പരിസ്ഥിതി പാരിൻ പുതപ്പാണ് കേൾക്ക ..നാം ...
പരമപ്രധാന മാമൊരു പുതപ്പ് .
പരശ്ശതം മാലോർക്ക് രക്ഷയേകീടുന്ന ,
പാരിന്നു വരമായി നിന്നിടുന്നു .
ശതകോടി പ്രജകൾക്ക് ശക്തി പ്രദായകം ,
ശാശ്വതമായൊരു ജീവിത മാർഗമായ്...
ശൂലമാം തീക്ഷ്ണ രശ്മിക്ക് മറയായി ,
ശീതളമായൊരു കവചമായി മേവുന്നു .
മാനവൻ ഭൂവിലെ കൃമി കീടങ്ങളിലൊന്നു താൻ ,
മാറിയ ജീവിത ചര്യകൾ കാരണം ,
മതിഭ്രമം ബാധിച്ച പോലെ നാം മാറുന്നു ,
മാറ്റങ്ങളിൽ പ്രകൃതിക്ക് നോവു ബാക്കി .
ഇപ്പോക്ക് പോയാൽ ഇനിയൊരു ജന്മവും ,
ഇവിടെ സാധ്യമാമെന്നു കരുതേണ്ട .
ഇപ്പഴും ബാക്കിയുള്ളിവിടുത്തെ നന്മയെ ,
ഇനിയുള്ള തലമുറയ്ക്കായി നാം നൽകിടാം .
വിഷവും കരിയും വിസ്ഫോടനങ്ങളും ,
വിനയായി മാറുന്നു ...പരിസ്ഥിതിക്ക് ,
വിറ്റു വരവിനായ് നെട്ടോട്ടമോടുമ്പോൾ
വിനാശമായ് മാറുമെന്നോർത്താലതുമതി .
