വർഗ്ഗം:ഓഗസ്റ്റ്

സ്വാതന്ത്ര്യദിനാഘോഷം

ആഗസ്റ്റ് 15 വെള്ളിയാഴ്ച സ്കൂളിൽ വിപുല പരിപാടികളോടെ 79-ാം സ്വാതന്ത്ര്യ ദിനം ആഘോഷിച്ചു. രാവിലെ 9.30 ന് കുട്ടികളും അധ്യാപകരും രക്ഷിതാക്കളും സ്കൂൾ അങ്കണത്തിൽ ഒത്തുകൂടി. സ്കൂൾ ഹെഡ്മിസ്ട്രസ് ബിന്ദു ടീച്ചർ ദേശീയ പതാക ഉയർത്തി സ്വാതന്ത്ര്യദിനാഘോഷങ്ങൾക്ക് തുടക്കം കുറിച്ചു. തുടർന്ന് മിനി ഓഡിറ്റോറിയത്തിൽ വച്ച് നടന്ന ആഘോഷ പരിപാടിയിൽ ബിന്ദു ടീച്ചർ കുട്ടികൾക്ക് നൽകിയ സ്വാതന്ത്ര്യ ദിന സന്ദേശത്തിൽ ധീര ദേശാഭിമാനികൾ ജീവത്യാഗം ചെയ്ത് നേടിയെടുത്ത സ്വാതന്ത്ര്യത്തെ അതിന്റെ മഹത്വത്തോടെ കാത്തുസൂക്ഷിക്കണമെന്നും നമ്മുടെ മാതൃരാജ്യത്തെ സ്വന്തം അമ്മയെ പോലെ സ്നേഹിക്കണമെന്നും പറഞ്ഞു തുടർന്ന് പിടിഎ പ്രസിഡന്റ് ശ്രീമതി ഗീതു കുട്ടികളുമായി സംവദിച്ചു. സ്വാതന്ത്ര്യസമരചരിത്രത്തെപ്പറ്റി കുട്ടികൾക്ക് കൊടുത്തു.തുടർന്ന് സ്കൂൾ ലീഡർ ദിയ പ്രസംഗിച്ചു. ആഘോഷപരിപാടിയിൽ പങ്കുകൊണ്ട എല്ലാ  കുട്ടികൾക്കും രക്ഷിതാക്കൾക്കും മധുരം വിതരണം ചെയ്തു. അതിനുശേഷം കുട്ടികളുടെ കലാപരിപാടികൾ ആരംഭിച്ചു. പ്രസംഗം ഫാൻസി ഡ്രസ്സ് ദേശഭക്തിഗാനം പ്രശ്നോത്തരി സംഘനൃത്തം  തുടങ്ങിയ വർണ്ണാഭമായ പരിപാടികൾ കുട്ടികൾ അവതരിപ്പിച്ചു. സ്വാതന്ത്ര്യ സമര സേനാനികളുടെ വേഷം ധരിച്ചെത്തിയ കുട്ടികൾ എല്ലാവരുടെയും മനം കവർന്നു. കുട്ടികൾ തയ്യാറാക്കിയ ത്രിവർണ പതാകകൾ ഓഡിറ്റോറിയത്തിൽ പ്രദർശിപ്പിച്ചിരുന്നു. 11 മണിയോടുകൂടി സ്വാതന്ത്ര്യദിനാഘോഷങ്ങൾക്ക് സമാപനമായി. സ്വാതന്ത്ര്യ ദിനവുമായി ബന്ധപ്പെട്ട ക്വിസ് മത്സരം ഒന്നു മുതൽ ഏഴ് വരെ ക്ലാസുകളിൽ ആഗസ്റ്റ് 14ന് നടത്തുകയുണ്ടായി. എല്ലാ ക്ലാസ്സുകളിലും ഒന്നു മുതൽ മൂന്നു വരെയുള്ള സ്ഥാനക്കാരെ കണ്ടെത്തുകയും ചെയ്തു

