എഫ്.എം.ജി.എച്ച്. എസ്.എസ് കൂമ്പൻപാറ/സ്റ്റൂഡന്റ് പോലീസ് കാഡറ്റ്/2025-26
സ്റ്റുഡന്റ് പോലീസ് കാഡറ്റ് 2025-26 വർഷത്തെ പ്രവർത്തനങ്ങൾ
ഫാത്തിമമാത സ്ക്കൂളിന്റെ യശസ്സ് ഉയർത്താൻ ഇനി സ്റ്റുഡന്റ്സ് പോലീസ് കേഡറ്റ്സും
വിദ്യാർത്ഥികളുടെ വ്യക്തിത്വം വികസിപ്പിക്കുക,സാമൂഹിക ഉത്തരവാദിത്ത ബോധം വളർത്തുക, നിയമാനുസൃതമായ ജീവിതശൈലി പ്രോത്സാഹിപ്പിക്കുക തുടങ്ങിയ ലക്ഷ്യത്തോടെ ആരംഭിച്ച ഒരു പദ്ധതിയാണ് സ്റ്റുഡന്റ്സ് പോലീസ് കേഡറ്റ്സ് (എസ്.പി.സി).ഈ പദ്ധതി ഇന്ത്യയിൽ ആദ്യമായി ആരംഭിച്ചത് കേരളത്തിലാണ്. 2010 ലാണ് ഔപചാരികമായി ഈ പദ്ധതി ആരംഭിച്ചത്. മുൻകാല പോലീസ് മേധാവിയായ ജേക്കബ് പുന്നൂസ് ഐ.പി.എസ് ആണ് ഇതിന്റെ സൃഷ്ടാവ്. കേരള സർക്കാർ വിദ്യാഭ്യാസ വകുപ്പിന്റെയും പോലീസ് വകുപ്പിന്റെയും സഹകരണത്തോടെ ഈ പദ്ധതി നടപ്പിലാക്കി.സംസ്ഥാന ആഭ്യന്തരവകുപ്പും വിദ്യാഭ്യാസ വകുപ്പും ചേർന്ന് 2019 കൊടുത്ത പദ്ധതിയാണ് എസ് പി സി. മറ്റ് തദ്ദേശസ്വയംഭരണ വകുപ്പുകളുടെ പിന്തുണയോടു കൂടിയാണ് ഈ ഒരു പദ്ധതി പ്രവർത്തിക്കുന്നത്. കേരളത്തിൽ ആകെ 127 സ്കൂളുകളിലായി 11176 ഹൈസ്കൂൾ വിദ്യാർത്ഥികളെ ഉൾപ്പെടുത്തി കൊണ്ടാണ് എസ് പി സി പദ്ധതിക്ക് തുടക്കം കുറിച്ചത് പൗരബോധവും ലക്ഷ്യബോധവും സാമൂഹ്യപ്രതിബദ്ധതയും സേവന സന്നദ്ധതയും ഉള്ള ഒരു യുവജനതയെ വാർത്തെടുക്കുക എന്ന ലക്ഷ്യത്തോടെയാണ് പദ്ധതിക്ക് തുടക്കം കുറിച്ചിരിക്കുന്നത്. പെട്ടെന്നുണ്ടാകുന്ന സാമൂഹ്യ പ്രശ്നങ്ങളിൽ ഇടപെടാനും ദുരന്ത ഘട്ടങ്ങളിൽ ഉണർന്നു പ്രവർത്തിക്കാനുമുള്ള മനോഭാവവും കരുത്തും പുതുതലമുറയ്ക്ക് ഉണ്ടാക്കിയെടുക്കാൻ ഈ പദ്ധതിയിലൂടെ സാധിക്കുന്നു. മൊബൈൽ ഫോണിലും ലഹരിയിലും അടിമപ്പെട്ടു കൊണ്ടിരിക്കുന്ന യുവതലമുറയെ സ്വഭാവ ശുദ്ധിയിലും പെരുമാറ്റ ശീലത്തിലും മൂല്യങ്ങൾ ഉയർത്തിപ്പിടിക്കുന്ന ഒരു തലമുറയായി മാറ്റിയെടുക്കുക എന്നത് എസ്പിസിയുടെ പ്രധാന ലക്ഷ്യങ്ങളിൽ ഒന്നാണ്. കുട്ടികളെ കായികമായും മാനസികമായും ശക്തരാക്കാൻ ഉതകുന്ന വിവിധതരം പരിശീലനങ്ങൾ ക്യാമ്പുകൾ എന്നിവ നടത്തപ്പെടുന്നു. എല്ലാ ബുധനാഴ്ചകളിലും ശനിയാഴ്ചകളിലും പരിശീലനവും നടത്തപ്പെടുന്നു അതുകൂടാതെ കായിക പരിശീലനം പരേഡ് ,റോഡ് സുരക്ഷാ ക്യാമ്പയിനുകൾ ,നിയമ സാക്ഷരത ക്ലാസുകൾ എന്നിവ ഇതിന്റെ ഭാഗമാണ്. സ്കൂൾതല ജില്ലാതല സംസ്ഥാനതല ക്യാമ്പുകളും എസ് പി സി അംഗങ്ങൾക്കായി സംഘടിപ്പിക്കുന്നു. ഈ പദ്ധതിയുടെ ഗുണം തിരിച്ചറിഞ്ഞ് മറ്റു പല സംസ്ഥാനങ്ങളിലേയും ഉദ്യോഗസ്ഥർ കേരളത്തിൽ എത്തുകയും ഇതേപ്പറ്റി പഠനങ്ങൾ നടത്തുകയും അവരുടെ സംസ്ഥാനത്ത് ഈ പദ്ധതി നടപ്പിലാക്കുകയും ചെയ്യുന്നു.
