ഗവ. എച്ച് എസ് പരിയാരം/ചരിത്രംകൂടുതൽ അറിയാൻ

വൈത്തിരി താലൂക്കിൽ മുട്ടിൽ പഞ്ചായത്തിലാണ് പരിയാരം എന്ന കൊച്ചുഗ്രാമം. ദേശീയ പാത 212 ലെ മുട്ടിൽ ടൗണിന് അടുത്തുള്ള പാറക്കലിൽ നിന്നും രണ്ടു കിലോ മീറ്റർ വടക്ക് മാറിയാണ് തികച്ചും സാധാര ണക്കാരായ ജനങ്ങൾ താമസിക്കുന്ന ഈ ഗ്രാമം.

കൽപ്പറ്റയിലെ എഴുത്തമ്മ വിദ്യാലയത്തിൽ നിന്നായിരുന്നു. 1927-ന് മുമ്പ് പരിയാരം നിവാസികൾക്ക് അക്ഷരജ്ഞാനം ലഭിച്ചിരുന്നത്. 1927-ൽ മലബാർ ഡിസ്ട്രിക് ബോർഡിന്റെ അംഗീകാരം ലഭിച്ചു പ്രവർത്തനം ആരംഭിച്ചതാണ് ഈ വിദ്യാലയം.

1928-ൽ പരേതനായ പത്മപ്രഭ ഗൗഡറുടെ നെല്ലറയുടെ ചരിവിലും തുടർന്ന് ചിലഞ്ഞിച്ചാലിലെ ടി.എസ്.നൈനാ മുഹമ്മദ് റാവുത്തറുടെ അറപുരയിലും ഒന്നേകാൽ രൂപ പ്രതിമാസ വാടകയ്ക്ക് ലഭ്യമായ കെട്ടിട സൗകര്യത്തിലാണ് ഈ വിദ്യാലയം പ്രവർത്തനമാരംഭിച്ചത്. ബോർഡ് അംഗീകാരത്തോടെ ചിലഞ്ഞിച്ചാൽ പുലവർ മുഹമ്മദ് ഖാസി റാവുത്തറുടെ കെട്ടിടത്തിൽ അഞ്ചു രൂപ വാടകയ്ക്ക് രണ്ടു വർഷം ഈ വിദ്യാലയം പ്രവർത്തിച്ചു.

1932-ൽ ചിലഞ്ഞിച്ചാൽ ജുമാ മസ്ജിദിനു സമീപം നിർമ്മിച്ച കെട്ടിടത്തിലേയ്ക്ക് ഈ വിദ്യാലയം മാറ്റി. 1953 വരെ ഏകാധ്യാപക വിദ്യാലയമായി അവിടെ പ്രവർത്തിച്ചു. 1953 മുതൽ 1961 വരെ കാതിരി കുഞ്ഞഹമ്മദ് സാഹിബിന്റെ വാടക കെട്ടിടത്തിൽ 22 രൂപ വാടകക്ക് ഈ വിദ്യാലയംപ്രവർത്തിച്ചു.

1957-ൽ അന്നത്തെ കേരള വിദ്യാഭ്യാസ മന്ത്രിയായിരുന്ന ശ്രീ. ജോസഫ് മുണ്ടശ്ശേരി ഈ വിദ്യാലയത്തെ അപ്പർ പ്രൈമറി വിദ്യാലയമായി ഉയർത്തി. മലബാർ ഡിസ്ട്രിക് ബോർഡ് പ്രസിഡന്റ് ശ്രീ. പി.ടി. ഭാസ്കരപണിക്കരുടേയും വൈ. പ്രസിഡന്റ് ജനാബ് മൂസ്സാൻ കുട്ടി സാഹിബിന്റെയും ഈ പ്രദേശത്തെ സാമൂഹിക-സാംസ്കാരിക രാഷ്ട്രീയ പ്രവർത്തകരുടെയും രാപ്പകലില്ലാത്ത അദ്ധ്വാനം ഈ വിദ്യാലയത്തിന്റെ വളർച്ചയിൽ പ്രധാനപ്പെട്ടതാണ്.

