ജി.ആർ.എച്ച്.എസ്.എസ്. കോട്ടക്കൽ/ലിറ്റിൽകൈറ്റ്സ്/2024-27
2024-27 ബാച്ചിന്റെ പ്രവർത്തനങ്ങൾ
ഇൻസ്റ്റലേഷൻ ഫെസ്റ്റ്
28/03/2025
കോട്ടക്കൽ ഗവണ്മെന്റ് രാജാസ് ഹയർ സെക്കന്ററി സ്കൂളിൽ ലിറ്റിൽ കൈറ്റ്സ് ക്ലബ്ബിന്റെ നേതൃത്വത്തിൽ 11 ക്ലബ് അംഗങ്ങൾ സ്കൂളിലെ കമ്പ്യൂട്ടറുകളിൽ പുതിയ വേർഷൻ ഉബുണ്ടു ഒ എസ് ഇൻസ്റ്റാൾ ചെയ്തു.ഹെഡ്മാസ്റ്റർ എം. വി രാജൻ ക്യാമ്പ് ഉദ്ഘാടനം ചെയ്തു. ലസിത കെ, സമീർബാബു എ, സലീന പി, പ്രമോദ് എ എന്നിവർ ക്യാമ്പിന് നേതൃത്വം നൽകി.
 |
 |
ക്ലിക്ക് 2025 ക്യാമറ പരിശീലനമൊരുക്കി ലിറ്റിൽ കൈറ്റ്സ്.
29/05/2025
കോട്ടക്കൽ ഗവണ്മെന്റ് രാജാസ് ഹയർ സെക്കന്ററി സ്കൂളിൽ ലിറ്റിൽ കൈറ്റ്സ് ക്ലബ്ബിന്റെ കീഴിൽ ഏകദിന ക്യാമറ പരിശീലന പരിപാടി സംഘടിപ്പിച്ചു. റീൽ, പ്രമോ വീഡിയോ, വീഡിയോ എഡിറ്റിങ് തുടങ്ങിയവയുടെ വിവിധ ഘട്ടങ്ങൾ പരിചയപ്പെടാൻ കുട്ടികൾക്ക് അവസരം ലഭിച്ചു. ഹെഡ്മാസ്റ്റർ എം. വി രാജൻ ക്യാമ്പ് ഉദ്ഘാടനം ചെയ്തു. കൈറ്റ് മാസ്റ്റർ സമീർ ബാബു എ സ്വാഗതവും കൈറ്റ്മിസ്ട്രെസ് ലസിത കെ നന്ദിയും പറഞ്ഞു. ഡെപ്യൂട്ടി ഹെഡ് മിസ്ട്രെസ് ബീന. കെ, സ്റ്റാഫ് സെക്രട്ടറി സജിൽ കുമാർ ടി വി, വിജയഭേരി കൺവീനർ അനിത്കുമാർ ആർ, എസ്. ഐ. ടി.സി ജയശ്രീ. എസ് എന്നിവർ ആശംസകൾ അർപ്പിച്ചു സംസാരിച്ചു.
 |
 |
|---|---|
 |
 |
ലോക പരിസ്ഥിതി ദിനം
05/06/2025
ലിറ്റിൽ കൈറ്റ്സ് ക്ലബ്ബിന്റെ കീഴിൽ സ്കൂൾ പരിസരങ്ങളിൽ ഫലവൃക്ഷ തൈകൾ നട്ടു.ഹെഡ്മിസ്ട്രെസ്സ് ബബിത പി ജെ ഉദ്ഘാടനം നിർവഹിച്ചു. കൈറ്റ് മാസ്റ്റർ സമീർ ബാബു എ, മിസ്ട്രെസ് ലസിത കെ എന്നിവർ പരിപാടിക്ക് നേതൃത്വം നൽകി.
അഭിരുചി പരീക്ഷയുടെ മോഡൽ പരീക്ഷ
19/06/2025
LK Aptitude test Model എട്ടാം ക്ലാസുകളിലെ കുട്ടികൾക്ക് പരിചയപ്പെടുത്തി.മോഡൽ പരീക്ഷയുടെ പ്രചരണാർത്ഥം ഒൻപതാം ക്ലാസിലെ ലിറ്റിൽ കൈറ്റ്സ് അംഗങ്ങൾ എട്ടാം ക്ലാസുകൾ സന്ദർശിക്കുകയും കുട്ടികളുടെ സംശയങ്ങൾക്ക് മറുപടി നൽകുകയും ചെയ്തു.കൈറ്റ് മാസ്റ്റർ സമീർ ബാബു എ, മിസ്ട്രെസ്സ് ലസിത കെ എന്നിവർ നേതൃത്വം നൽകി.
