Schoolwiki സംരംഭത്തിൽ നിന്ന്
ടിപ്പുസുൽത്താൻ പൊന്നാനിയിലേക്കുള്ള യാത്രക്കിടയിൽ സ്ഥല നിർണ്ണയത്തിനായി കൊടക്കല്ലുകൾ സ്ഥാപിച്ചു. അങ്ങനെയാണ് ആ സ്ഥലം കൊടക്കല്ലുവളപ്പ് എന്ന പേരുവന്നത്.ടിപ്പു തന്റെ യാത്രക്കായി കൂറ്റനാട്ടുനിന്നും പൊന്നാനിയിലേക്ക് ഒറ്റ ദിവസം കൊണ്ട് റോഡ് വെട്ടി.ഈ റോഡ് ടിപ്പുസുൽത്താൻ റോഡ് എന്നും അറിയപ്പെടുന്നു.സ്കൂളിന് മുന്നിലൂടെയാണ് ഈ റോഡ്. എ.ജെ.ബി.എസ് പിന്നീട് ചങ്ങരത്തങ്ങാടി എന്ന സ്ഥലത്തേക്ക് മാറ്റി സ്ഥാപിച്ചു.
1957-ൽ വിദ്യാലയം ഇപ്പോൾ നിലകൊള്ളുന്ന മാരായംകുന്ന് എന്ന സ്ഥലത്തേക്ക് മാറ്റി സ്ഥാപിച്ചു. 5 മുറികളുള്ള ഒരൊറ്റ കെട്ടിടത്തിലാണ് പഠനം ആരംഭിച്ചത്. 1972-73 ൽ മാനേജർ സ്ഥാനം പാത്തുണ്ണി ഉമ്മ മകനായ ശ്രീ അഹമ്മതുണ്ണിക്ക് കൈമാറി . ഓലമേഞ്ഞ കെട്ടിടം ഓടാക്കി. സ്കൂളിന്റെ പേര് കെ.എ. എം. എ.എൽ .പി.എസ് കപ്പൂർ എന്നാക്കി.മാനേജ് മെന്റ് ശ്രീമതി കെ.വി.റുഖിയക്ക് കൈമാറി. ശ്രീമതി കെ.വി.റുഖിയയാണ് ഇപ്പോഴത്തെ മാനേജർ . ഇപ്പോൾ ഈ സ്ഥാപനത്തിന് 4 ഓട്മേഞ്ഞ കെട്ടിടങ്ങൾ ഉണ്ട്.8 ഡിവിഷനുകൾ ഉണ്ട്. 2010-11 -ൽ പ്രീപ്രൈമറി പി.ടി.എ യുടെ സഹായത്തോടെ തുടങ്ങി. ഈ വർഷം 2016-17 -ൽ 47 കുട്ടികൾ പ്രീപ്രൈമറിയിൽ ഉണ്ട്. 1 മുതൽ 4 വരെയുള്ള ക്ലാസ്സുകളിലായി 204 കുട്ടികളും പഠിക്കുന്നു. ഹെഡ്മാസ്റ്റർ ഉൾപ്പടെ 9 അധ്യാപകർ ഉണ്ട്.
ഈ വിദ്യാലയത്തോട് ചേർന്നുതന്നെയാണ് മാരായംകുന്ന് മുസ്ളീംപളളി. കൂടാതെ മദ്രസ ,വായനശാല എന്നിവയും നിലകൊള്ളുന്നു. ഇതിന്റെ പിൻവശത്തുള്ള പാടശേഖരങ്ങൾ പനാഞ്ചേരി മന , കൂത്തുള്ളിമന, പറയത്ത്മന എന്നിവരുടേതായിരുന്നു. കൈമാറി കൈമാറി ഇപ്പോൾ അത് പലരുടേയും അധീനതയിലാണ്.
ഇല്ലത്തറ, കാളകുന്ന്, കൊടക്കല്ലുവളപ്പ്, ചങ്ങരത്തങ്ങാടി എന്നീ പേരുകളെല്ലാം മുൻകാലത്ത് ആളുകൾ ഈ പ്രദേശത്തെ പല ഭാഗങ്ങളെ വിളിച്ചിരുന്നു. ഇപ്പോൾ ഈ പേരുകളൊന്നും പ്രയോഗത്തിലില്ല. പൂണൂൽകുളം കുന്നത്തുകാവ്, താഴത്തേക്കാവ് എന്നിവയെല്ലാം വളരെക്കാലം മുമ്പുതന്നെ ഈ പ്രദേശത്ത് ഉള്ളവയാണ്. കുന്നത്തുകാവ് അമ്പലത്തിലേക്ക് ഉത്സവത്തിന് കാളകളെ എഴുന്നള്ളിച്ചു കൊണ്ടുപോയിരുന്ന കുന്നാണ് കാളകുന്ന്.
സാമൂഹിക സാംസ്കാരിക രാഷ്ട്രീയ പ്രവർത്തനങ്ങളിൽ ഉന്നത സ്ഥാനം വഹിച്ച പല പ്രമുഖ വ്യക്തികളും ഇവിടെ നിന്നു പഠനം പൂർത്തിയാക്കിയിട്ടുണ്ട്. സ്വാതന്ത്ര്യ സമരസേനാനി ശ്രീ. അഹമ്മത് കാരൂത്ത് ,തോട്ടവിള ഗവേഷണ ഡയറക്ടറായും യു. ൻ. ഒ യിൽ W. H. O യുടെ ഉപദേശകസമിതിയിൽ അംഗമായും സേവനമനുഷ്ഠിച്ച ശ്രീ. കെ. വി അഹമ്മത് ബാവുപ്പഹാജി എന്നിവരെല്ലാം ഈ നാടിന്റെ സംഭാവനകളാണ്.
