എൻ.എസ്സ്.എസ്സ്.എച്ഛ്.എസ്സ്.എസ്സ്. കരുവാറ്റ/സൗകര്യങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
ഹൈസ്കൂൾ വിഭാഗത്തിൽ 18 ക്ലാസ് മുറികളും UP വിഭാഗത്തിൽ എട്ടോളം ക്ലാസ് മുറികളും പ്രവർത്തിക്കുന്നു. സ്കൂളിന് സുരക്ഷിതമായ ചുറ്റും മുതൽ ഉണ്ട് .
വാഹന സൗകര്യം
സ്കൂളിന് സ്വന്തമായി വാഹനം ലഭ്യമല്ലെങ്കിലും സ്കൂളിൽനിന്ന് അധ്യാപകരുടെയും രക്ഷിതാക്കളുടെയും നേതൃത്വത്തിൽ പ്രൈവറ്റ് വാഹനം ഏർപ്പെടുത്തിയിരിക്കുന്നു. പ്രസ്തുത റൂട്ടിലേക്ക് ആവശ്യമായി വരുന്ന ചെലവ് കുട്ടികൾ തന്നെയാണ് കണ്ടെത്തി നിർവഹിക്കുന്നത്.
ചുറ്റുമതിൽ
സ്കൂളിന് സുരക്ഷിതമായ ചുറ്റുമതിൽ നിർമ്മിക്കപ്പെട്ടിരിക്കുന്നു. മതിലുകളിൽ മറ്റു പരസ്യങ്ങൾ പതിക്കാതിരിക്കാൻ അതിനുവേണ്ടി നിരന്തരമായി പ്രത്യേകം ശ്രദ്ധ പതിപ്പിക്കുന്നു.
കളിസ്ഥലം
കുട്ടികൾക്ക് കളിക്കാൻ ആവശ്യമായ സ്ഥലവും അതിനു വേണ്ട പരിശീലനങ്ങളും സ്കൂളിൽ നിന്ന് കൊടുക്കുന്നുണ്ട്
പൂന്തോട്ടം
സ്കൂൾ കെട്ടിടത്തിന് മുന്നിലായി കുട്ടികളും അധ്യാപകരും ചേർന്ന് നിർമ്മിച്ച ശലഭോദ്യാനവും ചെറിയ ആമ്പൽ കുളവും ഉണ്ട്
ഹൈടെക് ക്ലാസ് മുറികൾ
ഹൈടെക്ക് സാങ്കേതിക വിദ്യകൾ ഉപയോഗിക്കാൻ സജ്ജമാക്കിയ ക്ലാസ് മുറികൾ
സയൻസ് ലാബ്
സയൻസ് വിഷയങ്ങളിലെ ആശയങ്ങൾ ധാരണകൾ പരീക്ഷിക്കുന്നതിനും നിരീക്ഷിക്കുന്നതിനും കണ്ടു മനസ്സിലാക്കുന്നതിനും സാധിക്കുന്ന തരത്തിൽ സുസജ്ജമായ സയൻസ് ലാബ് ക്രമീകരിച്ചിരിക്കുന്നു.
ഭൗതികശാസ്ത്രം രസതന്ത്രം ജീവശാസ്ത്രം ഗണിതം എന്നീ വിഷയങ്ങൾ ഞങ്ങൾ പ്രത്യേകമായി ആയി തരംതിരിച്ചാണ് ഉപകരണങ്ങൾ സൂക്ഷിച്ചിരിക്കുന്നത്.
ഭൗതികശാസ്ത്ര ഉപകരണങ്ങൾ പ്രത്യേകമായി തരംതിരിച്ച് അലമാരിയിൽ സൂക്ഷിക്കുന്നു. ഇതിൽ വിവിധ മീറ്ററുകൾ, , വിവിധ തരം ലെൻസുകൾ, വിവിധതരം ദർപ്പണങ്ങൾ , ഇലക്ട്രോണിക്സ് ഉപകരണങ്ങൾ , മാഗനെറ്റുകൾ, സിമ്പിൾ പെൻഡുലം , തുടങ്ങിയവ ക്രമീകരിച്ചിരിക്കുന്നു.
