കലോൽസവം

കലോത്സവം കലയും സംസ്കാരവും വളർത്തുന്ന സാംസ്കാരിക ഉത്സവമായ കലോത്സവം വെഞ്ഞാറമൂട് ഗവ യു പി എസിൽ മേളം 2k25 എന്ന പേരിൽ മികച്ച രീതിയിൽ നടന്നു. വിവിധ മത്സരങ്ങളിൽ LP, UP വിഭാഗങ്ങളിലെ കുട്ടികൾ മികവാർന്ന പ്രകടനം കാഴ്ചവെച്ചു.ഈ വർഷത്തെ സബ്ജില്ല കലോത്സവത്തിൽ കുട്ടികൾ മികച്ച പ്രകടനം കാഴ്ച വെച്ച് സ്കൂളിന് അഭിമാനമായി മാറി. UP ജനറൽ വിഭാഗം ഓവർ ഓൾ രണ്ടാം സ്ഥാനവും അറബിക് കലോത്സവത്തിൽ LP, UP വിഭാഗങ്ങളിൽ ഓവർ ഓൾ ഒന്നാം സ്ഥാനവും നേടി. LP ജനറൽ വിഭാഗത്തിലും UP സംസ്കൃതോത്സവത്തിലും പങ്കെടുത്ത എല്ലാ ഇനങ്ങളിലും മികച്ച പ്രകടനം കാഴ്ച വെക്കാൻ നമ്മുടെ കുട്ടികൾക്ക് കഴിഞ്ഞു.തിരുവനന്തപുരം റവന്യൂ ജില്ല കലോത്സവത്തിൽ ഇത്തവണ UP വിഭാഗത്തിൽ നിന്ന് 9 ഇനങ്ങളിലാണ് കുട്ടികൾ മത്സരിക്കാൻ യോഗ്യത നേടിയത്. UP ജനറൽ സംഘഗാനത്തിൽ നമ്മുടെ ചുണക്കുട്ടികൾ ഒന്നാം സ്ഥാനം കരസ്ഥമാക്കി. കൂടാതെ നാടോടി നൃത്തം രണ്ടാം സ്ഥാനവും, സംസ്‌കൃതം സംഘഗാനം രണ്ടാം സ്ഥാനവും, ദേശഭക്തി ഗാനം മൂന്നാം സ്ഥാനവും നേടി. പങ്കെടുത്ത എല്ലാ ഇനങ്ങളിലും കുട്ടികൾക്ക് A നേടാൻ കഴിഞ്ഞു.