ഗവ ബോയ്സ് എച്ച് എസ് എസ് എൻ പറവൂർ/പ്രവർത്തനങ്ങൾ/2025-26
| Home | 2025-26 |
|
Archive   2022-23 2023-24 2024-25 2025-26
|
പ്രവേശനോത്സവം 2025
ചരിത്രത്തിൽ സുവർണ്ണ ലിപികളാൽ രേഖപ്പെടുത്തിയിരിക്കുന്ന പറവൂർ ഗവൺമെന്റ് ഹയർ സെക്കൻഡറി സ്കൂൾ 2025 അധ്യയനവർഷത്തിന് തുടക്കം കുറിക്കുന്ന പ്രവേശനോത്സവം ജൂൺ 2ന് രാവിലെ 10 മണിക്ക് സ്കൂൾ ഹാളിൽ സംഘടിപ്പിക്കുകയുണ്ടായി. ബഹുമാനപ്പെട്ട പറവൂർ മുൻസിപ്പൽ ചെയർപേഴ്സൺ ശ്രീമതി ബീന ശശിധരൻ ഉദ്ഘാടനം ചെയ്തു. പറവൂർ മുനിസിപ്പാലിറ്റി വൈസ് ചെയർമാൻ ശ്രീ എം ജെ രാജു അധ്യക്ഷനായിരുന്നു. സംസ്ഥാന തല പ്രവേശനോത്സവം ഉദ്ഘാടനം ലൈവ് പ്രദർശിപ്പിച്ചു. 2025 മാർച്ചിലെ എസ്എസ്എൽസി പരീക്ഷയിൽ മികച്ച വിജയം കരസ്ഥമാക്കിയ കുട്ടികളെ ചടങ്ങിൽ ആദരിച്ചു. അതോടൊപ്പം USS പ്രതിഭകളായ കുട്ടികളെയും ആദരിച്ചു. അഞ്ചാമത് കൃഷ്ണനുണ്ണി മെമ്മോറിയൽ അവാർഡ് മാസ്റ്റർ അഖിൽ കൃഷ്ണ പി ആർ ഏറ്റുവാങ്ങി. CCC സൂപ്പർ സീനിയർ കേഡറ്റുകളെ ആദരിച്ചു. 5 മുതൽ 9 വരെ പഠിക്കുന്ന ക്ലാസ്സിലെ മികച്ച കുട്ടികൾക്കുള്ള ക്യാഷ് അവാർഡുകൾ വിതരണം ചെയ്തു. സ്കൂളിലെ പൂർവ വിദ്യാർത്ഥിയായിരുന്ന ശ്രീ സതീഷ് കുമാർ (റിട്ടയേർഡ് ഡയറക്ടർ, ജിയോളജിക്കൽസർവേ ഓഫ് ഇന്ത്യ) വിശിഷ്ടാതിഥി ആയിരുന്നു. പൂർവ വിദ്യാർത്ഥി ആയിരുന്ന സജി മാനാടിയിൽ എന്ന മികച്ച സംരംഭകനെ ചടങ്ങിൽ ആദരിച്ചു. ഹരിത പ്രോട്ടോകോൾ അനുസരിച്ച് സ്കൂൾ വളരെ മനോഹരമായി അലങ്കരിച്ചിരുന്നു. സ്കൂളിലെ നവാഗതരായ വിദ്യാർത്ഥികൾ അക്ഷരദീപം തെളിയിച്ചുകൊണ്ട് അധ്യയന വർഷത്തിന് ആരംഭം കുറിച്ചു. ലിറ്റിൽ കൈറ്റ്സ് വിദ്യാർത്ഥികൾ ഡോക്യൂമെന്റേഷൻ നിർവഹിച്ചു.
-
പ്രവേശനോത്സവം 2025 ഉദ്ഘാടനം
-
പുതിയതായി ചേർന്ന കുട്ടികൾ അക്ഷരദീപം തെളിക്കുന്നു.
-
03.06.2025
ലഹരി/മയക്കുമരുന്ന് ഉപയോഗത്തിനെതിരെ പറവൂർ എക്സൈസ് ഓഫീസിലെ സലാഹുദീൻ 03.06.2025 ന് 2.00 pm ന് ഹൈസ്കൂൾ കുട്ടികൾക്ക് ബോധവൽക്കരണ ക്ലാസ് നടത്തി.
