എസ്.കെ.വി. എച്ച്. എസ്. നന്ദിയോട്/ജൂനിയർ റെഡ് ക്രോസ്

റെഡ്‌ക്രോസ് സൊസൈറ്റിയുടെ വിദ്യാർത്ഥിവിഭാഗമായ ജൂനിയർ റെഡ്‌ക്രോസ് 2014 ൽ ഈ സ്ക്കൂളിൽ പ്രവർത്തമാരംഭിച്ചു.വിദ്യാർത്ഥികളിൽ സേവന സമ്പന്നത,സ്വഭാവരൂപീകരണം,സഹജീവികളോടുള്ളസ്നേഹം,ദയ ആതുര ശുശ്രൂഷ,ആരോഗ്യവിദ്യാഭ്യാസം തുടങ്ങിയ മഹത്തായ മൂല്യങ്ങൾകുട്ടികളിൽ വളർത്തുന്നതിനുവേണ്ടി രൂപീകരിച്ച സംഘടനയാണ് ജൂനിയർ റെ‍ഡ് ക്രോസ്. അന്തർദേശീയ റെഡ്ക്രോസ് സൊസൈറ്റിയുടെഭാഗമായുള്ള ഈ പ്രസ്ഥാനം ജാതി,മത,വർഗ്ഗ രാഷ്ട്രീയ വേർതിരുവകൾക്കതീതമായി പ്രവർത്തിച്ചുവരുന്നു. ജീൻ ഹെന്ററി ഡ്യുനാന്റിനാ്ൽ സ്ഥാപിതമായ റെ‍ഡ്ക്രോസ് പ്രസ്ഥാനത്തിന്റെ ഭാഗമായി ഒന്നാംമഹായുദ്ധകാലത്ത് ധാരാളം കുട്ടികൾ മുറിവേറ്റവർക്ക്പ്രഥമശുശ്രൂഷ നൽകുന്നതിനുവേണ്ടിപരിശ്രമിച്ചു. ഇതിൽ നിന്നും പ്രചോദനംഉൾക്കൊണ്ടുകൊണ്ട് 1920 ൽ ക്ലാരാ ബർട്ടൺ എന്ന മഹതി ജൂനിയർ റെഡ്ക്രോസിന് രൂപം നൽകി. ഈ മഹത്തായ പ്രസ്ഥാനം നമ്മുടെവിദ്യാലയത്തിൽ രൂപീൃതമായി. ഇതിന്റെ ഭാഗമായി വിവിധ പ്രവർത്തനങ്ങൾ JRC കേ‌ഡെറ്റുകളുടെ നേതൃത്വത്തിൽവിദ്യാലയത്തിൽ നടന്നുവരുന്നു. രക്തദാനം, നേത്ര ദാനം, പരിസരശുചീകരണം എന്നിവയെക്കുറിച്ചുള്ള ബോധവൽക്കരണ ക്ലാസ്സുകൾ, പാലിയേറ്റീവ് കെയർ പ്രവർത്തനങ്ങളിലുള്ള പങ്കാളിത്തം, പ്രഥമ ശുശ്രൂഷ പരിശീലനം, വിദ്യാലയവും പരിസരവും ശുചീകരിക്കുന്ന പ്രവർത്തനങ്ങൾ, ആരോഗ്യവുമായിബന്ധപ്പെട്ടപോസ്റ്റർ പ്രദർശനങ്ങൾ, റാലികൾ, പരിസ്ഥിതി സംരക്ഷണ പ്രവർത്തനങ്ങൾ, , സ്ക്കൂളിൽവച്ച് അപകടങ്ങളിൽപ്പെടുകയോ രോഗബാധിതരാവുകയോ ചെയ്യുന്ന കുട്ടികളെ ശുശ്രൂഷിക്കുക, രോഗപ്രതിരോധ പ്രവർത്തനങ്ങളിൽ ഏർപ്പെടുക, അയൺ ഫോളിക് ആസിഡ് ഗുളികവിതരണത്തിൽ ക്ലാസദ്ധ്യാപകരെ സഹായിക്കുക, സ്ക്കൂളും പരിസരവും വൃത്തിയായി സൂക്ഷിക്കുക തുടങ്ങിയ പ്രവർത്തനങ്ങളാണ് ജൂനിയർ റെഡ്‌ക്രോസ് ഏറ്റെടുത്തിട്ടുള്ളത്. A, B C ലെവൽ പരീക്ഷകൾ വർഷം തോറും നടത്തി വരുന്നു. C ലെവൽ പരീക്ഷയിൽ വിജയിക്കുന്ന വിദ്യാർത്ഥികൾക്ക് SSLC പരീക്ഷയിൽ ഗ്രേസ് മാർക്കിനുള്ള അർഹതയും ലഭിക്കുന്നു.ആതുര സേവനത്തിന്റെ മഹത്വം കുട്ടികളെ ബോധ്യപ്പെടുത്തുന്നതിനായി അവരെ ഉൾകൊള്ളിച്ചുകൊണ്ടുള്ള പ്രവർത്തനങ്ങളാണ് നമ്മുടെ വിദ്യാലയത്തിലെ ജെ ആർ സി ടീം അംഗങ്ങൾ നടത്തുന്നത്. അതോടൊപ്പം സ്കൂളിന്റെ അച്ചടക്കപ്രവർത്തനങ്ങളിലും ശുചീകരണ പ്രവർത്തനങ്ങളിലും ഇവർ സജീവമായി ങ്കെടുക്കുന്നു. Priyadersh sir ആണ് ഇതിന്റെ ചുമതല വഹിക്കുന്നത്