ജി.എച്ച്. എസ്സ്.എസ്സ് കൊടുവള്ളി/ഹരിതവിദ്യാലയം വിദ്യാഭ്യാസ റിയാലിറ്റി ഷോ സീസൺ ഫോർ
ഹരിത വിദ്യാലയം റിയാലിറ്റി ഷോയിൽ ജിഎച്ച്എസ്എസ് കൊടുവള്ളി.
കൊടുവള്ളി:പൊതുവിദ്യാഭ്യാസ മേഖലയിലെ മികവുകൾ ഉയർത്തിക്കാട്ടുന്ന 85 വിദ്യാലയങ്ങളുടെ ലിസ്റ്റിൽ ജിഎച്ച്എസ്എസ് കൊടുവള്ളിയും ഇടം നേടി. കേരള ഗവൺമെന്റിന്റെ കീഴിലുള്ള കൈറ്റ് ന്റെ നേതൃത്വത്തിൽ നടത്തുന്ന ഹരിത വിദ്യാലയം റിയാലിറ്റി ഷോയുടെ നാലാം എഡിഷന്റെ പ്രാഥമിക പട്ടികയിൽ ഗവൺമെൻറ് ഹയർ സെക്കൻഡറി സ്കൂൾ കൊടുവള്ളി തെരഞ്ഞെടുക്കപ്പെട്ടു. പാഠ്യപാഠേതര പ്രവർത്തനങ്ങളുടെ മികവുകളും നൂതന സാങ്കേതികവിദ്യകളുടെ പ്രവർത്തനങ്ങളും സാമൂഹിക പ്രവർത്തനങ്ങളുമാണ് ഈ വലിയ അംഗീകാരത്തിന് തെരഞ്ഞെടുക്കാൻ കാരണമായത് . മികച്ച ലൈബ്രറി ,ലാബുകൾ, റോബോട്ടിക്സ് ഇലക്ട്രോണിക്സ് ത്രീ ഡി പ്രിൻറിങ്ങ് പരിശീലനം നൽകുന്ന അടൽ ടിക്ങറിങ് ലാബ്, മെഷീൻ ലേർണിംഗ് ,വെർച്ചൽ റിയാലിറ്റി ഐ ഒ ടി തുടങ്ങിയ സാങ്കേതികവിദ്യയിൽ പരിശീലനം നൽകുന്ന ആർട്ടിഫിഷ്യൽ ഇൻറലിജൻസ് ലാബ് കരകൗശല വസ്തുക്കളിൽ കുട്ടികൾക്ക് താൽപര്യം ജനിപ്പിക്കുന്ന ക്രിയേറ്റീവ് കോർണർ അന്തരീക്ഷത്തിലെ ഓരോ സ്പന്ദനവും തിരിച്ചറിയുന്ന വെതർ സ്റ്റേഷൻ, ജൈവ മാലിന്യങ്ങൾ സംസ്കരിക്കുന്ന തുമ്പൂർ കുഴി, സ്കൂളിന് ആവശ്യമായ വൈദ്യുതി നിർമ്മിക്കാൻ സഹായിക്കുന്ന സോളാർ പാനൽ എന്നിവയെല്ലാം സ്കൂളിൻറെ വേറിട്ട മികവുകളാണ് . അയൽപക്ക വിദ്യാർത്ഥികൾക്കുള്ള റോബോട്ടിക് പരിശീലനം ., കൊടുവള്ളി സബ് ജില്ലയിലെ സയൻസ് ടീച്ചേഴ്സിനുള്ള ഇലക്ട്രോണിക്സ് റോബോട്ടിക്സ് പരിശീലനം കാലിക്കറ്റ് യൂണിവേഴ്സിറ്റി, എൻ ഐ ടി കോഴിക്കോട് എന്നിവയുമായി സഹകരിച്ചു കൊണ്ടുള്ള സ്കൂളിലെ പ്രവർത്തനങ്ങൾ ,അനിയത്തിക്ക് ഒരു വീട് പദ്ധതി, ഭിന്നശേഷി വിദ്യാർത്ഥികളുടെ ഉന്നമനത്തിന് വേണ്ടി ചെയ്യുന്ന പ്രവർത്ത തുടങ്ങിയ മികച്ച പ്രവർത്തനങ്ങൾ സ്കൂളിൻറെ മുൻനിരയിലേക്ക് എത്തിച്ചു. ദേശീയ തരത്തിൽ നടത്തുന്ന സ്കൂൾ ഇന്നവേഷൻ മാരത്തണൺ, എടിഎൽ മാരത്തൺ എന്നിവയിലും കേരള ഡെവലപ്മെന്റ് ഇന്നവേഷൻ കൗൺസിലിന്റെ കീഴിലുള്ള വൈ ഐ പി യിലും തുടർച്ചയായിട്ട് വിദ്യാർത്ഥികൾക്ക് ഉണ്ടാകുന്ന വിജയം എടുത്ത് പറയാവുന്നതാണ് ദേശീയതലത്തിലും സംസ്ഥാനതലത്തിലും കായികമേളയിലും സ്കൂളിൽ ഉണ്ടായ നേട്ടം സ്കൂളിനെ മികവുറ്റതാക്കി . ഹയർസെക്കൻഡറി പ്രിൻസിപ്പാൾ രഞ്ജിത്ത് .ഹെഡ്മാസ്റ്റർ മുഹമ്മദ് മുസ്തഫ , പിടിഎ പ്രസിഡണ്ട് അബ്ദുറഷീദ്, എസ് എം സി ചെയർമാൻ മുഹമ്മദ് കുണ്ടുങ്ങര സ്കൂളിലെ മികച്ച പ്രവർത്തനങ്ങൾക്ക് നേതൃത്വം നൽകുന്നു.
ഹരിതവിദ്യാലയം വിദ്യാഭ്യാസ റിയാലിറ്റി ഷോ സീസൺ ഫോർ(02/01/26)
കേരളത്തിലെ പൊതുവിദ്യാഭ്യാസ മേഖലയിലെ മികവുകൾ രാജ്യത്തിന് മുന്നിൽ അവതരിപ്പിക്കുന്നതിനായി കൈറ്റ് സംഘടിപ്പിക്കുന്ന ഹരിത വിദ്യാലയം വിദ്യാഭ്യാസ റിയാലിറ്റി ഷോയുടെ നാലാം എഡിഷനിൽ ജിഎച്ച്എസ്എസ് കൊടുവള്ളി സ്കൂൾ പങ്കെടുത്തു. 2026 ജനുവരി രണ്ടിന് തിരുവനന്തപുരത്തുള്ള കൈറ്റ് സ്റ്റുഡിയോയിൽ വച്ചാണ് പരിപാടിയുടെ ചിത്രീകരണം നടന്നത്. സ്കൂളിൽ നിന്നും എട്ടു കുട്ടികളും സ്കൂൾ പ്രധാനാധ്യാപകൻ മുഹമ്മദ് മുസ്തഫ സാർ പിടിഎ പ്രസിഡണ്ട് ആർ വി അബ്ദുൽ റഷീദ്, ലിറ്റിൽ കൈറ്റ്സ് മെന്റർ ഫിർദൗസ് ബാനു കെ എന്നിവരാണ് പരിപാടിയിൽ പങ്കെടുത്തത്. ലിറ്റിൽ കൈറ്റ്സ് വിദ്യാർത്ഥികളായ ജാസിബ് എം എം, മുഹമ്മദ് അഅസ്മിൽ, എസ് പി സി വിദ്യാർത്ഥികളായ ലജു, ലയ, മാനുഷിക യുപി വിഭാഗം വിദ്യാർത്ഥികളായ ആയിഷ അജുവ ,ദേവകൃപഎന്നിവരും പങ്കെടുത്തു. സ്കൂളിന്റെ പുരോഗതിയും വൈവിധ്യമാർന്ന പ്രവർത്തനങ്ങളും റിയാലിറ്റി ഷോയിൽ അവതരിപ്പിക്കാൻ കുട്ടികൾക്ക് സാധിച്ചു. പ്രശസ്ത വിദ്യാഭ്യാസ വിദഗ്ധരായ ഡോക്ടർ രതീഷ് കാളിയാടൻ ഡോക്ടർ എം പി നാരായണനു ണ്ണി, ഡോക്ടർ പിയൂഷ് ആന്റണി എന്നിവരുടെ നേതൃത്വത്തിലുള്ള പാനലാണ് വിദ്യാർത്ഥികളും ആയി സംസാരിച്ചത് .തങ്ങളുടെ സ്കൂളിന്റെ പ്രത്യേകതകൾ ഇതേപോലെ ഒരു വലിയ വേദിയിൽ അവതരിപ്പിക്കാൻ കഴിഞ്ഞത് കുട്ടികൾക്ക് വളരെ വലിയ ആവേശമായി.