ഫാത്തിമ മാതാ ഗേൾസ് ഹയർസെക്കൻഡറി സ്കൂളിൽ 2025 - 2026 അധ്യായന വർഷത്തിലാണ് എസ്.പി.സി അനുവദിച്ചത്. എൻട്രൻസ് പരീക്ഷയും ,കായികക്ഷമത പരീക്ഷയും നടത്തിയാണ് കുട്ടികളെ തിരഞ്ഞെടുക്കുന്നത് . 87 കുട്ടികൾ എൻട്രൻസ് പരീക്ഷയിൽ പങ്കെടുക്കുകയുണ്ടായി ഇതിൽ നിന്നും 44 കുട്ടികൾക്കാണ് സെലക്ഷൻ ലഭിച്ചത്.ഫാത്തിമ മാത സ്ക്കൂളിന്റെ ചരിത്രത്തിൽ തങ്കലിപികളാൽ രേഖപ്പെടുത്താവുന്ന ഒന്നാണ് എസ്.പി.സി യുടെ തുടക്കം.
ഫാത്തിമമാതയുടെ കിരീടത്തിൽ മറ്റൊരു പൊൻതൂവലായി സ്റ്റുഡന്റ്സ് പോലീസ് കേഡറ്റ്സിന് ഔദ്യോഗിക തുടക്കം
ഫാത്തിമ മാത ഗേൾസ് ഹയർസെക്കന്ററി സ്ക്കൂളിലെ എസ്.പി.സി യുടെ ആദ്യ ബാച്ചിന്റെ ഔദ്യോഗിക ഉദ്ഘാടനം ജൂലൈ 2 ന് അടിമാലി പോലീസ് സർക്കിൾ ഇൻസ്പെക്ടർ ലൈജുമോൻ സാർ നടത്തുകയും എസ്പിസിയുടെ പ്രാധാന്യത്തെക്കുറിച്ച് കുട്ടികൾക്ക് ക്ലാസ് എടുക്കുകയും ചെയ്തു. തുടർന്നുള്ള എല്ലാ ബുധൻ ശനി ദിവസങ്ങളിൽ കുട്ടികൾക്ക് പരേഡും,എക്സർസൈസും നടത്താനും തീരുമാനിച്ചു. . ജൂലൈ 11 ലോക ജനസംഖ്യ ദിനാചരണത്തിന്റെ ഭാഗമായി കുട്ടികൾ പ്ലക്കാടുകൾ നിർമ്മിച്ചു കൊണ്ടുവരികയും റാലി നടത്തുകയും ചെയ്തു, കൂടാതെ ഉപന്യാസ മൽസരം നടത്തുകയും ചെയ്തു.