രസതന്ത്ര പരീക്ഷണങ്ങൾക്ക് ഉപയോഗിക്കുന്ന വിവിധതരം ആസിഡുകൾ . വിവിധ ഓർഗാനിക് സംയുക്തങ്ങൾ , ബീകറുകൾ , കോണിക്കൽ ഫ്ലാസ്ക്കകൾ , ബ്യൂററ്റുകൾ , പിപ്പറ്റുകൾ എന്നിവ പ്രത്യേകമായി അലമാരയിൽ സൂക്ഷിക്കുന്നു
ജീവശാസ്ത്ര ഉപകരണങ്ങളായ മൈക്രോസ്കോപ്പ്, സ്റ്റെതസ്കോപ്പ്, വിവിധ സ്പെസിമെനുകൾ ,ഹൃദയം കണ്ണ് തലച്ചോർ വൃക്ക തുടങ്ങിയ അവയവങ്ങളുടെ മാതൃകകൾ ,ചാർട്ടുകൾ എന്നിവ പ്രത്യേകമായി അലമാരിയിൽ സൂക്ഷിച്ചു കുട്ടികൾക്ക് ലഭ്യമാക്കുന്നു.
ഐ ടി ലാബ്
കുട്ടികൾക്ക് പാഠഭാഗവുമായി ബന്ധപ്പെട്ട് ഐടി ക്ലാസുകൾ നടത്തുന്നതിന് ആവശ്യമായ സൗകര്യം ലഭ്യമാണ്. ഇരുപതോളം ലാപ്ടോപ്പുകൾ ഇൻറർനെറ്റ് കണക്ട് വിറ്റി , ലാപ്ടോപ്പ് ടേബിളുകൾ എന്നിവ ലഭ്യമാണ്.
ലൈബ്രറി
വയന ശീലം വളർത്തുന്നതോടൊപ്പം കുട്ടികളുടെ സർഗ്ഗത്മകമായ കഴിവുകൾ പരിപോഷിപ്പിക്കുന്നതിനും ആവശ്യമായ പുസ്തകങ്ങൾ ആണ് സ്കൂൾ ലൈബ്രറിയിൽ ഉള്ളത്.
മലയാളം, ഇംഗ്ലീഷ്, ഹിന്ദി,സയൻസ്, ചരിത്രം തുടങ്ങിയ വിഷയങ്ങളിലായി പതിനായിരത്തിൽ പരം പുസ്തകങ്ങൾ നമ്മുടെ ലൈബ്രറിയിൽ ക്രമീകരിച്ചിരിക്കുന്നു.പുസ്തകങ്ങളെ നോവൽ, ചെറുകഥ, ഉപന്യാസം തുടങ്ങിയ ശാഖകളായി തിരിച്ച്,എഴുത്തുകാരുടെ പേരിനെ മുൻനിർത്തി അകാരാദി ക്രമത്തിൽ ചിട്ടപ്പെടുത്തി ആണ് നമ്മുടെ ലൈബ്രറി സജീകരിച്ചിരിക്കുന്നത്.
കൂടാതെ ആനുകാലികങ്ങളും ലൈബ്രറിയുടെ റെഫറൻസ് വിഭാഗത്തിൽ ഉൾപെടുത്തിയിരിക്കുന്നു. ക്ലാസ്സ്‌ ടീച്ചറുടെ സഹായത്തോടെ കുട്ടികളുടെ അഭിരുചിക്കനുസരിച്ചുള്ള പുസ്തകങ്ങൾ കൃത്യമായ ഇടവേളകളിൽ അവരിൽ എത്തിച്ചു നൽകുന്നു.
ഉച്ചഭക്ഷണ അടുക്കള
കുട്ടികൾക്ക് ഭക്ഷണം ഒരുക്കുന്നതിനും ഭക്ഷണം ക്രമീകരിക്കുന്നതിന് ആവശ്യമായ ഭക്ഷ്യധാന്യങ്ങൾ സൂക്ഷിക്കുന്നതിനുള്ള സംവിധാനം ഒരുക്കിയിരിക്കുന്നു.
പബ്ലിക് അനൗൺസ്മെൻറ് സംവിധാനം
എല്ലാ ക്ലാസ് മുറികളിലും ശബ്ദ സംവിധാനത്തിലൂടെ അറിയിപ്പുകൾ നൽകുന്നതിനുള്ള സംവിധാനം ക്രമീകരിച്ചിരിക്കുന്നു. ഓരോ ക്ലാസ് മുറികളിലും ഇതിനായി പ്രത്യേകം ബോക്സുകൾ ഘടിപ്പിച്ചിട്ടുണ്ട്. ഇതിലൂടെ പ്രധാന അറിയിപ്പുകൾ കുട്ടികൾക്ക് ലഭ്യമാകുന്നു.
പൈപ്പുകൾ
ഒരേസമയം 15ലധികം കുട്ടികൾക്ക് നിന്ന് പാത്രം കഴുകാനുള്ള സൗകര്യം ഒരുക്കിയിരിക്കുന്നു
പ്രഥമ ശുശ്രൂഷ സംവിധാനം
പ്രഥമ ശുശ്രൂഷ നൽകുന്നതിന് ആവശ്യമായ മരുന്നുകളും ബാൻഡുകളും ഇവിടെ ലഭ്യമാണ്