||
ഹരിത വിദ്യാലയം റിയാലിറ്റി ഷോ: ജി.എച്ച്.എസ്.എസ് കൊടുവള്ളിയുടെ പ്രകടനം നാടിന് അഭിമാനമായി; (31/01/26)
ബസ് സ്റ്റാൻഡിൽ തത്സമയ പ്രദർശനം
കൊടുവള്ളി: ഹരിത വിദ്യാലയം റിയാലിറ്റി ഷോ സീസൺ നാലിലെ 45-ാം എപ്പിസോഡിൽ ജി.എച്ച്.എസ്.എസ് കൊടുവള്ളി നടത്തിയ മികച്ച അവതരണം നാടിനും നാട്ടുകാർക്കും വിസ്മയമായി. സ്കൂളിന്റെ അഭിമാനകരമായ പ്രകടനം കൈറ്റ് വിക്ടേഴ്സ് ചാനലിലൂടെ സംപ്രേക്ഷണം ചെയ്തപ്പോൾ, അത് കൊടുവള്ളി ബസ് സ്റ്റാൻഡിൽ വെച്ച് ബിഗ് സ്ക്രീനിൽ പ്രദർശിപ്പിച്ചു. കൊടുവള്ളി ദേശത്തെ ജനങ്ങളും രക്ഷിതാക്കളും വിദ്യാർത്ഥികളും അടങ്ങുന്ന വൻ സദസ്സ് പരിപാടി വീക്ഷിക്കാൻ എത്തിച്ചേർന്നിരുന്നു. പൊതുവിദ്യാലയങ്ങളിൽ മികവുറ്റ പ്രവർത്തനങ്ങൾ നടത്തുന്ന സ്കൂളുകൾ മാറ്റുരയ്ക്കുന്ന വേദിയാണ് ഹരിത വിദ്യാലയം റിയാലിറ്റി ഷോ. തിരുവനന്തപുരത്ത് വെച്ച് നടന്ന ഈ പരിപാടിയിൽ സ്കൂളിനെ പ്രതിനിധീകരിച്ച് എട്ട് വിദ്യാർത്ഥികളും ഹെഡ്മാസ്റ്ററും പി.ടി.എ പ്രസിഡന്റും രണ്ട് അധ്യാപകരും അടങ്ങുന്ന സംഘമാണ് പങ്കെടുത്തത്.കൊടുവള്ളി ബസ് സ്റ്റാൻഡിൽ സംഘടിപ്പിച്ച പ്രദർശന പരിപാടിയുടെ ഉദ്ഘാടനം കൊടുവള്ളി മുനിസിപ്പാലിറ്റി വൈസ് ചെയർമാൻ യു.കെ ഖാദർ നിർവഹിച്ചു. എസ്.എം.സി ചെയർമാൻ മുഹമ്മദ് കുണ്ടുങ്ങര, പി.ടി.എ പ്രസിഡണ്ട് അബ്ദുൽ റഷീദ്, ഹെഡ്മാസ്റ്റർ മുഹമ്മദ് മുസ്തഫ, ഹരിത വിദ്യാലയം കൺവീനർമാരായ ഫിർദൗസ് ബാനു, അബ്ദുറഹ്മാൻ എന്നിവർ ചടങ്ങിൽ സംസാരിച്ചു. സ്കൂളിലെ മുഴുവൻ അധ്യാപകരും പി.ടി.എ എക്സിക്യൂട്ടീവ് അംഗങ്ങളും പരിപാടിയിൽ പങ്കെടുത്തു. തുടർന്ന് ജി.എം.എൽ.പി.എസ് പറമ്പത്ത് കാവ് സ്കൂളിലെ വാർഷികാഘോഷ വേദിയിലും ഈ എപ്പിസോഡിന്റെ പ്രദർശനം നടന്നു.
വീഡിയോ കാണാൻ ഇവിടെ ക്ലിക് ചെയ്യുക
