ലിറ്റിൽ കൈറ്റ്സ്. 2025-'28 ബാച്ചിലേക്കുള്ള അഭിരുചി പരീക്ഷ വിജയകരമായി പൂർത്തിയാക്കി.
പരീക്ഷക്ക് മുന്നോടിയായി ലിറ്റിൽകൈറ്റ്സ് അഭിരുചി മോഡൽ പരീക്ഷയും കുട്ടികളെ പരിശീലിപ്പിച്ചിരുന്നു. പരീക്ഷയ്ക്ക് ആവശ്യമായ സോഫ്റ്റ്വെയർ ഇൻസ്റ്റോൾ ചെയ്യുന്നതിനും റിസൾട്ട് അപ്ലോഡ് ചെയ്യുന്നതിനുമായി ലിറ്റിൽ കൈറ്റ്സ് വിദ്യാർത്ഥികൾ കൈറ്റ് മാസ്റ്റേഴ്സിന് സഹായമായി.
സോഫ്റ്റ്വെയർ വഴി കമ്പ്യൂട്ടറിൽ നടത്തിയ ഈ പരീക്ഷ 30 മിനിറ്റ് ദൈർഘ്യമുള്ളതും 20 ചോദ്യങ്ങൾ ഉൾക്കൊള്ളുന്നതുമായിരുന്നു. ലോജിക് ആൻഡ് റീസണിംഗ്, പ്രോഗ്രാമിംഗ് വിഭാഗം, 5, 6, 7 ക്ലാസ്സുകളിലെ ഐ.സി.ടി പാഠപുസ്തകങ്ങൾ, ഐ.ടി. പൊതുവിജ്ഞാനം എന്നിവയെ അടിസ്ഥാനമാക്കിയുള്ള ചോദ്യങ്ങളാണ് പരീക്ഷയിൽ ഉൾപ്പെട്ടിരുന്നത്.
2024-'27 ബാച്ച് ലിറ്റിൽ കൈറ്റ്സ് കുട്ടികൾക്ക് വേണ്ടി 30/05/2025 ന് സംഘടിപ്പിച്ച ഏകദിന അവധിക്കാല ക്യാമ്പ് (സ്കൂൾ ലെവൽ -ഫേസ് 1) രാവിലെ 10:00 മണിക്ക് ആരംഭിച്ചു. ജി. ബി. എച്ച്. എസ്. എസ്, തിരൂർ സ്കൂളിലെ കൈറ്റ് മിസ്ട്രസ് വിദ്യാലക്ഷ്മി ( എക്സ്റ്റേണൽ ആർ പി ) ടീച്ചർ ക്യാമ്പ് ഉദ്ഘാടനം ചെയ്തു, ടീച്ചറുടെ നേതൃത്വത്തിൽ തന്നെ ക്യാമ്പ് നടന്നു .ഉദ്ഘാടന പരിപാടിയിൽ എസ്.ഐ.ടി.സി വിനു കുമാർ ,കൈറ്റ് മിസ്ട്രസ് ബിന്ദു പി ബി ( ഇന്റേണൽ ആർ.പി) എന്നിവർ സംസാരിച്ചു. വിവരസാങ്കേതിക മേഖലയിൽ നമ്മുടെ കുട്ടികൾക്ക് ഒരു വേറിട്ട അനുഭവമാണ് ഈ അവധിക്കാല ക്യാമ്പ് സമ്മാനിച്ചത്. ക്യാമ്പിലെ റീൽസ് നിർമ്മാണം,സ്പോർട്സ് പ്രോമോ വീഡിയോ നിർമ്മാണം ഇതൊക്കെ കുട്ടികൾക്ക് സന്തോഷപ്രദമായ ഒരു അനുഭവമായിരുന്നു. 39 ലിറ്റിൽ കൈറ്റ്സ് അംഗങ്ങൾ ക്യാമ്പിൽ പങ്കെടുത്തു. വൈകുന്നേരം നാലുമണിയോടുകൂടി ക്യാമ്പ് വളരെ ഭംഗിയായി പരിസമാപിച്ചു.
2
സ്കൂൾ ലെവൽ -ഫേസ് 2
2024-'27 ബാച്ച് ലിറ്റിൽ കൈറ്റ്സ് കുട്ടികൾക്ക് വേണ്ടി 31/10/2025 ന് സംഘടിപ്പിച്ച ഏകദിന ക്യാമ്പ് (സ്കൂൾ ലെവൽ -ഫേസ് 2) രാവിലെ 10:00 മണിക്ക് ആരംഭിച്ചു.
M M M H S S Koottayi സ്കൂളിലെ കൈറ്റ് മാസ്റ്റർ ഷഫീഖ് ( എക്സ്റ്റേണൽ ആർ പി ) സാറിന്റെ നേതൃത്വത്തിൽ ക്യാമ്പ് നടന്നു .ഹെഡ് മാസ്റ്റർ ഫൗസി സർ ക്യാമ്പ് ഉദ്ഘാടനം ചെയ്തു.
വിവരസാങ്കേതിക മേഖലയിൽ നമ്മുടെ കുട്ടികൾക്ക് ഒരു വേറിട്ട അനുഭവമാണ് ഈ ക്യാമ്പ് സമ്മാനിച്ചത്. Scratch, opentoonz ഈ രണ്ടുസോഫ്റ്റ്വെയറുകളാണ് കുട്ടികൾ പരിചയപ്പെട്ടത്. സന്തോഷപ്രദമായ ഒരു അനുഭവമായിരുന്നു കുട്ടികൾക്ക് scratch പ്രോഗ്രാം ഉപയോഗിച്ച് ഗെയിം ഉണ്ടാക്കിയതും opentoonz ഉപയോഗിച്ച് ആനിമേഷൻ ചെയ്തു. 38ലിറ്റിൽ കൈറ്റ്സ് അംഗങ്ങൾ ക്യാമ്പിൽ പങ്കെടുത്തു. വൈകുന്നേരം നാലുമണിയോടുകൂടി ക്യാമ്പ് വളരെ ഭംഗിയായി പരിസമാപിച്ചു.