ലിറ്റിൽകൈറ്റ്സ് ,ഐ ടി ക്ലബ് ചുമതല വഹിക്കുന്ന അധ്യാപകർക്കുള്ള ഏകദിന ശില്പശാല
21/06/2025
പൊതുവിദ്യാഭ്യാസ സംരക്ഷണത്തിന്റെ ഭാഗമായി ഹൈസ്കൂൾ ക്ലാസുകളിൽ പ്രവർത്തിച്ചു വരുന്ന ലിറ്റിൽകൈറ്റ്സ് ഐ ടി ക്ലബ് ചുമതല വഹിക്കുന്ന അധ്യാപകർക്കുള്ള ഏകദിന ശില്പശാല കോട്ടക്കൽ ഗവ. രാജാസ് ഹയർ സെക്കണ്ടറി സ്കൂളിൽ വെച്ച് നടന്നു.
ജില്ലയിലെ വിദ്യാലയങ്ങളിലെ നാനൂറോളം അധ്യാപകർ ശില്പശാലയിൽ പങ്കെടുത്തു.ലിറ്റൽ കൈറ്റ്സ് അംഗങ്ങൾക്ക് പ്രോഗ്രാമിന്റെ രെജിസ്ട്രേഷൻ, ഡോക്യൂമെന്റഷൻ ഉൾപ്പെടെയുള്ള വിവിധ ഘട്ടങ്ങളിൽ പങ്കാളി കളാകാൻ കഴിഞ്ഞത് കുട്ടികൾക്ക് ഒരു പുതിയ അനുഭവമായി.
AI & Robotics വർക്ക്ഷോപ്പ് സംഘടിപ്പിച്ചു
11/10/2025
ഒൻപതാം ക്ലാസ് ലിറ്റിൽ കൈറ്റ്സ് വിദ്യാർത്ഥികൾക്ക് AI & Robotics വർക്ക്ഷോപ്പ് സംഘടിപ്പിച്ചു.
 |
 |
|---|---|
 |
 |
ലിറ്റിൽ കൈറ്റ്സ് ഡയറി വിതരണ ഉദ്ഘാടനം
ലിറ്റിൽ കൈറ്റ്സ് ഡയറി വിതരണ ഉദ്ഘാടനം ഹെഡ്മിസ്ട്രെസ് പി ജെ ബബിത നിർവഹിച്ചു.കൈറ്റ് മെന്റർ മാരായ എ സമീർ ബാബു സ്വാഗതവും കെ ലസിത നന്ദിയും പറഞ്ഞു. ഡെപ്യൂട്ടി ഹെഡ് മിസ്ട്രെസ് കെ ബീന, സ്റ്റാഫ് സെക്രട്ടറി ടി വി സജിൽ കുമാർ , എസ് ആർ ജി കൺവീനർ പി ഗിരീഷ്, എസ്. ഐ. ടി.സി എസ് ജയശ്രീ എന്നിവർ ആശംസകൾ അർപ്പിച്ചു സംസാരിച്ചു.
രണ്ടാം ഘട്ട സ്കൂൾതല ക്യാമ്പ്
ഒൻപതാം ക്ലാസ് ലിറ്റിൽ കൈറ്റ്സ് അംഗങ്ങൾക്കുള്ള രണ്ടാം ഘട്ട സ്കൂൾതല ക്യാമ്പ് 25/10/2025 ശനിയാഴ്ച രാവിലെ 9.30 മുതൽ വൈകുന്നേരം 4 മണി വരെ ഹൈ സ്കൂൾ കമ്പ്യൂട്ടർ ലാബിൽ വെച്ച് സംഘടിപ്പിച്ചു.
 |
 |
 |
ചീഫ് മിനിസ്റ്റേഴ്സ് ട്രോഫി ഘോഷയാത്രക്ക് സ്വീകരണം
17/10/2025
കേരള സ്കൂൾ കായികമേള 2025
ചീഫ് മിനിസ്റ്റേഴ്സ് ട്രോഫി ഘോഷയാത്രക്ക് സ്വീകരണം - വീഡിയോ ഡോക്യൂമെന്റഷൻ തയ്യാറാക്കിയത് ലിറ്റിൽ കൈറ്റ്സ്
 |
 |
 |
സൈബർ സുരക്ഷ ബോധവൽക്കരണ ക്ലാസ്
13/01/2026
കോട്ടക്കൽ ഗവൺമെന്റ് രാജാസ് ഹയർ സെക്കൻഡറി സ്കൂളിൽ ലിറ്റിൽ കൈറ്റ്സ് ക്ലബ്ബ് സൈബർ സുരക്ഷ ബോധവൽക്കരണ ക്ലാസ് നടത്തി. കുട്ടികളുടെ മൊബൈൽ ഫോൺ ഉപയോഗവുമായി ബന്ധപ്പെട്ട് രക്ഷിതാക്കളിൽ നിന്നും ശേഖരിക്കുന്ന വിവരശേഖരണ ഫോർമാറ്റിന്റെ വിതരണ ഉദ്ഘാടനം ഹെഡ്മിസ്ട്രസ് പി ജെ ബബിത നിർവഹിച്ചു.