കരുത്തോടെ നല്ലൊരു നാളേക്കായ്

                  ആഗസ്റ്റ്- 6 ഹിരോഷിമാ ദിനം യുദ്ധവിരുദ്ധ സന്ദേശം കുട്ടികളിലെ ത്തിക്കാവേണ്ടി സ്ക്കൂളിൽ പ്രത്യേക അസംബ്ലി നടത്തുകയുണ്ടായി. യുദ്ധവിരുദ്ധ പ്ലക്കാർഡുകളുമായി കുട്ടികൾ സ്ക്കൂൾ അങ്കണത്തിൽ ഒത്തുകൂടി. 7-ാം ക്ലാസ് വിദ്യാർത്ഥിയായ പാർവ്വണേന്ദു തൻ്റെ സന്ദേശത്തിൽ യുദ്ധത്തിൻ്റെ ദുരന്തങ്ങളെ അതിജീവിക്കാൻ മാനവരാശിക്ക് നല്ല നാളെക്കുള്ള പ്രതീക്ഷകളാണ് വേണ്ടതെന്ന് കുട്ടികളെ ഓർമ്മിപ്പിച്ചു. മൂന്നാം ക്ലാസിലെ കുഞ്ഞുമക്കൾ തങ്ങളുടെ പാട്ടിലൂടെ യുദ്ധതിനെതിരെ പ്രതികരിച്ചു. തങ്ങൾ നിർമ്മിച്ച പ്ലക്കാർഡുകളുമേന്തി കുട്ടികൾ റാലി നടത്തുകയുണ്ടായി ശരണ്യ ടീച്ചർ ചൊല്ലി കൊടുത്ത ആവേശോജ്വലമായ മുദ്രാവാക്യങ്ങൾ മുഴക്കി കുട്ടകൾ റാലിയിൽ പങ്കെടുത്തു ടീച്ചർ തൻ്റെ മുദ്രാവാക്യങ്ങളിലൂടെ യുദ്ധവിരുദ്ധ സന്ദേശം കുട്ടികളിൽ എത്തിച്ചു മൂന്നാം ക്ലാസിലെ അധ്യാപികയും കുട്ടികളും ചേർന്ന് നിർമ്മിച്ച സഡാക്കോ കൊക്കുകൾ ശാന്തിയുടെയും സമാധാനത്തിൻ്റെയും സന്ദേശം എല്ലാപേർക്കും പകർന്നു നൽകി

ശിശുവിഹാറിന്റെ സാരഥികൾ

സ്കൂൾ പാർലമെന്റിലേക്ക് തിരഞ്ഞെടുക്കപ്പെട്ട പ്രതിനിധികളുടെ സ്ഥാനാരോഹണച്ചടങ്ങ് 6/8/2025 ബുധനാഴ്ച സ്കൂൾ അസംബ്ലിയിൽ വച്ച് നടന്നു. സ്കൂൾ ലീഡർ ആയി തിരഞ്ഞെടുക്കപ്പെട്ട  ദിയ എസ് നായരെയും ഡെപ്യൂട്ടി ലീഡർ ആയ വിഘ്നേഷിനെയും ഹെഡ്മിസ്ട്രസ് ശ്രീമതി ബിന്ദു ടീച്ചർ ബാഡ്ജ് അണിയിച്ചു. ടീച്ചർ ചൊല്ലിക്കൊടുത്ത സത്യപ്രതിജ്ഞ വാചകങ്ങൾ രണ്ടുപേരും ഏറ്റ് ചൊല്ലിയ ശേഷം ബന്ധപ്പെട്ട രേഖകളിൽ ഒപ്പുവെച്ച് സ്കൂളിന്റെ സാരഥ്യം  ഏറ്റെടുത്തു. ജനാധിപത്യ മൂല്യങ്ങളുടെ അന്തസത്ത ഉൾക്കൊണ്ടുകൊണ്ട് സ്കൂളിന്റെ ഉന്നമനത്തിനായി പ്രവർത്തിക്കുമെന്ന് ലീഡർമാർ രണ്ടുപേരും അസംബ്ലിയിൽ വച്ച് കുട്ടികൾക്ക് ഉറപ്പുനൽകി.

സ്വയമൊരുങ്ങാം സുരക്ഷയ്ക്കായി  

   അടിയന്തിര സാഹചര്യങ്ങളിൽ മനസ്സാന്നിധ്യത്തോടെ എങ്ങനെ നേരിടാം എന്നതിനെക്കുറിച്ച് കുട്ടികൾക്ക് പരിശീലനം നൽകാനായി കേരള അഗ്നി സുരക്ഷാസേന വിഭാഗത്തിൽ നിന്നുള്ള രാഹുൽ, ജീവൻ എന്നീ ഉദ്യോഗസ്ഥർ  8/8/2025 വെള്ളിയാഴ്ച സ്കൂളിൽ എത്തിച്ചേർന്നു. മിനി ഓഡിറ്റോറിയത്തിൽ വച്ച് നടന്ന ക്ലാസ്സിൽ സ്കൂൾ ഹെഡ്മിസ്ട്രസ് ബിന്ദു ടീച്ചർ ഉദ്യോഗസ്ഥരെ കുട്ടികൾക്ക് പരിചയപ്പെടുത്തി. അപ്രതീക്ഷിത സന്ദർഭങ്ങളിൽ ഉണ്ടായേക്കാവുന്ന അപകടങ്ങളെ എങ്ങനെ നേരിടാം, കുറഞ്ഞ സമയത്തിനുള്ളിൽ അപകടാവസ്ഥകളിൽ തരണം ചെയ്യാനുള്ള നടപടികളും കരുതലുകളും എന്തെല്ലാമാണ് എന്നതിനെപ്പറ്റി രാഹുൽ എന്ന ഉദ്യോഗസ്ഥൻ. അഗ്നിബാധ, തിക്കിലും തിരക്കിലും പെട്ടാൽ ഉണ്ടാകുന്ന, വെള്ളത്തിൽ മുങ്ങിയാൽ ഇവയിൽ നിന്നുള്ള രക്ഷാമാർഗ്ഗങ്ങൾ ഉദാഹരണസഹിതം കുട്ടികൾക്ക് പറഞ്ഞു കൊടുത്തു. ഫയർ എസ്റ്റിംഗുഷറിന്റെ പ്രവർത്തനരീതി വിശദീകരിച്ചു. വളരെ ലളിതമായ രീതിയിൽ കുട്ടികളോട് സംവദിച്ചായിരുന്നു ശ്രീ രാഹുൽ ക്ലാസ് എടുത്തത്. ചടങ്ങിൽ സ്കൂൾ ലീഡർ ദിയ എസ് നായർ സ്വാഗതവും ഡെപ്യൂട്ടി ലീഡർ വിഘ്നേഷ് കൃതജ്ഞതയും പറഞ്ഞു.

