എം.റ്റി. എൽ. പി. എസ്. കടവുപുഴ/ചരിത്രം

കടവുപുഴ എം റ്റി എൽ പി സ്കൂൾ 1103 ഇടവമാസം 7ാം തീയതി എന്ന് റാന്നി നസ്രെത് ഇടവക വികാരിയുടെ റവ. സി ചെറിയാൻ കശ്ശീശായുടെ മാനേജ്മെൻ്റിൽ ആരംഭിച്ചു. ഇലന്തൂർ സ്വദേശിയായ കോശി എന്ന അധ്യാപകൻ ആരംഭകാലത്ത് ജോലി ചെയ്തിട്ട് പിരിഞ്ഞു പോയി. 1104 ൽ ശ്രീമതി പി ജി മറിയാമ്മ സ്കൂൾ ഹെഡ്മിസ്ട്രസ്സായി നിയമിതയയി. അന്ന് സ്കൂളിന് ഒന്നാം ക്ലാസ്സ് മാത്രമേ ഉണ്ടായിരുന്നുള്ളൂ. പിറ്റെകൊല്ലം (104 ഇടവം മുതൽ) രണ്ടാം ക്ലാസ്സ് ആരംഭിച്ചു.

     സ്കൂൾ മനേജാരായിയിരുന്ന റവ സി ചെറിയാൻ കശ്ശീശ ഇടവകയിൽ നിന്ന് പിരിഞ്ഞുപോയപ്പോൾ മലയിൽ എം പി തോമസ് കശ്ശീശാ ടി. സ്കൂൾ മാനേജരായി, അതിനുശേഷം 1111 ൽ ടി സ്കൂൾ മാനേജ്മെൻ്റ് മാർത്തോമ കോർപറേറ്റ് മാനേജർക്ക് വിട്ടുകൊടുത്തു.

   1104 മുതൽ 1114 വരെ ടി സ്കൂൾ ഒന്നും രണ്ടും ക്ലാസ്സുകൾ മാത്രമേ ഉണ്ടായിരുന്നുള്ളൂ. 1115 ഇടവത്തിൽ 3ാം ക്ലാസിനും 1117 ൽ നാലാം ക്ലാസ്സിനും 1112ൽ അഞ്ചാം ക്ലാസ്സിനും അനുവാദം കിട്ടി. തുടർന്ന് പ്രൈമറി സ്കൂളിലെ അഞ്ചാം ക്ലാസ് ഗവണ്മെൻ്റ് നിർത്തലാക്കി. ഒന്ന് മുതൽ നാലുവരെ ക്ലാസുകൾക്ക് ഡിവിഷൻ ഉണ്ടായിരുന്നതിനാൽ 8 ക്ലാസ്സുകൾ ഉണ്ടായിരുന്നു.

     1996-97 സ്കൂൾ വർഷത്തിൽ സ്കൂളിന്ചുറ്റുമതിൽ കെട്ടി ഗേറ്റ് ഇട്ടു. ഹെഡ്മിസ്ട്രസ്സ് ശ്രീമതി ചെല്ലമ്മ റ്റി ഫ്ലോക്ക് ലീഡർ ആയി ഒരു ബുൾബുൾ ഫ്ളോക്ക് ഇവിടെ പ്രവർത്തിക്കുന്നു. സ്വാതത്രത്തിൻ്റെ 50ാം വാർഷികം പ്രമാണിച്ച് സ്വാതന്ത്ര്യ സമര സേനാനിയായ ചന്ദനക്കുഴിയില് റവ സി വി ജോർജുമായി ബുൾബുൾസ് ഒരു അഭിമുഖ സംഭാഷണം നടത്തി. സ്വാതന്ത്രസമരകാലത്തെ വിവരങ്ങൾ മനസിലാക്കി. കൂടി കാഴ്ച വളരെ ഹൃദ്യമായിരുന്നു.

   ഈ സ്കൂളിൽ പ്രഥമ അധ്യാപകരായി സർവശ്രീ. പി ജി മറിയാമ്മ, അന്നമ്മ ഏബ്രഹാം, ടി പി ശമുവേൽ, കെ പി മറിയാമ്മ, മാത്യൂസ് ഏബ്രഹാം, അന്നമ്മ ജോൺ എന്നിവർ സേവനം അനുഷ്ഠിച്ചിട്ടുണ്ട്.

    ഈ സ്കൂൾ സ്ഥിതി ചെയ്യുന്ന സ്ഥലം മലയിൽ കുളങ്ങര വീട്ടിൽ ശ്രീ. ഫിലിപ്പോസ് ഗീവറുഗീസ് സംഭാവന ചെയ്തിട്ടുള്ളതാണ്.