എസ്.പി.സി ഡേ ദിനാഘോഷം
ആഗസ്റ്റ് 2 എസ്.പി.സി ഡേ ആചരിക്കുകയും തുടർന്നുള്ള മീറ്റിങ്ങിൽ സി.ഐ ലൈജുമോൻ സർ , പഞ്ചായത്ത് പ്രസിഡന്റ് ശ്രീമതി സൗമ്യ അനിൽl , എച്ച്.എം സിസ്റ്റർ റെജിമോൾ മാത്യു, പ്രിൻസിപ്പാൾ സിസ്റ്റർ ഷേർളി കെ.സി യും യോഗത്തിൽ പങ്കെടുത്തു. അടിമാലി സി.ഐ ലൈജുമോൻ സാർ എസ്.പി.സി ഫ്ലാഗ് ഹോസ്റ്റിങ് നടത്തുകയും . കുട്ടികൾക്ക് എസ് പി സി യുടെ പ്രാധാന്യത്തെക്കുറിച്ച് ക്ലാസ് എടുക്കുകയും വേണ്ട നിർദ്ദേശങ്ങൾ നൽകുകയും ചെയ്തു. എസ്.പി.സി യുടെ നേതൃത്വത്തിൽ തുടങ്ങുന്ന പച്ചക്കറി കൃഷിയുടെ ഔപചാരികമായ ഉദ്ഘാടനം നടത്തുകയും ചെയ്തു. തുടർന്ന് കുട്ടികൾ പോലീസ് സ്റ്റേഷൻ വിസിറ്റ് നടത്തുകയും അവിടെ വരുന്ന പരാതികളെക്കുറിച്ചും അവരുടെ റൂൾസുകളെ കുറിച്ചും എസ് ഐ കുട്ടികൾക്ക് പറഞ്ഞുകൊടുത്തു. ജയില്,ഷീൽഡ്, പഴയതും പുതിയതുമായ ആയുധങ്ങളും കാണിച്ചുകൊടുക്കുകയും അവ വിശദീകരിച്ചു കൊടുക്കുകയും ചെയ്തു. പോലീസുകാർ കുട്ടികൾക്ക് മധുരപലഹാരങ്ങൾ നൽകുകയും ചെയ്തു
എസ് പി സി ഓണ ക്യാമ്പ്
ഫാത്തിമ മാതാ സ്കൂളിലെ പുതിയ എസ്പിസി യൂണിറ്റിന്റെ ഓണ ക്യാമ്പ് സെപ്റ്റംബർ ഒന്നിന് ആരംഭിച്ചു എല്ലാ കേഡറ്റ്സും ഫുൾ യൂണിഫോമിൽ ആയിരുന്നു എത്തിയത് 8:30 മുതൽ 10 വരെ കുട്ടികൾക്ക് പരേഡ് നടത്തി. 10 മണിയോടുകൂടി വിശിഷ്ട അതിഥികളെല്ലാം എത്തിച്ചേർന്നു പിന്നീട് ഉദ്ഘാടന ചടങ്ങുകളും അതിനോട് അനുബന്ധിച്ചുള്ള സമ്മേളനവും ആരംഭിച്ചു. സ്കൂൾ മാനേജർ സിസ്റ്റർ പ്രദീപ,അടിമാലി എസ് എച്ച് ഒ ലൈജുമോൻ സാർ, സ്കൂൾ പ്രിൻസിപ്പൽ സിസ്റ്റർ വിൽസി മരിയ,ഹെഡ്മിസ്ട്രസ് സിസ്റ്റർ ക്രിസ്റ്റീന, സബ് ഇൻസ്പെക്ടർ മണിയൻ സാർ,ബിൻസി മാഡം, സലീം സാർ, സിപി ഒ വിൽസൺ സാർ,എ സി പി ഓ അനു ജോസ് ടീച്ചർ എന്നിവർ യോഗത്തിൽ പങ്കെടുത്തു. എസ്പിസി കേഡറ്റ് തെരേസ സെബാസ്റ്റ്യൻ യോഗത്തിന് സ്വാഗതം ആശംസിച്ചു. സിസ്റ്റർ പ്രദീപ മുഖ്യപ്രഭാഷണം നടത്തി.പിന്നീട് എസ് ഐ മണിയൻ സാർ എസ്പിസിയുടെ പ്രധാന ദൗത്യലക്ഷങ്ങളെ പറ്റി ക്ലാസ് എടുക്കുകയും ഒരു എസ് പി സി കേഡറ്റിന്റെ കടമകളെ പറ്റി കുട്ടികൾക്ക് മനസ്സിലാക്കി കൊടുക്കുകയും ചെയ്തു. ക്യാമ്പിന്റെ രണ്ടാം ദിവസം ക്ലാസ് എടുക്കാൻ വന്നത് ഫയർ ആൻഡ് റെസ്ക്യൂ ഉദ്യോഗസ്ഥരാണ് നമ്മുടെയെല്ലാം ദൈനംദിന ജീവിതത്തിൽ പെട്ടെന്ന് ഉണ്ടാകാവുന്ന അപകടങ്ങളെക്കുറിച്ചും അതിനുവേണ്ട രക്ഷാപ്രവർത്തനങ്ങൾ ഏതൊക്കെയാണ് എന്നും അവർ കേരളത്തിൽ എടുത്ത് മനസ്സിലാക്കി കൊടുത്തു മാനസികമായും ശാരീരികമായും വാർത്തെടുക്കാൻ ഉതകുന്ന ഒരു ക്യാമ്പ് ആയിരുന്നു ഇതെന്ന് നിസ്സംശയം പറയാൻ സാധിക്കും.
