ഗവ. യു പി സ്ക്കൂൾ, കീച്ചേരി/പ്രവർത്തനങ്ങൾ/2026-27
പ്രവേശനോത്സവം (ജൂൺ 1)
പുതിയ അധ്യയന വർഷത്തിന് ഉജ്ജ്വല തുടക്കം കുറിച്ചുകൊണ്ട് സ്കൂളിൽ പ്രവേശനോത്സവം വിപുലമായ പരിപാടികളോടെ സംഘടിപ്പിച്ചു. വിദ്യാർത്ഥികൾ, രക്ഷിതാക്കൾ, അധ്യാപകർ, ജനപ്രതിനിധികൾ, സാമൂഹിക-സാംസ്കാരിക രംഗത്തെ പ്രമുഖർ എന്നിവർ ചടങ്ങിൽ പങ്കുചേർന്നു.പരിപാടിക്ക് ശ്രീ. ജോബി ജോൺ ( എച്ച് എം ഇൻ ചാർജ് ) സ്വാഗതം ആശംസിക്കുകയും അധ്യക്ഷത വഹിക്കുകയും ചെയ്തു. വാർഡ് മെമ്പർ ശ്രീമതി ബിന്ദു സജീവൻ പ്രവേശനോത്സവം ഉദ്ഘാടനം ചെയ്തു. വിദ്യാഭ്യാസത്തിലൂടെ സമൂഹ പുരോഗതി കൈവരിക്കുന്നതിന്റെ പ്രാധാന്യം ഉദ്ഘാടന പ്രസംഗത്തിൽ അവർ ഊന്നിപ്പറഞ്ഞു.വിശിഷ്ടാതിഥികളായ ശ്രീ. നിസ്സാർ കെ., ശ്രീ. ടോമി പറമ്പിൽ (വ്യാപാരി വ്യവസായി യൂണിറ്റ് പ്രസിഡന്റ്), ശ്രീ. സിജോ (ബ്രാഞ്ച് മാനേജർ, ബീമാ ജ്വല്ലറി) എന്നിവർ ചടങ്ങിനെ അഭിസംബോധന ചെയ്ത് ആശംസകൾ നേർന്നു.
ചടങ്ങിന്റെ ഭാഗമായി വിദ്യാർത്ഥികൾക്കുള്ള യൂണിഫോം വിതരണം ശ്രീ. നിസ്സാർ കെ. നിർവഹിച്ചു. വാർഡ് മെമ്പർ ശ്രീമതി ബിന്ദു സജീവൻ വിതരണം നടത്തി. നവാഗതരായ വിദ്യാർത്ഥികൾക്കുള്ള പഠനോപകരണങ്ങൾ എൽസി പി പി ( മുൻ പ്രധാനാധ്യാപക) നേതൃത്വത്തിൽ വിതരണം ചെയ്തു.വ്യാപാരി വ്യവസായി പ്രതിനിധിയായ ശ്രീ. ടോമി പറമ്പിൽ ആശംസകൾ അർപ്പിച്ചു. വിദ്യാർത്ഥികളുടെ കലാപരിപാടികളും വിവിധ സാംസ്കാരിക അവതരണങ്ങളും ചടങ്ങിന് മാറ്റുകൂട്ടി.പുതിയ അധ്യയന വർഷത്തെ പ്രതീക്ഷയോടെയും ആവേശത്തോടെയും വരവേൽക്കാൻ വിദ്യാർത്ഥികൾക്ക് പ്രചോദനമായ പ്രവേശനോത്സവം ശ്രദ്ധേയമായ ഒരു വിദ്യാഭ്യാസ-സാമൂഹിക സംഗമമായി മാറി.
പ്രവേശനോത്സവത്തോടനുബന്ധിച്ച് വിദ്യാർത്ഥികൾക്ക് മധുരപലഹാരങ്ങളും പായസവും വിഭവസമൃദ്ധമായ സദ്യയും വിതരണം ചെയ്തു. കുട്ടികൾ ആഹ്ലാദപൂർവം പരിപാടികളിൽ പങ്കെടുത്ത് ആഘോഷത്തിന്റെ ഭാഗമായ ഭക്ഷണവിതരണം ആസ്വദിച്ചു. ഈ പ്രവർത്തനം പ്രവേശനോത്സവത്തിന് കൂടുതൽ മാധുര്യവും ആഘോഷഭാവവും പകർന്നു.
വിവിധ ക്ലബ്ബുകളുടെ ഉദ്ഘാടനം(ജൂൺ 1)
പ്രവേശനോത്സവത്തോടനുബന്ധിച്ച് 2026 ജൂൺ 1-ന് സ്കൂളിലെ വിവിധ ക്ലബ്ബുകളുടെ ഉദ്ഘാടനം സംഘടിപ്പിച്ചു. ചടങ്ങ് ഹെഡ്മിസ്ട്രസ് ഇൻചാർജ് ശ്രീമതി ജോബി ജോൺ ഉദ്ഘാടനം ചെയ്തു. വിദ്യാർത്ഥികളുടെ സർഗാത്മകത, ശാസ്ത്രബോധം, ഗണിതശേഷി, ഭാഷാപരമായ കഴിവുകൾ, സാമൂഹിക അവബോധം എന്നിവ വളർത്തുന്നതിനായി ക്ലബ്ബുകളുടെ പ്രവർത്തനങ്ങൾ ഏറെ പ്രയോജനകരമാണെന്ന് അവർ ഉദ്ഘാടന പ്രസംഗത്തിൽ പറഞ്ഞു.
വിവിധ ക്ലബ്ബുകളുടെ ചുമതല അധ്യാപകർ ചുവടെപ്പറയുന്നവരാണ്:
സയൻസ് ക്ലബ് – ശ്രീമതി ശരണ്യ കൃഷ്ണ
മാത്സ് ക്ലബ് – ശ്രീമതി ശരണ്യ കൃഷ്ണ കെ.
സോഷ്യൽ സയൻസ് ക്ലബ് – ശ്രീമതി യമുന പി. നായർ
വിദ്യാരംഗം കലാസാഹിത്യ വേദി – ശ്രീമതി യമുന പി. നായർ
ഹിന്ദി ക്ലബ് – ശ്രീമതി ശ്രീപ്രിയ
മലയാളം ക്ലബ് – ശ്രീമതി ജോബി ജോൺ
ഐ.ടി. ക്ലബ് – ശ്രീമതി പ്രതിഭ ചന്ദ്രൻ
ക്ലബ്ബുകളുടെ ലക്ഷ്യങ്ങളും പ്രവർത്തന പദ്ധതികളും ബന്ധപ്പെട്ട അധ്യാപകർ അവതരിപ്പിച്ചു. വിദ്യാർത്ഥികൾ ആവേശപൂർവം പരിപാടിയിൽ പങ്കെടുത്തു. വിവിധ ക്ലബ്ബുകളുടെ പ്രവർത്തനങ്ങൾ ഈ അധ്യയന വർഷത്തിൽ കൂടുതൽ സജീവമാക്കുന്നതിനുള്ള പ്രതിജ്ഞയോടെയാണ് ഉദ്ഘാടന ചടങ്ങ് സമാപിച്ചത്.
അക്കാദമിക് മാസ്റ്റർ പ്ലാൻ – സ്കൂൾതല ഉദ്ഘാടനം(ജൂൺ 2)
2026-27 അധ്യയന വർഷത്തേക്കുള്ള അക്കാദമിക് മാസ്റ്റർ പ്ലാനിന്റെ സ്കൂൾതല ഉദ്ഘാടനം സ്കൂളിൽ വെച്ച് സംഘടിപ്പിച്ചു. ചടങ്ങ് ഹെഡ്മിസ്ട്രസ് ഇൻചാർജ് ജോബി ജോൺ ഉദ്ഘാടനം ചെയ്തു. അക്കാദമിക മികവ് കൈവരിക്കുന്നതിനും വിദ്യാർത്ഥികളുടെ സമഗ്ര വികസനം ഉറപ്പാക്കുന്നതിനുമായി ആസൂത്രണം ചെയ്ത വിവിധ പ്രവർത്തനങ്ങൾ അവർ വിശദീകരിച്ചു.എസ്.ആർ.ജി. കൺവീനർ ശ്രീമതി സെയ്ജിമോൾ ബിനീഷ് അക്കാദമിക് മാസ്റ്റർ പ്ലാൻ അവതരിപ്പിക്കുകയും വർഷം മുഴുവൻ നടപ്പിലാക്കേണ്ട പ്രവർത്തനങ്ങൾ, പഠനലക്ഷ്യങ്ങൾ, മൂല്യനിർണയ പ്രവർത്തനങ്ങൾ എന്നിവയെക്കുറിച്ച് വിശദീകരിക്കുകയും ചെയ്തു.അധ്യാപകർ ചടങ്ങിൽ സജീവമായി പങ്കെടുത്ത് അക്കാദമിക് മാസ്റ്റർ പ്ലാനിന്റെ വിജയകരമായ നടത്തിപ്പിനായി സഹകരണം വാഗ്ദാനം ചെയ്തു.
പരിസ്ഥിതി ദിനാചരണം(ജൂൺ 5)
ലോക പരിസ്ഥിതി ദിനത്തോടനുബന്ധിച്ച് വിദ്യാർത്ഥികളിൽ പരിസ്ഥിതി സംരക്ഷണ അവബോധം വളർത്തുന്നതിനായി സ്കൂളിൽ വിവിധ പരിപാടികൾ സംഘടിപ്പിച്ചു. പരിസ്ഥിതി ദിന പ്രതിജ്ഞയോടെയാണ് പരിപാടികൾക്ക് തുടക്കമായത്. പരിസ്ഥിതി ദിന പ്രതിജ്ഞ ഏഴാം ക്ലാസ് വിദ്യാർത്ഥിനിയായ കൃഷ്ണപ്രിയ നടത്തി.പ്രകൃതിയെ സംരക്ഷിക്കാനും ഹരിതഭൂമി സൃഷ്ടിക്കാനുമുള്ള പ്രതിബദ്ധത വിദ്യാർത്ഥികൾ ഏറ്റുപറഞ്ഞു.തുടർന്ന് കൃഷി വകുപ്പിലെ അസിസ്റ്റന്റ് അഗ്രികൾച്ചർ ഓഫീസർ ശ്രീ. ദീപക് ദാസിന്റെ നേതൃത്വത്തിൽ സ്കൂൾ പരിസരത്ത് വൃക്ഷത്തൈ നടൽ പരിപാടി നടന്നു. പരിസ്ഥിതി സംരക്ഷണത്തിൽ വൃക്ഷങ്ങളുടെ പ്രാധാന്യത്തെക്കുറിച്ച് അദ്ദേഹം വിദ്യാർത്ഥികൾക്ക് ബോധവത്കരണം നൽകി.പരിസ്ഥിതി ദിനാചരണത്തോടനുബന്ധിച്ച് സ്കൂൾ തലത്തിൽ വിവിധ പരിപാടികൾ സംഘടിപ്പിച്ചുവിദ്യാർത്ഥികൾ ആവേശപൂർവം പങ്കെടുത്ത മത്സരങ്ങൾ പരിസ്ഥിതി സംരക്ഷണ സന്ദേശങ്ങൾ സമൂഹത്തിലേക്ക് എത്തിക്കുന്നതിന് സഹായകമായി.പ്രദേശത്തിന്റെ ശുചിത്വവും മാലിന്യ സംസ്കരണവും കാര്യക്ഷമമായി നിർവഹിക്കുന്ന ഹരിത കർമ്മ സേനാംഗങ്ങളെ ചടങ്ങിൽ ആദരിക്കുകയും അവരുടെ സേവനങ്ങളെ അഭിനന്ദിക്കുകയും ചെയ്തു. . ചടങ്ങിൽ പരിസ്ഥിതി സംരക്ഷണത്തിന്റെ പ്രാധാന്യം എടുത്തുകാട്ടി പ്രസംഗങ്ങൾ നടന്നു. ആഫിയ കെ ഐ പരിസ്ഥിതി ദിന സന്ദേശം നൽകി. ഹിന്ദി പ്രസംഗം ക്ലാസ് 6-ലെ അർഷിത് കെ. ജെ. അവതരിപ്പിച്ചു. ക്ലാസ് 4,യു.പി. വിഭാഗം വിദ്യാർത്ഥികൾ പരിസ്ഥിതി ഗാനം ആലപിച്ചു.പരിസ്ഥിതി അവബോധം വളർത്തുന്നതിന്റെ ഭാഗമായി എൽ.പി., യു.പി. വിഭാഗങ്ങളിൽ പരിസര ക്വിസ് മത്സരം സംഘടിപ്പിച്ചു. എൽ.പി. വിഭാഗത്തിൽ മയൂഖ ബിനീഷ് ഒന്നാം സ്ഥാനവും അയന k s രണ്ടാം സ്ഥാനവും നേടി മികച്ച പ്രകടനം കാഴ്ചവെച്ചു. വിദ്യാർത്ഥികളുടെ സജീവ പങ്കാളിത്തം പരിപാടികൾക്ക് മാറ്റുകൂട്ടി. പരിസ്ഥിതി സംരക്ഷണ സന്ദേശം കുട്ടികളിലേക്ക് എത്തിക്കുന്നതിൽ ദിനാചരണം വിജയകരമായി.ദിനാചരണത്തിന്റെ ഭാഗമായി പോസ്റ്റർ നിർമ്മാണം, പ്ലക്കാർഡ് നിർമ്മാണം, എൽ.പി., യു.പി. വിഭാഗം വിദ്യാർത്ഥികൾക്കായി ക്വിസ് മത്സരം എന്നിവ സംഘടിപ്പിച്ചു. പരിസ്ഥിതി സംരക്ഷണത്തിന്റെ ആവശ്യകതയെക്കുറിച്ചുള്ള ബോധവും ഉത്തരവാദിത്തബോധവും വിദ്യാർത്ഥികളിൽ വളർത്താൻ ദിനാചരണ പരിപാടികൾ സഹായകമായി. പ്രകൃതിയോട് സൗഹൃദപരമായ ജീവിതശൈലി പ്രോത്സാഹിപ്പിക്കുന്നതിൽ ഈ പരിപാടികൾ ശ്രദ്ധേയമായ പങ്കുവഹിച്ചു.