അക്കാദമികവർഷം 2025-'27 ലേക്ക് പുതിയതായി സ്കൂളിലേക്ക് എത്തുന്ന കുട്ടികൾക്ക് വേണ്ടി പ്ലസ് വൺ ആപ്ലിക്കേഷൻ ഹെൽപ്പ് ഡെസ്ക് (15/05/2025) സംഘടിപ്പിച്ചു.
ജി.എച്ച്.എസ്.എസ് പുറത്തൂർ, തിരൂർ, മലപ്പുറം ലിറ്റിൽ കൈറ്റ്സ് (LK/2018/19062) അംഗങ്ങൾ ബഡ്സ് സ്കൂൾ വിദ്യാർത്ഥികൾക്കായി കമ്പ്യൂട്ടർ പരിശീലനവും ഓണാഘോഷ പരിപാടികളും (27/08/2025) സംഘടിപ്പിച്ചു.
ലിറ്റിൽ കൈറ്റ്സ് ടീം GHSS പുറത്തൂർ ബഡ്സ് സ്കൂൾ വിദ്യാർത്ഥികൾക്ക് സമ്മാനിച്ചത് ഓർമയിൽ സൂക്ഷിക്കാൻ നല്ലൊരു ദിവസം. ലാപ് ടോപ് ഉപയോഗം കുട്ടികളെ പരിചയപ്പെടുത്തൽ എന്നതായിരുന്നു പ്രധാന അജണ്ട.. അത് കുട്ടികൾ നന്നായി ആസ്വദിച്ചു. വീടുകളിൽ...കുടുംബവീടുകളിൽ..ഇത്തരം ഉപകരണങ്ങളിൽ നിന്നും ഒരു നിശ്ചിത അകലം പാലിക്കാനാണ് ഇവരെ പഠിപ്പിച്ചു വച്ചിരിക്കുന്നത്. ഇവർ അത് കേടാക്കും എന്ന മുൻധാരണ...എന്നാൽ ഇത് ആകെ മാറ്റി,... നമ്മുടെ ടീം GHSS. ലാപ് ടോപ് ഒന്ന് തൊടാൻ കഴിഞ്ഞതിന്റെ... മൗസ് ക്ലിക്ക് ചെയ്യാൻ കഴിഞ്ഞതിന്റെ... സ്വന്തം പേര് സ്വയം ടൈപ്പ് ചെയ്തു സ്ക്രീനിൽ കണ്ടതിന്റെ.. എല്ലാ അത്ഭുതവും സന്തോഷവും അവരുടെ കണ്ണുകളിൽ തിളങ്ങി. ഓണക്കളിയും, പൂക്കളവും, ഓണസമ്മാനവും, പായസവും അതിന്റെ മാറ്റു കൂട്ടി. കുറഞ്ഞ സമയത്തിൽ വ്യക്തമായ ഒരുക്കത്തോടെ കൃത്യമായി പരിപാടി നടത്തിയതിനു അധ്യാപകരോട് പ്രത്യേകം സ്നേഹം അറിയിക്കുന്നു. ഈ മക്കളെ ചേർത്തു പിടിച്ച വിദ്യാർത്ഥികൾ തന്നെയാണ് പ്രോഗ്രാമിന്റെ "ഹൈലൈറ്റ് "നിലവിൽ ഒരുപാട് മാറ്റങ്ങൾ ഇത്തരം കുട്ടികളോടുള്ള പെരുമാറ്റത്തിൽ സമൂഹത്തിൽ വന്നിട്ടുണ്ടെങ്കിലും പലരും സഹതാപത്തിന്റെ കണ്ണുകളിലൂടെയാണ് ഇവരെ കാണാറ്. എന്നാൽ ലിറ്റിൽ കൈറ്റ്സ് അംഗങ്ങൾ തങ്ങളിൽ ഒരാളായി ഓരോരുത്തരെയും ചേർത്തു പിടിച്ചു.... അവരുടെ മനസ്സറിഞ്ഞു.. അവരുടെ വിരലുകളായി... മൗസ് ചലിപ്പിച്ചു... ഇത്തരം ചേർത്തുപിടിക്കലുകൾ ആണ് ഇവർക്കാവശ്യം... ഇങ്ങനെയുള്ള ഒരു പരിപാടി കൈറ്റ് മെന്റ്റേഴ്സിനും ലിറ്റിൽ കേസ് അംഗങ്ങളായ വിദ്യാർത്ഥികൾക്കും കൂടുതൽ ആത്മവിശ്വാസവും പ്രേരണയും നൽകി
ലിറ്റിൽ കൈറ്റ്സ് അംഗങ്ങൾ ബഡ്സ് സ്കൂളിൽ ഓണാഘോഷ പരിപാടികളും കമ്പ്യൂട്ടർ പരിശീലനവും നൽകിയപ്പോൾ
ഫ്രീഡം ഫെസ്റ്റ് 
ഡിജിറ്റൽ മാഗസിൻ 
റൂട്ടീൻ ക്ലാസ് (2025-'26)
.jpg)
.jpg)