അദ്ധ്യയന വർഷാരംഭത്തിൽത്തന്നെ സ്കൂൾ ഹെൽത്ത് ക്ലബ്ബ് രൂപീകരിച്ച് പ്രവർത്തനം തുടങ്ങി. ക്ലബ്ബിൽ 2 അധ്യാപകരും സ്കൂൾ ഹെൽത്ത് നേഴ്സും 18 കുട്ടികളും ഉൾപെടുന്നു. കുട്ടികളുടെ ആരോഗ്യപരിപാലനത്തിൽ ഈ ക്ലബ്ബ് വളരെ ശ്രദ്ധിക്കുന്നുണ്ട് . ക്ലബ്ബ് അംഗങ്ങൾ യോഗം ചേരുകയും പൊതുവായ ആരോഗ്യ പരിപാലന കാര്യങ്ങ‍ൾ ചർച്ച ചെയ്യുകയും ചെയ്യുന്നുണ്ട്. വൈറസ് രോഗങ്ങൾ, ശുചിത്വം, പോഷണം, PCR പരിശോധന എന്നിവയെ കുറിച്ചുള്ള സെമിനാർ , ക്വിസ്സ് എന്നിവ ക്ലബ്ബ് പ്രവർത്തനങ്ങളിൽ ചിലതു മാത്രമാണ്. മാത്രമല്ല സ്കൂളിലെ നൂൺഫീഡിംഗ് പ്രവർത്തനങ്ങളുടെ മെനു നിശ്ചയിക്കുന്നതിലും ശുചിത്വ പരിപാലനത്തിലും ക്ലബ്ബിന് പങ്കുണ്ട്.