 |
 |
|---|---|
 |
 |
ബ്ലോക്ക് കോഡിങ് പരിശീലന പരിപാടിയുമായി രാജാസ് ലിറ്റിൽ കൈറ്റ്സ്
27/01/2026
കോട്ടക്കൽ ഗവൺമെന്റ് രാജാസ് ഹയർ സെക്കന്ററി സ്കൂളിലെ ഒൻപതാം ക്ലാസ് ലിറ്റിൽ കൈറ്റ്സ് അംഗങ്ങൾ എ എൽ പി എസ് തോക്കാമ്പാറയിലെ നാലാം ക്ലാസ് വിദ്യാർഥികൾക്ക് ബ്ലോക്ക് കോഡിങ്, ആനിമേഷൻ പരിശീലനം നൽകി. ആർഡിനോ കിറ്റുകളുടെ സഹായത്താൽ ബ്ലോക്ക് കോഡിങ് നൽകി എൽ ഇ ഡി ബൾബുകൾ സമയ ക്രമീകരണം വഴി പ്രവർത്തിപ്പിക്കാൻ കഴിഞ്ഞത് കുട്ടികളിൽ കൗതുകം ഉയർത്തി.ഓപ്പൺ ടൂൺസ് സോഫ്റ്റ്വെയർ സഹായത്താലാണ് ആനിമേഷൻ വീഡിയോകൾ നിർമിച്ചത്.ഹെഡ്മാസ്റ്റർ സജി മോൻ പീറ്റർ ഉദ്ഘാടനം നിർവഹിച്ചു.ലിറ്റിൽ കൈറ്റ്സ് മെന്റർമാരായ സമീർ ബാബു എ സ്വാഗതവും ലസിത കെ നന്ദിയും പറഞ്ഞു. വിദ്യാർത്ഥികളായ സഫ്തിൽ, സയീദ്, ആദിദേവ്, അശ്വിൻ, റോഷൻ, റിംഷ,അമേയ, അനന്യ, ജസ്ല, സഹല, ശൽഹ,ഷെറി, ഷിഹ്ദ എന്നിവർ പരിശീലന പരിപാടിക്ക് നേതൃത്വം നൽകി.
 |
 |
 |
|---|---|---|
 |
 |
 |
 |
 |
|---|
ലിറ്റിൽ കൈറ്റ്സ് മലപ്പുറം ജില്ലാ സഹവാസ ക്യാമ്പ്
ലിറ്റിൽ കൈറ്റ്സ് മലപ്പുറം ജില്ലാ സഹവാസ ക്യാമ്പ് 2026 ഫെബ്രുവരി 7,8 ശനി, ഞായർ ദിവസങ്ങളിൽ നടന്നു. ക്യാമ്പിന് വേണ്ട മുന്നൊരുക്കങ്ങൾ, രെജിസ്ട്രേഷൻ, ഭക്ഷണ വിതരണം തുടങ്ങിയവക്ക് ഒൻപതാം ക്ലാസ് ലിറ്റിൽ കൈറ്റ്സ് അംഗങ്ങൾ നേതൃത്വം നൽകി.
 |
 |
 |
|---|
KITE Victers Campaign
പൊതുവിദ്യാഭ്യാസ രംഗത്തെ മാറ്റങ്ങൾക്കനുസരിച്ച് കുട്ടികളുടെ പഠനത്തിന് സഹായകമായ KITE Victers ചാനൽ പല കേബിൾ കണക്ഷനുകളിലും ലഭ്യമാണെങ്കിലും, നിരവധി DTH സേവനങ്ങളിൽ ഇതുവരെ ഉൾപ്പെടുത്തിയിട്ടില്ല. DTH സേവനങ്ങളിൽ കൈറ്റ് വിക്റ്റേഴ്സ് ചാനൽ ഉൾപ്പെടുത്തണം എന്ന് ആവശ്യപെട്ട് DTH ദാതാക്കൾക്ക് നൽകുന്നതിനുള്ള നിവേദനം എല്ലാ ലിറ്റിൽ കൈറ്റ്സ് അംഗങ്ങളും ഒപ്പ് വെച്ച് ഹെഡ്മിസ്ട്രെസ് പി ജെ ബബിത ടീച്ചർക്ക് നൽകി.
