈ ഒരു മീഡിയ രൂപീകരിച്ചത്. ന്യൂസ് റീഡിങ്, റൈറ്റിംഗ്,എഡിറ്റിങ്, സോഷ്യൽ മീഡിയയിൽ അപ്‌ലോഡ് ചെയ്യൽ തുടങ്ങി ഈ ക്ലബ്ബുമായി ബന്ധപ്പെട്ട എല്ലാ പ്രവർത്തനങ്ങളും കുട്ടികൾ തന്നെയാണ് ചെയ്യുന്നത്. കുട്ടികൾക്ക് വേണ്ട പിന്തുണ നൽകി അധ്യാപകരും അവരോടൊപ്പമുണ്ട്. ഒമ്പതാം ക്ലാസ് വിദ്യാർത്ഥിനിയായ
ദേവദത്തയാണ് ഈ വിഷ്വൽ മീഡിയയുടെ ചീഫ് എഡിറ്റർ. 'വിദ്യാ വിഷൻ 'എന്നാണ് സ്കൂളിന്റെ ന്യൂസ് ചാനലിന് പേര് നൽകിയിരിക്കുന്നത് സ്കൂളിൽ നടത്തുന്ന പ്രവർത്തനങ്ങൾക്ക് അനുസരിച്ച് എല്ലാ മാസത്തിലും ഒന്നോരണ്ടോ എപ്പിസോഡ് തയ്യാറാക്കി വിദ്യാ വിഷൻ എന്ന ന്യൂസ് ചാനലിൽ അപ്‌ലോഡ് ചെയ്തു വരുന്നു. ഈ ന്യൂസ് ചാനലിന്റെ ഔപചാരികമായ ഉദ്ഘാടനം നിർവഹിച്ചത് ആറ്റിങ്ങൽ എം.എൽ.എ ഒ.എസ് അംബിക യാണ്. സ്കൂളിൽ നടക്കുന്ന വാർത്തകൾക്കു പുറമേ നാട്ടിലെ പ്രമുഖരായ വ്യക്തികളുമായിട്ടുള്ള അഭിമുഖം, നാടിന്റെ വിശേഷങ്ങൾ തുടങ്ങിയ വാർത്തകളും ഇതിൽ ഉൾപ്പെടുത്തിയിട്ടുണ്ട്.