വസന്തം കുറിക്കുമൊരുത്സവത്തിൻ കാലം
ഒരുക്കമാണപ്പോൾ ഭൂവിലെങ്ങും
ഉടുത്തൊരുങ്ങും പൂമരമൊരന്നാളിൽ
സൗന്ദര്യമത്സരമരങ്ങേറുവാൻ
സസ്യജാലങ്ങളൊരുക്കമാ വേദിയിൽ
പച്ചപ്പട്ടുവിതാനിശ്ചലങ്കാരം
കളകളാരവം കിളികളുതിർത്തല്ലൊ
തീർക്കുന്നനൂതമാം സംഗീതലോകവും
തുമ്പയും, മുല്ലയും, ഗന്ധകരാജ്ഞിയും
ശുഭ്രവസ്ത്രത്തിലൊരുങ്ങി വന്നു...
മുക്കുറ്റി കൂട്ടുകാരൊത്തുവന്നങ്ങിനെ
മഞ്ഞ വസ്ത്രത്തിലൊളിവുകാട്ടി
ചെമ്പനീർ പൂവും, തെച്ചിപൂക്കളും
ചുവപ്പു വസ്ത്രങ്ങളണിഞ്ഞുവന്നു
കാറ്റിൽ പരത്തും നറുമണവുമായി
എരിഞ്ഞിയും കെെതപ്പൂവുമെത്തി
ആമ്പൽകുളത്തിൽ പലതരം വർണ്ണത്തിൽ
പൂവുകൾ നൃത്തമാടിനിന്നങ്ങനെ
ഏറ്റവും ലാസ്യയാം സുന്ദരിയാരെന്ന്
മാരുതി നോക്കി നടന്നിരുന്നു
