കാടാച്ചിറ എൽ പി എസ്/അക്ഷരവൃക്ഷം/കോവിഡ് 19 എന്ന മഹാമാരി

കോവിഡ് 19 എന്ന മഹാമാരി കോവിഡ് 19 ആണ് എല്ലാവരുടെയും ഇപ്പോഴത്തെ സംസാര വിഷയം.രാവിലെ ഉണർന്ന ഉടനെ ടി.വിയുടെയോ പത്രത്തിന്റെയോ അല്ലെങ്കിൽ ഫോണിന്റെയോ മുന്നിൽ ഇരിക്കും.അവധിക്കാലം ആസ്വദിക്കാൻ പോലും ആവാതെ നമ്മൾ എല്ലാവരും വീട്ടിൽ തന്നെ.പിന്നെ അമ്മമ്മയുടെ വീട്ടിലോ മാമന്റെ വീട്ടിലോ ഒന്നും പോകാൻ കഴിയുന്നില്ല.കൂലിപ്പണിക്കാരായ എന്റെ അച്ഛനും ആപ്പനും വീട്ടിൽ തന്നെ.അതുകൊണ്ട് എന്റെയും അനിയത്തിയുടെയും പലഹാരപ്പൊതിക്കായുള്ള കാത്തിരിപ്പ് ഇല്ല.അമ്മമ്മയുടെ കാര്യം നല്ല രസാ.മീനില്ലാതെ ചോറ് കഴിക്കില്ലായിരുന്നു.എന്നാൽ ഇപ്പോഴോ വെറും പച്ചക്കറി മാത്രം കഴിച്ച് പാവം.എന്റെ മാമന്റെയും അമ്മമ്മയുടെയും വീട്ടീലെ പശുക്കളുടെ കാര്യമാണ് ഏറ്റവും സങ്കടം.പുല്ലിനും കാലിത്തീറ്റക്കും വലിയ ബുദ്ധിമുട്ടാണ്.മറ്റ് വളർത്തുജീവികളുടെയും കാര്യം ഇത് തന്നെ.വിഷുക്കോടിയും പടക്കവുമില്ലാതെ നമ്മുടെ വിഷുവും കഴിഞ്ഞു.ചിക്കൻചില്ലി കിട്ടാതെ വന്നപ്പോൾ എല്ലാവരും ചക്കയുടെ പിന്നാലെയായി.ഈ കൊറോണക്കാലത്ത് മുരിങ്ങ,പപ്പായ,ചക്ക,ചക്കക്കുരു,കാമ്പ്,കൂമ്പ്.....ഇവയുടെയെല്ലാം രുചി എല്ലാവരും നന്നായി ആസ്വദിച്ചു.ബലൂണുകളും കളിപ്പാട്ടങ്ങളും കൂട്ടുകാരും നിറഞ്ഞ ഉത്സവപ്പറമ്പ് വരെ ഇല്ലാതാക്കിയ ഈ മഹാമാരി എന്നവസാനിക്കും!ഇതിനെതിരെ ജീവൻ പണയപ്പെടുത്തി പോരാടുന്ന ഡോക്ടർമാർ,നഴ്സുമാർ,ആരോഗ്യപ്രവർത്തകർ,സന്നദ്ധസേവകർ,പോലീസുകാർ,നേർവഴി കാണിച്ച് നമ്മെ നയിക്കുന്നവർ.......എല്ലാവർക്കും ബിഗ് സല്യൂട്ട്...... തന്മയ.കെ 2 കാടാച്ചിറ എൽ പി സ്കൂൾ കണ്ണൂർ സൗത്ത് ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Mtdinesan തീയ്യതി: 29/ 04/ 2020 >> രചനാവിഭാഗം - ലേഖനം