ചെറുശോല AMLPS ലെ വിദ്യാർത്ഥികൾക്ക് റോബോട്ടിക്സ് പരിശീലന പരിപാടിയുമായി രാജാസ് ലിറ്റിൽ കൈറ്റ്സ്
കോട്ടക്കൽ ഗവൺമെന്റ് രാജാസ് ഹയർ സെക്കന്ററി സ്കൂളിലെ ഒൻപതാം ക്ലാസ് ലിറ്റിൽ കൈറ്റ്സ് അംഗങ്ങൾ എ എം എൽ പി എസ് ചെറുശോലയിലെ അഞ്ചാം ക്ലാസ് വിദ്യാർഥികൾക്ക് റോബോട്ടിക്സ്, ആനിമേഷൻ പരിശീലനം നൽകി. ആർഡിനോ കിറ്റുകളുടെ സഹായത്താൽ എൽ ഇ ഡി ബൾബുകൾ, ബസർ എന്നിവ സമയ ക്രമീകരണം വഴി പ്രവർത്തിപ്പിക്കാൻ കുട്ടികൾക്ക് അവസരം ലഭിച്ചു .ഓപ്പൺ ടൂൺസ് സോഫ്റ്റ്വെയർ സഹായത്താലാണ് ആനിമേഷൻ വീഡിയോകൾ നിർമിച്ചത്.ഹെഡ്മാസ്റ്റർ ഫിറോസ് ചങ്ങരൻചോല ഉദ്ഘാടനം നിർവഹിച്ചു.ലിറ്റിൽ കൈറ്റ്സ് മെന്റർമാരായ സമീർ ബാബു എ സ്വാഗതവും ലസിത കെ നന്ദിയും പറഞ്ഞു.അധ്യാപകരായ ശിഹാബ് കഴുങ്ങിൽ,നജ്മ ബീഗം എന്നിവർ ആശംസകൾ അർപ്പിച്ചു സംസാരിച്ചു. വിദ്യാർത്ഥികളായ സഫ്തിൽ, സയീദ്, ആദിദേവ്, അശ്വിൻ,ആരോൺ, റിംഷ,അമേയ, അനന്യ, സഹല, ഷെറി എന്നിവർ പരിശീലന പരിപാടിക്ക് നേതൃത്വം നൽകി.
.jpg) |
.jpg) |
|---|
സർവം എ ഐ മയം-2K26
രക്ഷിതാക്കൾക്കുള്ള എഐ പരിശീലനത്തിന് കോട്ടക്കൽ ഗവൺമെന്റ് രാജാസ് ഹയർ സെക്കൻഡറി സ്കൂളിൽ തുടക്കമായി. പരിപാടിയുടെ ആദ്യഘട്ടം എന്ന നിലയിൽ ഒൻപതാം ക്ലാസിലെ ലിറ്റിൽ കൈറ്റ്സ് അംഗങ്ങളുടെ രക്ഷിതാക്കൾക്കാണ് പരിശീലനം നൽകിയത്. തുടർന്ന് നടക്കുന്ന ഘട്ടങ്ങളിൽ സ്കൂളിലെ താൽപര്യമുള്ള എല്ലാ രക്ഷിതാക്കൾക്കും പരിശീലനം നൽകാനുള്ള പദ്ധതികളാണ് ലിറ്റിൽ കൈറ്റ്സ് തയ്യാറാക്കിയിട്ടുള്ളത്.സ്മാർട്ട് ഫോണുകളിലെ എ ഐ സംവിധാനങ്ങളുടെ സഹായത്താൽ വിവിധ സസ്യങ്ങളെയും, മൃഗങ്ങളെയും തിരിച്ചറിയാനും, വീഡിയോ, പോസ്റ്ററുകൾ നിർമ്മിക്കാനും, അന്യഭാഷയിലുള്ള കുറിപ്പുകളെ മലയാളത്തിലേക്ക് വിവർത്തനം ചെയ്യാനും രക്ഷിതാക്കൾക്ക് അവസരം ലഭിച്ചു. പരിപാടിയുടെ ഉദ്ഘാടനം ഹെഡ്മിസ്ട്രസ് പിജെ ബബിത നിർവഹിച്ചു. കൈറ്റ് മെന്റർമാരായ എ സമീർ ബാബു സ്വാഗതവും കെ ലസിത നന്ദിയും പറഞ്ഞു. വിദ്യാർത്ഥി പ്രതിനിധികളായ റിംഷ, ആരോൺ, ഇഷ്മ ആഷിക്, ഹിഷാന എന്നിവർ ക്ലാസിന് നേതൃത്വം നൽകി.
 |
 |
 |