അതിർക്കാട്

പാലക്കാട് ജില്ലയിലെ മങ്കര ഗ്രാമപഞ്ചായത്തിൽ പത്തിരിപ്പാലക്ക് അടുത്ത് സ്ഥിതി ചെയ്യുന്ന ഗ്രാമമാണ് അതിർക്കാട് .കല,വിദ്യാഭ്യാസം,ആരോഗ്യം,ചരിത്രം എന്നീ എല്ലാ മേഖലകളിയും സമ്പുഷ്ടമാണ് ഈ കൊച്ചു ഗ്രാമം . പാലക്കാട് ജില്ലയുടെ വെള്ളിയരഞ്ഞാണമായി ഒഴുകുന്ന ഭാരതപ്പുഴയുടെ തീരത്തു സ്ഥിതി ചെയ്യുന്ന അതിർക്കാട് ഗ്രാമം പ്രകൃതി സൗന്ദര്യത്തിന്റെയും കലവറയാണ് .മങ്കര , ലക്കിടി പേരൂർ എന്നീ പഞ്ചായത്തുകളുടെ അതിർത്തിയിലൂടെ ഒഴുകുന്ന ഭാരതപുഴയുടെ തീരം മുന്കാലത് മൺതിട്ടകളും കാടും നിറഞ്ഞ പ്രദേശമായിരുന്നത്രെ ! അതിർത്തിയിൽ ഉള്ള കാട്ടുപ്രദേശം ആയതുകൊണ്ടുതന്നെ ആ പ്രദേശത്തെ അതിർത്തിക്കാടെന്നു പറഞ്ഞുപോന്നു . പിന്നീട് ആ പ്രേദേശം അതിർക്കാട് എന്ന് അറിയപ്പെട്ടു.ഗ്രാമത്തിലെ പ്രധാന യു പി സ്കൂൾ ആണ് അതിർക്കാട് സ്കൂൾ (Mankara West Basic and U P School)

സുന്ദരവും മനോഹരവുമായ ഒരു കൊച്ചു ഗ്രാമമാണ് മങ്കര . ഒരുപാട് പ്രശസ്ത വ്യക്തികൾ ജനിച്ചു വളർന്ന നാടും കൂടിയാണ് .കൂടാതെ ചരിത്ര പ്രാധാന്യമുള്ള പ്രദേശം കൂടിയാണ് മങ്കര.മങ്കര എന്ന പേരിൽ ഒരു ഐതിഹ്യമുണ്ട് .പണ്ടുകാലത്ത് മങ്കര ഒരു കാട്ടുപ്രദേശമായിരുന്നു.ധാരാളം മാനുകൾ ഉള്ള ഒരു പ്രദേശമായിരുന്നതുകൊണ്ട്

ഈ സ്ഥലം 'മാൻകര' എന്ന പേരിൽ അറിയപ്പെട്ടു.പിന്നീട് മാൻകര ലോപിച്ച് മങ്കരയായി മാറി .

പ്രശസ്ത സാഹിത്യകാരനായ ഒ .വി വിജയനും അദ്ദേഹത്തിന്റെ സഹോദരി ഒ.വി ഉഷയും ജനിച്ചത് മങ്കരയിലാണ് . ആൾ ഇന്ത്യ കോൺഗ്രസിന്റെ ഏക മലയാളി പ്രെസിഡന്റായ ചേറ്റൂർ ശങ്കരൻ നായർ മങ്കരയിലാണ് ജനിച്ചത് .അദ്ദേഹത്തിന്റെ ആവശ്യങ്ങൾക്ക് വേണ്ടിയാണത്രെ മങ്കരയിൽ റെയിൽവേ സ്റ്റേഷൻ നിർമ്മിച്ചത് .