സ്കൂളിലെ എല്ലാ പ്രവർത്തനങ്ങളിലും സജീവ പങ്കാളിത്തം ഉറപ്പുവരുത്തി എസ് പി സി കേഡറ്റ്സ്
സ്കൂളിലെ എല്ലാ പ്രവർത്തനങ്ങളിലും എസ് പി സി കുട്ടികളുടെ സജീവസാന്നിധ്യം ഉണ്ടായിരുന്നു.2025 സബ്ജില്ലാതല ശാസ്ത്രമേള നമ്മുടെ സ്കൂളിൽ വച്ച് നടന്നപ്പോൾ അതിലെ എല്ലാ പ്രവർത്തനങ്ങളിലും എസ് പി സി കുട്ടികളുടെ പങ്കാളിത്തവും സഹകരണവും ഉണ്ടായിരുന്നു.എസ് പി സി കേഡറ്റ്സിനെ ഏൽപ്പിക്കുന്ന ജോലികൾ സമയനിഷ്ടയോടും കൃത്യനിഷ്ഠയോടും കൂടി ചെയ്യുന്നു.സ്കൂളിൽ നടക്കുന്ന കായികമേള, യൂത്ത് ഫെസ്റ്റിവൽ,ആനുവൽ ഡേ, മറ്റ് പലതരം ക്ലാസുകൾ ഇതിനെല്ലാം കുട്ടികളെ അച്ചടക്കം ഉള്ളവരും ശ്രദ്ധയുള്ളവരും ആക്കി ഇരുത്താൻ എസ് പി സി കേഡറ്റ്സ് ശ്രദ്ധിക്കുന്നു.സ്കൂളിന്റെ അഞ്ചുവർഷത്തെ കഠിന പരിശ്രമത്തിനും കാത്തിരിപ്പിനും ഒടുവിലാണ് എസ്പിസി യൂണിറ്റ് അനുവദിച്ച് കിട്ടിയത്.ആദ്യ ബാച്ചിലേക്ക് തിരഞ്ഞെടുക്കപ്പെട്ട 44 കുട്ടികളെയും എല്ലാ അടിസ്ഥാന സൗകര്യങ്ങളും ഒരുക്കിത്തന്ന് വളരെ കൃത്യമായ രീതിയിൽ സ്കൂൾ മാനേജ്മെന്റും അധ്യാപകരും മുന്നോട്ടു നയിക്കുന്നു.
എസ് പി സി ക്രിസ്മസ് ക്യാമ്പ്
ഫാത്തിമ മാതാ സ്കൂളിലെ എസ് പി സി യൂണിറ്റിന്റെ ആദ്യ ക്രിസ്മസ് ക്യാമ്പ് ഡിസംബർ 31 ജനുവരി 1 തീയതികളിലായി നടന്നു. കേഡറ്റ് എല്ലാവരും സ്കൂൾ ഓഡിറ്റോറിയത്തിൽ ഫാളിൻ ആയി. പത്തുമണിയോടെ ഉദ്ഘാടന സമ്മേളനം ആരംഭിച്ചു. ക്യാമ്പിനോടുള്ള എല്ലാ എസ്പിസി കേഡറ്റ്സിന്റെയും ഉത്സാഹവും പങ്കാളിത്തവും ക്യാമ്പിന്റെ തുടക്കം മുതൽ പ്രകടമായിരുന്നു. അടിമാലി എസ് എച്ച് ലൈജുമോൻ സാർ യോഗത്തിന് അധ്യക്ഷത വഹിച്ചു. സ്കൂൾ പ്രിൻസിപ്പൽ, ഹെഡ്മിസ്ട്രസ്,പഞ്ചായത്ത് വാർഡ് മെമ്പർ തുടങ്ങിയ അനേകം വിശിഷ്ടാതിഥികൾ ക്യാമ്പിന്റെ ഉദ്ഘാടനത്തിൽ പങ്കെടുത്തു. പിന്നീട് കുട്ടികൾക്ക് ജൻഡർ ഈക്വാളിറ്റിയെ പറ്റിയുള്ള ഒരു ക്ലാസ് ആയിരുന്നു നടന്നത്. ആതിര മേടം ആയിരുന്നു കുട്ടികൾക്ക് ഈ വിഷയത്തിൽ ക്ലാസുകൾ എടുത്തത്. ഇന്നത്തെ കാലഘട്ടത്തിൽ വളരെ അനിവാര്യമായി എല്ലാ കുട്ടികളും അറിഞ്ഞിരിക്കേണ്ട ഒരു വിഷയമായിരുന്നു ഇത്. സ്ത്രീക്കും പുരുഷനും സമൂഹത്തിൽ തുല്യ അവകാശങ്ങളാണ് ഉള്ളത് എന്ന് പുരുഷന്മാരെക്കാൾ കൂടുതൽ അവബോധം ഉണ്ടാവേണ്ടത് നമ്മളുടെ വളർന്നുവരുന്ന പെൺകുട്ടികൾക്കാണ്. നമ്മുടെ അവകാശങ്ങൾ ചോദിച്ചു വാങ്ങാൻ നമ്മൾ മടിക്കേണ്ട കാര്യമില്ല. സ്ത്രീകൾ ഒരിക്കലും സമൂഹത്തിൽ മാറ്റി നിർത്തപ്പെടേണ്ട ഒന്നല്ല എന്നും ക്ലാസിൽ കുട്ടികൾക്ക് പറഞ്ഞ് മനസ്സിലാക്കി കൊടുത്തു.
