"രാജീവ് ഗാന്ധി മെമ്മോറിയൽ എച്ച്.എസ്.എസ്.മൊകേരി/സ്കൂൾ:ഓർമ്മകൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

==സ്കൂൾ:ഓർമ്മകൾ  ----    പൂർവ്വ വിദ്യാർത്ഥികൾ==

എത്ര വർഷങ്ങൾക്കു ശേഷമാണ് ഞാൻ വല്ലതും എഴുതുന്നത്...ഒന്ന് റൊമാന്റിക്കാവുന്നത് ! ഹൈസ്കൂളിൽ പഠിക്കുമ്പോൾ മാത്രമാണ് ഞാൻ കാർട്ടൂൺ വരച്ചിരുന്നത് ;സാഹിത്യോത്സവങ്ങളിൽ സമ്മാനം വാങ്ങിയിരുന്നത്.എൽ.പി.സ്കൂൾ തൊട്ട് Msc.വരെ ഉയർന്ന മാർക്കേ കിട്ടിയിട്ടുള്ളൂ.പക്ഷെ എന്റെ ഉള്ളിലെ കാർട്ടൂണിസ്റ്റും കഥാകൃത്തും കവിയും ഉണർന്നിരുന്ന മൂന്നു വർഷങ്ങളേ ഉള്ളൂ.ഇവരൊക്കെ ഉറങ്ങിയിട്ട് വർഷം എട്ട് കഴിഞ്ഞു.എന്തായിരുന്നു എന്റെ ഹൈസ്കൂൾ എനിക്ക് തന്നിരുന്നത്,ഒരു പക്ഷെ അദൃശ്യ ഊർജ്ജപ്രവാഹം...അദ്ധ്യാപകരിൽ,കെട്ടിടങ്ങളിൽ,ബെഞ്ചുകളിൽ,

ഡെസ്ക്കുകളിൽ,ചോക്കുകഷ്ണങ്ങളിൽ... ജനുവരിയിൽ അവിടുത്തെ പുൽനാമ്പുകളിൽ സൂര്യകിരണങ്ങളേറ്റ് തിളങ്ങിയ മഞ്ഞുതുള്ളികൾ! അതെനിക്ക് നഷ്ട്ടമായിട്ട് വർഷം എട്ടാകുന്നു....<br>

ഓരോ മഴകാലവും ഒരു ഓർമ്മപ്പെടുത്തലാണ്... മഴയുടെ കൂടെ നിന്നും പുഴയുടെ കൂടെ കളിച്ചും ഗൃഹപാഠം ചെയ്യാൻ മറന്ന് വാങ്ങുന്ന തല്ലിന്റെയും ഓർമ്മകൾ മായില്ല.രണ്ടാമത്തെ ബാച്ചിലെ അവസാനത്തെ വിദ്യാർത്ഥിയായി ചേർന്ന് VIII-Gയിൽ നിന്നും X-Aയിൽ അവസാനിച്ച യാത്ര... വഴിയിൽ തണൽ മരങ്ങളായി നിന്ന അദ്ധ്യാപകർ... കൂടെ നടന്നവർ സൗഹൃദത്തിന്റെ പുതിയ വാതിലുകൾ തുറക്കുകയായിരുന്നു.മതിയാവോളം ആസ്വദിച്ചില്ല എന്നൊരു കുറ്റബോധം ഇന്നുണ്ട്.കാലത്തിന് തിരിഞ്ഞുനടക്കാൻ കഴിയില്ലല്ലോ...കുത്തിക്കുറിച്ചിട് വരികൾ കവിതകളാക്കുന്ന മായാജാലം ഞാൻ കണ്ടു.കയ്യെഴുത്തു മാസികയിൽ പുതിയൊരു 'ഞാൻ' രൂപപ്പെട്ടു.ആത്മാർത്ഥതയുടെ,സേവനത്തിന്റെ പുതിയൊരു ഭാഷ ഞാൻ പഠിച്ചു... അക്ഷരങ്ങളുടെ കരുത്തിനേക്കാൾ അതിനെ ഞാൻ മതിക്കുന്നു... “സംസ്കാരമാത്രജന്യം ജ്ഞാനം സ്മൃതിഃ"വഴി പിരിഞ്ഞു പോയവർ എന്നെങ്കിലും ഒത്തു ചേരും... പ്രായം നൽകിയ പക്വതയുമായി... ഓർമ്മകളുടെ  തിരിതെളിയിക്കാൻ...<br>

<!--visbot  verified-chils->