ഗവ. എച്ച്.എസ്. ഇരുളത്ത്/ചരിത്രം
സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | ഹൈസ്കൂൾ | ചരിത്രം | അംഗീകാരം |
സീതാദേവിയുടെ പാദസ്പർശനത്താൽ അനുഗ്രഹീതമായ മണ്ണ്.വീരകേരളവർമ്മ പഴശ്ശിരാജ തമ്പുരാനാൽ പുളകിതമായ ഭൂമി.ഇങ്ങനെ വിശേഷണങ്ങൾ അനവധിയാണ് ഇരുളത്തിന്. 1961-ൽഅങ്ങാടിശ്ശേരിയിലെ ചണ്ടിച്ചെട്ടി, ഇരുളത്തെ രാമൻകുട്ടി എന്നിങ്ങനെ ചില രക്ഷാകർത്താക്കളുടെ ശ്രമഫലമായി കുട്ടികളിൽ നിന്നും ഫീസ് വാങ്ങി കുടിപ്പള്ളിക്കൂട മാതൃകയിൽ സ്ക്കൂൾ ആരംഭിച്ചു. 1962-ൽ മുള്ളൻകൊല്ലി സ്ക്കൂൾ അധ്യാപകനായിരുന്ന പി.സി. തോമസിന്റെ സഹായത്തോടെ ചണ്ടിച്ചെട്ടിയുടെ നേതൃത്വത്തിൽ സർക്കാരിൽ നിന്നും എൽ പി.സ്ക്കൂളിന് അംഗീകാരം നേടി. കക്കോടൻ മമ്മു ഹാജി സ്ഥലം സൗജന്യമായി നൽകി. കക്കോടൻ മമ്മു ഹാജിയുടേയും നാട്ടുകാരുടെയും ഉദാരമനസ്കത കെട്ടിടനിർമ്മാണത്തിന് സഹായമായി. ചണ്ടിച്ചെട്ടി, ഇരുളത്തെ രാമൻകുട്ടി, അയ്യപ്പൻചേട്ടൻ, കുഞ്ഞൻചെട്ടി, സി.എൻ കൃഷ്ണൻകുട്ടി എന്നിവർ നേതൃത്വം വഹിച്ചു. 1974-ൽ യു.പി സ്ക്കുൾ ആയും 1980-ൽ ഹൈസ്ക്കൂൾ ആയും ഉയർത്തി. 1983 മുതൽ 2000 വരെ ഷിഫ്റ്റ് സമ്പ്രദായത്തിലാണ് സ്ക്കുൾ പ്രവർത്തിച്ചിരുന്നത്.ഇപ്പോൾ 793 വിദ്യാത്ഥികൾ പഠിക്കുന്ന ഈ വിദ്യാലയത്തിൽ 27 അധ്യാപകരും സാമാന്യം ഭേദപ്പെട്ട ഭൗതിക സൗകര്യങ്ങളും ഉണ്ട്. എസ്.എസ്.എൽ.സി വിജയശതമാനം ക്രമേണ ഉയർത്തി 2008-ൽ 100 ശതമാനം വിദ്യാർത്ഥികളേയും മികച്ച ഗ്രേഡുകളോടു കൂടി വിജയിപ്പിക്കുവാൻ കഴിഞ്ഞു.