പിന്നീട് അന്നേദിവസം വരെയുള്ള കണക്കുകൾ അവതരിപ്പിക്കുന്നതിനും ഭാവി കാര്യങ്ങളെക്കുറിച്ചും മുന്നോട്ടുള്ള പ്രവർത്തനങ്ങളെ കുറിച്ചും മികവുകളെ കുറിച്ചും ചർച്ച ചെയ്യുന്നതിനായി ഗാർഡിയൻ എസ്പിസി സംഘടിപ്പിച്ചു എക്സിക്യൂട്ടീവ് കമ്മിറ്റിയും നടത്തി ഗാഡിയൻ എസ്പിസിയിൽ ഇതുവരെയുള്ള വരവ് ചിലവ് കണക്കുകളും അവതരിപ്പിച്ച പാസാക്കി തുടർന്ന് വൺ സ്കൂൾ പ്രോജക്ടുമായി ബന്ധപ്പെട്ട നമ്മുടെ സ്കൂളിൽ നടത്താനായി ഉദ്ദേശിക്കുന്ന കാര്യങ്ങളെക്കുറിച്ച് ചർച്ച നടത്തി തീരുമാനങ്ങളും മാനദണ്ഡങ്ങളും എടുത്തു. ശേഷം നടത്തിയ എക്സിക്യൂട്ടീവ് കമ്മിറ്റിയിൽ ഇതിന് ആവശ്യമായ പ്രവർത്തനങ്ങളെക്കുറിച്ച് ചർച്ച നടത്തി. ക്രിസ്മസ് ക്യാമ്പിന്റെ രണ്ടാം ദിനം രാവിലെ 9 മണിക്ക് അന്നേദിവസം മോണിംഗ് വാക്കിനു ശേഷം കുട്ടികൾക്ക് യോഗ ക്ലാസ് സംഘടിപ്പിച്ചു കുട്ടികളെ യോഗ പരിശീലിപ്പിക്കുന്നതിന് യോഗ ഗുരുവായ അനിൽകുമാർ സാർ ആണ് എത്തിച്ചേർന്നത് യോഗ എന്താണ് എന്നും യോഗയെക്കുറിച്ചുള്ള മറ്റെല്ലാ കാര്യങ്ങളും യോഗയുടെ ഗുണങ്ങളും കുട്ടികൾക്ക് പറഞ്ഞുകൊടുത്തു പഠിപ്പിച്ചു അന്നേദിവസം സൂര്യനമസ്കാരവും ശവാസനവും ആണ് കുട്ടികളെ പഠിപ്പിച്ചത് തുടർന്ന് അവർക്ക് പരേഡ് നടത്തി ജില്ലാ നോഡിൽ ഓഫീസർ ശ്രീ സുരേഷ് ബാബുസാർ കുട്ടികളുടെ പരേഡ് കാണുകയും വിലയിരുത്തുകയും അഭിനന്ദിക്കുകയും ചെയ്തു ശേഷം സാർ മുഴുവൻ എസ്പിസി കുട്ടികൾക്കും എസ്പിസിയെ കുറിച്ചും മറ്റു പ്രവർത്തനങ്ങളെ കുറിച്ചും ക്ലാസ് എടുത്തു. ചെറിയ രീതിയിലുള്ള ന്യൂയർ ആഘോഷത്തിനുശേഷമാണ് ക്യാമ്പ് സമാപിച്ചത്.