1961 മുതൽ 1970 വരെ പരിയാരം മുക്കിൽ ജമാഅത്ത് വക കെട്ടി ത്തിൽ 100/ രൂപ വാടകയ്ക്ക് പ്രവർത്തിക്കുകയും പിന്നീട് സ്ഥലപരിമിതി കാരണം നാട്ടുകാരിൽ നിന്ന് തുക പിരിച്ചെടുത്ത് 20 സെന്റ് സ്ഥലം വിദ്യാലയത്തിന് വേണ്ടി വാങ്ങുകയും കെട്ടിടനിർമ്മാണം നടത്തുകയും ചെയ്തു. 5 മുറികൾഉള്ള ഒരു കെട്ടിടം അന്ന് സർക്കാരിൽ നിന്നും ലഭിച്ചു. 14 ക്ലാസ്സുകൾ പ്രവർത്തിപ്പിക്കാൻ വളരെയേറെ പ്രയാസങ്ങൾ അനുഭവിക്കേണ്ടി വന്നിട്ടുണ്ട്.

1982-ൽ സ്കൂളിനുവേണ്ടി പി.ടി.എ.കമ്മിറ്റി വിലയ്ക്കുവാങ്ങിയ സ്ഥലം സ്വീകരിച്ച് പകരം ജമാഅത്ത് കമ്മിറ്റിയുടെ 8 സെന്റ് സ്ഥലം സ്കൂളിന് വിട്ടുകൊടുത്ത് ബഹുമാന്യനായ ശ്രീ. കാതിരി മൊയ്തുഹാജി, ശ്രീ ബി വി കുഞ്ഞബ്ദുള്ള എന്നിവർ വഹിച്ച പങ്ക് സ്തുത്യർഹമാണ്.

1982-ൽ 2 ക്ലാസ്സ് മുറികൾ പി.ടി.എയുടെ ശ്രമഫലമായി ലഭിച്ചു. 1998-99കാലഘട്ടത്തിൽ സ്കൂളിന് രണ്ട് ഹാളുകൾ ഉൾപ്പെടുത്തി എസ്.എസ്.എ.യുടെ സി.ആർ.സി കെട്ടിടവും ലഭിച്ചു.

2003-04 എസ്.എസ്.എ യുടെ ആറ് മുറികളും ബിൽഡിംഗും ലഭി ച്ചു. വിദ്യാഭ്യാസ പുരോഗതിയിലൂടെ മാത്രമേ കാലനുസൃതമായ മാറ്റങ്ങൾ കൈവരിക്കാൻ കഴിയൂ എന്ന ജനങ്ങളുടെയും രക്ഷിതാക്കളുടെയും അഭ്യുദയകാംക്ഷികളുടെയും തിരിച്ചറിവ് ഈ വിദ്യാലയത്തിന്റെ പുരോഗതിയെ ഏറെ സഹായിച്ചിട്ടുണ്ട്. വിദ്യാലയത്തെ ഒരു ജനറൽ കലണ്ടർ പ്രകാരം മാറ്റാൻ കഴിഞ്ഞതിൽ സ്കൂളിന്റെ പ്രവർത്തനം കൂടുതൽ കാര്യക്ഷമമാക്കാൻ സഹായകമായി. ഈ മാറ്റം സ്കൂളിനെ സംബന്ധിച്ചിടത്തോളം ഒരു നാഴികകല്ലാണ്. ഇത്തരം നേട്ടങ്ങൾ നാം കൊടുക്കുന്നതിന് നെടുതൂണായി പ്രവർത്തിച്ചിരുന്നത്. പി.ടി.എ പ്രസിഡന്റ് ഒക്കഞ്ചേരി അസൻ പ്രസിഡന്റ് കെ.സി.ഹാരിസ്, അപ്ഗ്രഡേഷൻ കമ്മിറ്റി ചെയർമാൻശ്രീ. നറുദ്ദീൻ, ജോയിന്റ് കൺവീനർ ശ്രീ. കതിരി അബി ശ്രീ.എം. ആലി, എന്നീ കർമോത്സുകരുടെ നേതൃത്വത്തിലുള്ള ടീമായിരുന്നു.

