എച്ച്.യു.പി.സ്കൂൾ ഇരമല്ലിക്കര/ചരിത്രം
ആലപ്പുഴ ജില്ലയിലെ ചെങ്ങന്നൂർ താലൂക്കിലെ തിരുവൻവണ്ടൂർ ഗ്രാമപഞ്ചായത്തിലെ ഒന്നാം വാർഡായ ഇരമല്ലിക്കരയിലാണ് ഹിന്ദു യു. പി.സ്കൂൾ സ്ഥിതി ചെയ്യുന്നത്.
ഇരമല്ലിക്കരയിൽ ഏതാണ്ട് അഞ്ച് കിലോമീറ്റർ ചുറ്റളവിൽ താമസിക്കുന്ന ഗ്രാമവാസികൾക്ക് വിദ്യാഭ്യാസ സ്ഥാപനം മറ്റൊന്നില്ലാതെ സാഹചര്യത്തിലാണ് ഒരു വിദ്യാലയത്തിന്റെ പിറവിക്കുവേണ്ടി നല്ലവരായ നാട്ടുകാരുടേയും എൻ.എസ്.എസ് കരയോഗം ഭാരവാഹികളുടേയും പരിശ്രമം ഉണ്ടായത്. ഇതിനുവേണ്ടി ചുക്കാൻ പിടിച്ചവരിൽ പ്രേമുഖർ മഠത്തിൽ ശ്രീ. ബാലരാമപണിക്കർ (സെക്രട്ടറി), ശ്രീ. എം.കെ.രാമൻ (ഡിവിഷണൽ ഇൻസ്‌പെക്ടർ ), ഉടൽക്കര ശ്രീ. ചന്ദ്രശേഖരൻപിള്ള (സെക്രട്ടറി) എന്നിവരാണ്.
1953 ൽ നാലുക്ലാസ്സുകൾമാത്രമായി ആരംഭിച്ച എരമല്ലിക്കര ദേവസ്വം എൽ.പി.സ്കൂൾ 1958 ആയപ്പോഴേക്കും അപ്ഗ്രേഡ് ചെയ്യുകയും 22 അദ്ധ്യാപകരും ഏകദേശം 850 വിദ്യാർത്ഥികളും ഉൾപ്പെടുന്ന ഇന്നത്തെ ഹിന്ദു യു.പി.എസ് ആയി ഉയർന്നു. സമീപ പ്രദേശങ്ങളായ കല്ലുങ്കൽ, പിറമിട്ടക്കര, വളഞ്ഞവട്ടം എന്നീ സ്ഥലങ്ങളിൽ നിന്നും പമ്പ, മണിമല എന്നീ നദികൾ കടന്നായിരുന്നു അന്ന് കുട്ടികൾ എത്തിയിരുന്നത്. പമ്പ, മണിമല നദികളുടെ സംഗമസ്ഥാനം എന്ന ചരിത്രപശ്ചാത്തലവും കൂടി ഇരമല്ലിക്കരക്കുണ്ട്.
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |