എം.എം.എം.യു.എം.യു.പി.എസ്. കാരക്കാട്/അക്ഷരവൃക്ഷം/കൊറോണയുടെ ദുഃഖം

കൊറോണയുടെ ദുഃഖം ഞാൻ കൊറോണാ മുൾക്കിരീടം കണക്ക് ചുറ്റിപ്പിടിച്ച് മനുഷ്യനെ നശിപ്പിക്കുവാൻ ജന്മമെടുത്തത്. കോവിഡ് 19 എന്ന് വിളിക്കുന്ന ഇതുവരെ ഒരു മരുന്ന് കണ്ടുപിടിച്ചിട്ടില്ലാത്ത അതി ഭീകരനായ വൈറസ് ആണ് ഞാൻ. എന്റെ കഥ ഇവിടെ തുടങ്ങുന്നു. മനുഷ്യർ ആഡംബരത്തിന്റെയും അഹങ്കാരത്തിന്റെയും പിടിയിലമർന്ന് ജീവിതം ആസ്വദിച്ചു മുന്നോട്ടു പോകുമ്പോൾ ചൈനയിലെ ഒരു ചന്തയിൽ ഞാൻ ജന്മം കൊണ്ടു .ഒരാളിൽ നിന്ന് മറ്റൊരാളിലേക്ക് എന്ന നിലയിൽ എന്റെ പരമ്പരയുടെ എണ്ണം വർദ്ധിപ്പിച്ച് ഓരോരുത്തരെയായി കീഴടക്കി ഞാൻ മുന്നേറി. എനിക്ക് പല രാജ്യങ്ങളിലായി ലക്ഷക്കണക്കിന് മനുഷ്യരെ കിട്ടി. ഞാൻ അതീവസന്തോഷത്തിലും ആയിരുന്നു. അങ്ങനെ പല പല രാജ്യങ്ങളിൽ സഞ്ചരിച്ച് ഇന്ത്യ എന്ന രാജ്യത്ത് എത്തി. അവിടെ നിന്നും ദൈവത്തിന്റെ സ്വന്തം നാടായ കേരളത്തിലുമെത്തി. എല്ലാ രാജ്യങ്ങളിലുമുള്ള ആളുകളെ കൊന്നൊടുക്കി ,സാമ്പത്തികമായും ശാരീരികമായും നശിപ്പിച്ചു മുന്നേറിക്കൊണ്ടിരുന്നു. കേരള ജനതയെ ഒന്ന് പേടിപ്പിക്കേണ്ടി വന്നു, അവർ പലപ്പോഴായി വെള്ളപ്പൊക്കത്തെയും നിപ്പയേയും അതിജീവിച്ചവരാണ്. ഇവിടുത്തെ മുഖ്യമന്ത്രിയും ആരോഗ്യ പ്രവർത്തകരും ചേർന്ന് എന്നെ തുരത്തി ഓടിക്കാൻ ശ്രമിച്ചു. പ്രധാനമന്ത്രിയുടെ ലോക്ക്ഡൗൺ പ്രഖ്യാപനം കേട്ട് ജനങ്ങൾ ഒരു മാസത്തോളമായി പുറത്തിറങ്ങാതെ വീട്ടിൽ ഇരിപ്പാണ്. അപ്പോൾ എനിക്ക് പുതിയ ഇരകളെ കിട്ടാതെയായി. ആരാധനാലയങ്ങൾ അടച്ചും കല്യാണം പോലെയുള്ളവ ഒഴിവാക്കി എന്നെ തടഞ്ഞു. കേരള ജനതയുടെ കരുത്തിന് മുൻപിൽ എനിക്ക് പിടിച്ചു നിൽക്കാൻ സാധിച്ചില്ല. ഞാൻ മൂലം അസുഖ ബാധിതരായവരെ പരിചരിക്കുന്ന ഡോക്ടർ ,നേഴ്സ് തുടങ്ങിയവരിലൂടെ എനിക്ക് മറ്റുള്ളവരിലേക്ക് എത്താം എന്ന് കരുതി .പക്ഷേ പി പി ഇ കിറ്റ് എന്ന സംരക്ഷണ കവചം ഉപയോഗിച്ച് എന്നെ കൂടുതൽ തടഞ്ഞു. ഇനി എനിക്ക് നിവൃത്തിയില്ല കുട്ടികൾ പോലും കളികൾ നിർത്തി കൈകഴുകാൻ പരിശീലിച്ചു .അവരുടെ വേനലവധിക്കാലം എന്നെ തുരത്തുന്നതിനാണ് വിനിയോഗിച്ചത്. എനിക്കിവിടെ ഇനി പിടിച്ചുനിൽക്കാൻ സാധിക്കില്ല. മുഹമ്മദ്‌ ആബിദ് 7 ഡി എം എം എം യു എം യു പി സ്കൂൾ കാരക്കാട് ഈരാറ്റുപേട്ട ഉപജില്ല കോട്ടയം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Kavitharaj തീയ്യതി: 25/ 04/ 2020 >> രചനാവിഭാഗം - ലേഖനം