2008-09 കാലഘട്ടത്തിൽ ജില്ലാ പഞ്ചായത്തിന്റെ ഫണ്ടിൽ ഉൾപ്പെ ടുത്തി പുതിയ കഞ്ഞിപ്പുരയും ശ്രീ.എം.വി.ശ്രേയാംസ് കുമാർ എം.എൽ. എ.യുടെ അഞ്ച് ലക്ഷം രൂപ പ്രാദേശിക വികസന ഫണ്ടും ഉപയോഗിച്ച് ഒരു ഓഡിറ്റോറിയവും ലഭിച്ചു. ഇതിന് നേതൃത്വം നൽകിയത് അന്നത്തെ പി.ടി.എ പ്രസിഡന്റായിരുന്ന ശ്രീ. മുജീബ് ആണ്.

ആർ.എം.എസ്.എ പദ്ധതിയിൽ ഉൾപ്പെടുത്തി ഹൈസ്കൂളായി ഈ വിദ്യാലയം ഉയർത്തപ്പെട്ടു. പ്രഥമ എസ്.എസ്.എൽ.സി. ബാച്ച് 100% വിജയം കരസ്ഥമാക്കി. അന്നത്തെ എച്ച്.എം. ഡെയ്സി ടീച്ചർ, ഡപ്യൂട്ടി എച്ച്.എം. എ. കെ. ഷിബു എന്നിവരുടെ പ്രവർത്തനം ശ്രദ്ധേയമായിരുന്നു. ആർ.എം. എസ്.എ യുടെ നിർദ്ദേശപ്രകാരം 21 അംഗങ്ങളെ ഉൾപ്പെടുത്തി സ്കൂൾ മാനേജ്മെന്റ് കമ്മിറ്റി രൂപീകരിച്ചു. ഈ കാലഘട്ടത്തിൽ ഗ്രാമപഞ്ചായത്ത് മെമ്പർ പി.സി.അയ്യപ്പന്റെ ശ്രമഫലമായി 18 സെന്റ് സ്ഥലവും മദ്രസ്സ കെട്ടി ടവും 2,93,000/- രൂപയ്ക്ക് വാങ്ങി. പഠനനിലവാരത്തിലും കലാ-കായിക രംഗങ്ങളിലും ആശാവഹമായ പുരോഗതി ഉണ്ടായി. സയൻസ്, ഗണിതം. ഭാഷ, പരിസ്ഥിതി, സാമൂഹ്യം, ഹെൽത്ത്, ജെ ആർ സി എന്നിവ ചിട്ടയോ ടും കാര്യക്ഷമതയോടും കൂടി പ്രവർത്തിക്കുന്നു. എല്ലാ വർഷവും ശാസ്ത്ര ഗണിത ശാസ്ത്ര, സാമൂഹ്യശാസ്ത്ര പ്രവൃത്തി പരിചയ മേളയിൽ വിദ്യാലയം സജീവമായി പങ്കെടുക്കാറുണ്ട്. വിദ്യാർത്ഥികളുടെ ശാസ്ത്രാ ഭിരുചിയും ഗവേഷണ ത്വരയും പരിപോഷിപ്പിക്കുന്നതിനും പിന്നോക്കവിഭാ ഗത്തിലുള്ള കുട്ടികളുടെ കൊഴിഞ്ഞുപോക്ക് തടയുന്നതിനും മുഖ്യധാരയിലെത്തിക്കുന്നതിനും ജനകീയ കൂട്ടായ്മയിലൂടെ സാധിച്ചിട്ടു

1928-ൽ ആരംഭിച്ച ഈ വിദ്യാലയം ഇന്ന് ആറ് ദശകലത്തിലധികം പിന്നിട്ടപ്പോൾ 60 കുട്ടികളും 90 സെന്റ് സ്ഥലവും അതിൽ കംമ്പ്യൂട്ടർ ലാബ്, ലൈബ്രറി ഹാൾ, സ്റ്റേജ്, കുടിവെള്ളം, മൂത്രപ്പുരകൾ എന്നിവയുള സാമാന്യം നല്ല വിദ്യാലയിവളർന്നിട്ടുണ്ട്. സ്പോർട്സിൽ ധാരാളം നേട്ട ങ്ങൾ കൈവരിക്കാൻ കഴിഞ്ഞിട്ടുണ്ടെങ്കിലും സ്വന്തമായി ഒരു കളിസ്ഥലമി ല്ലായെന്നത് ഒരു വലിയ പരിമിതിയായി നിലനിൽക്കുന്നു.