മാരി വന്നു മാരി വന്നു
കൊറോണയെന്നൊരു മാരിവന്നു
ചൈനയിൽ നിന്നെത്തിയതാ
കപ്പലുണ്ട് തോക്കുമുണ്ട്
ബോംബുമുള്ളൊരോ രാജ്യങ്ങൾ
കോവിഡെന്ന മാരിക്ക്
മുട്ടുകുത്തി നമിക്കുന്നു....
സൂര്യനിലേക്കോ ചന്ദ്രനിലേക്കോ
ചൊവ്വയിലേക്കോ ചേക്കേറാൻ
വെമ്പിടുന്ന മനുഷ്യാ നീ
കൂട്ടിലകപ്പെട്ടുവോ..
ശാസ്ത്രം തോറ്റു
മനുഷ്യൻ തോറ്റു
കോവിഡെന്നൊരു മാരിയിൽ
കേവലമൊരു മാസ്കിനായിതാ
കേണിടുന്നു മനുഷ്യൻ...
ഗൃഹസ്ഥരായ് ഇരുന്നു നമുക്കീ
വൈറസ് ചങ്ങല പൊട്ടിക്കാം
തിരിച്ചു പിടിക്കാം മനുഷ്യജീവൻ
പൊട്ടിച്ചീടാം ചങ്ങല