-
ലഹരി/മയക്കുമരുന്ന് ഉപയോഗത്തിനെതിരെ സലാഹുദീൻ നയിക്കുന്ന ക്ലാസ്സ്
-
-
-
04.06.2025
വ്യക്തിശുചിത്വം എന്ന വിഷയത്തിൽ ജിഎച്ച്എസ്എസ് നോർത്ത് പറവൂരിലെ ബയോളജി ടീച്ചർ ആയ ശ്രീമതി മിനി എം കെ കുട്ടികൾക്ക് ക്ലാസ്സ് എടുത്തു.
പരിസ്ഥിതി ദിനാചരണം
പരിസ്ഥിതി ദിനത്തോടനുബന്ധിച്ച് പറവൂർ ഗവ.ഹയർ സെക്കൻഡറി സ്കൂളിൽ ഫലവൃക്ഷത്തോട്ടം ഒരുക്കി.ലോക പരിസ്ഥിതി ദിനത്തോടനുബന്ധിച്ച് പറവൂർ നഗരസഭ നടപ്പിലാക്കിവരുന്ന ഫലദവനം പദ്ധതിയുടെ ഭാഗമായിട്ടാണ് പറവൂർ ഗവൺമെന്റ് ബോയ്സ് ഹൈസ്കൂളിൽ ഫലവൃക്ഷോദ്യാനം ഒരുക്കിയത്. സ്വദേശികളും വൈദേശികളുമായ തൈകളാണ് തോട്ടത്തിൽ നട്ടത്. വിശാലമായ ഗ്രൗണ്ടിന് സമീപമുള്ള സ്ഥലമാണ് തോട്ടത്തിനായി കണ്ടെത്തിയത്. 20 വിദ്യാർഥികളെ തോട്ടത്തിന്റെ പരിപാലനത്തിനായി കണ്ടെത്തുകയും മികച്ച രീതിയിൽ പരിപാലിക്കുന്ന മൂന്നു വിദ്യാർഥികൾക്ക് പ്രത്യേക പുരസ്കാരവും പ്രഖ്യാപിച്ചിട്ടുണ്ട്. പദ്ഥതിയുടെ ഉദ്ഘാടനം പറവൂർ നഗരസഭാ ചെയർപേഴ്സൺ ശ്രീമതി ബീന ശശിധരൻ നിർവഹിച്ചു. നഗരസഭാ ചെയർമാൻ എം ജെ രാജു അദ്ധ്യക്ഷത വഹിച്ചു. പ്രകൃതി മാതാവിനെ സ്നേഹിക്കാം എന്ന വിഷയത്തിൽ കിലാ റിസോഴ്സ് പേഴ്സൺ ദീപാമണി ക്ലാസെടുത്തു.
സ്കൂൾ കെട്ടിടം ഉദ്ഘാടനം
പറവൂർ ഗവൺമെന്റ് ഹയർ സെക്കൻഡറി സ്കൂളിൽ പുതിയതായി നിർമ്മിച്ച സ്കൂൾ കെട്ടിടം ജൂൺ 5ന്പ്രതിപക്ഷ നേതാവ് ശ്രീ വി ഡി സതീശൻ ഉദ്ഘാടനം ചെയ്തു. ഹൈബി ഈഡൻ എം പി യുടെ പ്രാദേശിക വികസനിധിയിൽ നിന്നുള്ള തുക വിനിയോഗിച്ചായിരുന്നു നിർമ്മാണം. 153 വർഷക്കാലമായി പറവൂർ നഗരത്തിന്റെ ഹൃദയഭാഗത്ത് സ്ഥിതി ചെയ്യുന്ന പറവൂർ ഗവണ്മെന്റ് ഹയർസെക്കൻഡറി സ്കൂളിൽ ഹൈബി ഈഡൻ എം പി യുടെ പ്രാദേശിക വികസനഫണ്ടിൽ നിന്ന് അനുവദിച്ച 60 ലക്ഷം രൂപ ഉപയോഗിച്ചാണ് ഒന്നാം നിലയിൽ പുതിയ മന്ദിരം നിർമിച്ചത്. നാലു പുതിയ ക്ലാസ് മുറികളും അനുബന്ധ ശുചി മുറികളും ഉൾപ്പെടുത്തി 2945 സ്ക്വയർ ഫീറ്റിൽ ആണ് കെട്ടിടം നിർമിച്ചത്. പ്രതിപക്ഷ നേതാവ് വി ഡി സതീശൻ കെട്ടിടത്തിന്റെ ഉത്ഘാടനം നിർവഹിച്ചു.വിദ്യാലയത്തിന് പുതിയ സ്കൂൾ ബസ് വാങ്ങുന്നതായി 34 ലക്ഷം രൂപ അനുവദിക്കുന്നതായി പ്രതിപക്ഷ നേതാവ് അറിയിച്ചു. നഗരസഭാ ചെയർപേഴ്സൺ ബീന ശശിധരൻ അധ്യക്ഷത വഹിച്ചു.
പറവൂർ ഗവൺമെന്റ് ഹയർസെക്കൻഡറി സ്കൂളിൽ ഈ അധ്യയന വർഷം മുതൽ വിദ്യാർത്ഥികൾക്ക് ഡ്രോൺ നിർമ്മിക്കുന്നതിനും പറപ്പിക്കുന്നതിനും പരിശീലനം നൽകുന്ന പദ്ധതി ആരംഭിക്കുമെന്ന് ഹൈബി ഈഡൻ എം പി പറഞ്ഞു. അഞ്ചാം ക്ലാസ്സ് മുതൽ പ്ലസ് ടു വരെയുള്ള വിദ്യാർത്ഥികൾക്കാണ് പരിശീലനം. ജൂൺ 18 ന് പ്ലസ് ടു പ്രവേശനോത്സവത്തിന് ഡ്രോൺ എക്സിബിഷൻ സംഘടിപ്പിക്കുമെന്നും എം പി പറഞ്ഞു.
10.06.2025
ഡിജിറ്റൽ ഡിസിപ്ലിൻ എന്ന വിഷയത്തിൽ സ്കൂളിലെ ലിൽമി ടീച്ചർ കുട്ടികൾക്ക് ക്ലാസ് എടുക്കുന്നു.
26.06.2025
Say NO to drugs......
ചിത്രകലാ പ്രദർശനം
പറവൂർ ഗവൺമെന്റ് ഹയർ സെക്കൻഡറി സ്കൂളിലെ പത്താം ക്ലാസുകാരിയായ ചൈതന്യ ചന്ദ്രന്റെ ചിത്രപ്രദർശനവും വിപണനവും സ്കൂളിലെ പൂർവ്വ വിദ്യാർത്ഥി സംഘടനയുടെയും പിടിഎയുടെയും നേതൃത്വത്തിൽ സംഘടിപ്പിച്ചു. വായന വാരാഘോഷത്തോടനുബന്ധിച്ച് നടത്തിയ ചിത്ര പ്രദർശനം സമാപന ദിവസമായ വെള്ളിയാഴ്ച 27 തീയതി മൂന്നു മണിക്ക് ചുമർചിത്ര കലാ വിഭാഗം മേധാവി ഡോക്ടർ സാജു തുരുത്തിൽ ഉദ്ഘാടനം നിർവഹിച്ചു. ശനിയാഴ്ച ഉച്ചയ്ക്ക് ഒരു മണിയോടെ അവസാനിച്ചു.
1-7-2025
SSLC വിദ്യാർത്ഥികൾക്കായി വർക്കി സാറിന്റെ നേതൃത്വത്തിൽ മോട്ടിവേഷൻ ക്ലാസ്സ് സംഘടിപ്പിച്ചു...
4-7-2025
ശ്രീ. G A മേനോന്റെ ജന്മദിനത്തിൽ ഹോക്കി ടീമിനുള്ള പിന്തുണയുമായി UST.