സംസ്കൃത ദിനം ആഘോഷിച്ചു

        ശ്രാവണ മാസത്തിലെ പൂർണ്ണ ചന്ദ്രദിനമായ ശ്രാവണപൂർണിമയിലാണ് സംസ്കൃത ദിനം ആഘോഷിക്കുന്നത് സംസ്കൃത ഭാഷ സ്വായത്തമാക്കുന്ന നമ്മുടെ വിദ്യാലയത്തിലെ കുട്ടികൾ അവർക്ക് ഭാഷയിലുള്ള പ്രാവീണ്യം പ്രകടമാക്കുന്നതിന് ഈ ദിനം പ്രയോജനപ്പെടുത്തി സ്മൃതി പരീക്ഷ, പ്രശ്നോത്തരി, വാചന സ്പർധ എന്നീ മത്സരങ്ങളിൽ പങ്കെടുത്ത് ഋതുപർണ്ണ ചന്ദ്രകാന്ത്, സുഭദ്രാ ദേവി ചന്ദ്രകാന്ത്, ആദിദേവ് എം.ആർ, ഭരത് രാജേഷ് എന്നിവർ വിജയികളായി. സംസ്കൃത ദിനം നമ്മുടെ കുട്ടികൾ ഒരു സുദിനമാക്കി

ഓണാഘോഷം കെങ്കേമമായി

                2025 ആഗസ്റ്റ് 27-ാം തീയതി വ്യാഴാഴ്ച സ്കൂളിൽ ഓണം കെങ്കേമമായി ആഘോഷിച്ചു. അക്കാഡമിക് കൗൺസിൽ ചെയർമാൻ സന്തോഷ് സാർ ഉത്ഘാടന കർമ്മം നിർവ്വഹിച്ചു സാർകുട്ടികൾക്ക് ചോദ്യോത്തരങ്ങളിലൂടെ ഓണത്തിൻ്റെ ചരിത്രം വ്യക്തമാക്കിക്കൊടുത്തു. പ്രധാനാധ്യാപിക ബിന്ദു ടീച്ചറും പി.ടി.എ പ്രസിഡൻ്റ് ശ്രീമതി ഗീതുവും കുട്ടികൾക്ക് ഓണാശംസകൾ നേർന്നു. വളരെ മനോഹരമായ അത്തപ്പൂക്കളങ്ങൾ സ്ക്കൂൾ അങ്കണത്തിൽ കുട്ടികൾ ഒരിക്കിയിരുന്നു വർണ്ണപ്പകിട്ടാർന്ന പരിപാടികൾ ഓണാഘോഷത്തിൻ്റെ മാറ്റു കൂട്ടി. ഉറിയടി, സുന്ദരിക്ക് പൊട്ട് കുത്തൽ, ലമൺ ആൻ്റ് സ്പൂൺ ഓട്ട മത്സരം ഇവയിലെല്ലാം കുട്ടികൾ ആവേശത്തോടെ പങ്കെടുത്തു വിജയികൾക്ക് സമ്മാനങ്ങളും നൽകി. വസുദേവം സംഘാടകയായ ശ്രീമതി പ്രിയ കുട്ടികൾക്ക് ഓണക്കിറ്റുകൾ നൽകുകയുണ്ടായി കലാൻ്റിയുടെ വിഭവ സമൃദ്ധമായ സദ്യ കുട്ടികൾക്കും അധ്യാപകർക്കും പി.ടി.എ പ്രതിനിധികൾക്കും മാനേജ്മെൻ്റ് ഭാരവാഹികൾക്കും വളരെയേറെ ആസ്വാദ്യകരമായിരുന്നു സദ്യക്ക് ശേഷം വടംവലി മത്സരം നടത്തി ജേതാകൾക്ക് സമ്മാന വിതരണം ചെയ്തതോടുകൂടി ഈ വർഷത്തെ ഓണാഘോഷത്തിന് സമാപനമായി