ക്ലാസ് പി റ്റി എ യും ബോധവൽക്കരണ ക്ലാസും
പറവൂർ ഗവൺമെൻറ് ഹയർ സെക്കൻഡറി സ്കൂൾ 2025-26 അധ്യയന വർഷത്തെ പ്രഥമ ക്ലാസ് പി റ്റി എ 4-7-2025 വെള്ളിയാഴ്ച ഉച്ചയ്ക്ക് രണ്ടുമണിക്ക് സംഘടിപ്പിക്കുകയുണ്ടായി. മോട്ടിവേഷണൽ ട്രെയിനറായ ശ്രീ വർക്കി സാർ മാറിവരുന്ന കാലഘട്ടത്തിനനുസരിച്ച് രക്ഷിതാക്കളും അധ്യാപകരും കുട്ടികളോടുള്ള പെരുമാറ്റത്തിലെ ഇടപെടൽ ജാഗ്രതയോടെ നടത്തേണ്ടതിനെക്കുറിച്ചും അവരുടെ നല്ല ഭാവിക്കുവേണ്ടി നാം കൈക്കൊള്ളേണ്ട കാര്യങ്ങളെക്കുറിച്ചും രക്ഷിതാക്കൾക്ക് ബോധവൽക്കരണ ക്ലാസ്സ് നടത്തി. പ്രത്യാശ ഫൗണ്ടേഷന്റെ കൗൺസിലർ ആണ് അദ്ദേഹം. മലയാളം മനോരമയുടെ നല്ല പാഠം പദ്ധതിയുമായി സഹകരിച്ചാണ് വിദ്യാർത്ഥികൾക്കും മാതാപിതാക്കൾക്കുമുള്ള ബോധവൽക്കരണ ക്ലാസ് അദ്ദേഹം നൽകിയത്
24.07.2025
സംസ്ഥാന ജൂനിയർ ഹോക്കി ചാമ്പ്യൻഷിപ്പിന് പറവൂരിൽ തുടക്കമായി. പറവൂർ ഗവൺമെന്റ് ഹയർ സെക്കൻഡറി സ്കൂളിൽ വച്ച് നടന്ന ചടങ്ങിൽ പ്രതിപക്ഷ നേതാവ് പി ഡി സതീശൻ ഹോക്കി ചാമ്പ്യൻഷിപ് ഉദ്ഘാടനം ചെയ്തു നഗരസഭ ചെയർപേഴ്സൺ ബീന ശശിധരൻ അധ്യക്ഷത വഹിച്ചു സ്കൂൾ എച്ച് എം ബെനഡിക്ട ആവില സ്വാഗതം ആശംസിച്ചു. 13 ടീമുകൾ മാറ്റുരക്കുന്ന ചാമ്പ്യൻഷിപ്പിന്റെ ഇന്നു നടന്ന എറണാകുളവും വയനാടും എറണാകുളവും പത്തനംതിട്ടയും തമ്മിലുള്ള രണ്ടു
മത്സരങ്ങളിലും എറണാകുളം ജേതാക്കളായി. കേരള ഹോക്കി അസോസിയേഷൻ സെക്രട്ടറി സി ജി സോജി നഗരസഭ വൈസ് ചെയർ പേഴ്സൺ എം ജെ രാജു,നഗരസഭ പ്രതിപക്ഷ നേതാവ് ടിവി നിധിൻ, ഫിനാൻസ് കമ്മിറ്റി ചെയർപേഴ്സൺഡി രാജ്കുമാർ, ഹെൽത്ത് സ്റ്റാൻഡിങ് കമ്മിറ്റി ചെയർപേഴ്സൺ ഈ ജി ശശി, എറണാകുളം ഹോക്കി അസോസിയേഷൻ പ്രസിഡന്റ് ബിന്ദു മനോഹരൻ, പിടിഎ പ്രസിഡന്റ് പി എം അഷ്റഫ്, പിടിഎ വൈസ് പ്രസിഡന്റ് ബി അനിൽകുമാർ, അലൂമിനി സെക്രട്ടറി ജോസ് തോമസ് എന്നിവർ പ്രസംഗിച്ചു. എറണാകുളം ഹോക്കി അസോസിയേഷൻ സീനിയർ വൈസ് പ്രസിഡന്റ് ഈ എം ഷാജി ചടങ്ങിൽ നന്ദി പ്രകടിപ്പിച്ചു.