എസ് സി എസ് എച്ച് എസ് എസ് വളമംഗലം/പ്രവർത്തനങ്ങൾ/2025-26
പ്രേവേശനോത്സവം
2025-26 വർഷത്തെ പ്രവേശനോത്സവം ജൂൺ 2തിങ്കൾ സ്കൂൾ അങ്കണത്തിൽ വെച്ച് നടത്തപ്പെട്ടു .9.30 ആയപ്പോൾത്തന്നെ സ്കൂൾ അങ്കണം കുട്ടികളും രക്ഷിതാക്കളാലും നിറയപ്പെട്ടു. തലേ ദിവസം തന്നെ സ്കൂളും പരിസരവും ഹരിതപ്രോട്ടോകോൾ പ്രകാരം തന്നെ അലങ്കരിച്ചു.കുരുത്തോല കളും, വർണക്കടലാസുകളും മുത്തുക്കുടയും കൊണ്ട് സ്കൂൾ അങ്കണം മനോഹരമായി.പരിപാടിയുടെ ഭാഗമായി പുതുതായി വന്ന കുഞ്ഞുകുട്ടികളെ തൊപ്പിയും ബാഡ്ജും സ്റ്റാറും എല്ലാം നൽകി സന്തോഷത്തോടെ വരിവരിയായി നിർത്തി ചെണ്ടകൊട്ടിന്റെ അകമ്പടിയോടെ സ്കൂൾ മൈതാനത്തിൽ ഘോഷയാത്ര നടന്നു.പ്രവേശനോത്സവം ആലപ്പുഴയുടെ മുൻ MP AM ആരിഫ് ഉത്ഘാടനം ചെയ്തു. സ്കൂൾ മാനേജർ KS സുരേഷ് കുമാർ അധ്യക്ഷനായി, സ്കൂൾ ഹെഡ്മിസ്ട്രെസ് സുജ ടീച്ചർ സ്വാഗതം ആശംസിച്ചു.ജില്ലാ പഞ്ചായത്ത് മെമ്പർ അനന്ദു രമേശൻ, ബ്ലോക്ക് പഞ്ചായത്ത് മെമ്പർ AU അനീഷ്, തുറവൂർ പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ അനിത സോമൻ, ബോർഡ് മെമ്പർമാരായ അമൽ ബിജു, ദിനേശൻ, ഷാജി, അശോകൻ, അജയകുമാർ, ഉദയൻ, PTA പ്രസിഡന്റ് സജീവ്, മായ അജികുമാർ, ഹയർ സെക്കന്ററി പ്രിൻസിപ്പാൾ ശരത് സർ, മുൻ പ്രധാന അധ്യാപകരായ പ്രസന്നകുമാരി ടീച്ചർ, ഗീത മണി ടീച്ചർ, ജയശ്രീ ടീച്ചർ തുടങ്ങിയവർ യോഗത്തിൽ പങ്കെടുത്തു.സ്കൂളിലെ LSS USS വിജയികളായ
കുട്ടികളെ അനുമോദിച്ചു.
ലോക പരിസ്ഥിതി ദിനം
2025 26 അധ്യായന വർഷത്തെ സ്കൂൾ പരിസ്ഥിതി ക്ലബ്ബിന്റെ ആഭിമുഖ്യത്തിൽ വിവിധങ്ങളായ പരിപാടികൾ ആവിഷ്കരിച്ചു. സ്കൂൾ അസംബ്ലിയിൽ സന്ദേശങ്ങൾ നൽകി. പരിസ്ഥിതി ദിന ക്വിസ് സംഘടിപ്പിച്ചു പരിസ്ഥിതി സൗഹാർദ്ദ പോസ്റ്റർ രചന മത്സരം ക്ലാസ് തലത്തിൽ നടത്തി. മാനേജ്മെന്റ്, ഹെഡ്മിസ്ട്രസ്, സീനിയർ, അസിസ്റ്റന്റ്, അധ്യാപകർ, കുട്ടികൾ എന്നിവർ ചേർന്ന് ഒരു തൈ നടാം നല്ല നാളേക്ക് വേണ്ടി എന്ന സന്ദേശം വിളിച്ചുപറഞ്ഞുകൊണ്ട് വൃക്ഷത്തൈകൾ നട്ടു. പരിസ്ഥിതി സൗന്ദര്യവൽക്കരണത്തിന്റെ ഭാഗമായി ഗാർഡൻ മെച്ചപ്പെടുത്തി
മെറിറ്റ് അവാർഡ്
ഈ വർഷത്തെ SSLC കുട്ടികൾക്കായുള്ള മെറിറ്റ് അവാർഡ് വിതരണം16/6/25 തിങ്കളാഴ്ച 10മണിക്ക് സ്കൂൾ ഹാളിൽ ചടന്നു.ഉദ്ഘാടനം ശ്രീ അനിൽ മാടക്കൽ നിർവഹിച്ചു. ചടങ്ങിൽ എച്ച് എം സുജ ടീച്ചർ, മാനേജർ സുരേഷ് കുമാർ, പ്രിൻസിപ്പാൾ ശരത് സാർ, പിടിഎ പ്രസിഡന്റ് സജീവ്, മദർ pta മായ എന്നിവർ സംസാരിച്ചു.
രക്ഷകർതൃ യോഗം
2025-26 അധ്യയന വർഷത്തെ എസ്എസ്എൽസി കുട്ടികളുടെ ആദ്യത്തെ ക്ലാസ് പിടിഎ ബുധനാഴ്ച 3മണിക്ക് കൂടുകയുണ്ടായി . ഭൂരിഭാഗം രക്ഷകർത്താക്കളും മീറ്റിങ്ങിൽ പങ്കെടുത്തു. എച്ച് എം സുജ ടീച്ചർ പിടിഎ വൈസ് പ്രസിഡന്റ് രജീഷ് സീനിയർ അസിസ്റ്റന്റ് സജി ടീച്ചർ എന്നിവർ മീറ്റിങ്ങിൽ സംസാരിച്ചു. മഞ്ജുഷ ടീച്ചർ എല്ലാവർക്കും സ്വാഗതം ആശംസിച്ചു. തുടർന്ന് എസ് ഐ ഷാജി സാർ പീറ്റർ സാർ എന്നിവർ രക്ഷകർത്താക്കൾക്ക് ലഹരി വിരുദ്ധ ബോധവൽക്കരണ ക്ലാസ് എടുത്തു. ദീപ്തി ടീച്ചർ നന്ദി പ്രകാശനം നടത്തിയതോടുകൂടി മീറ്റിംഗ് അവസാനിച്ചു.
ലഹരി ബോധവൽക്കരണ ക്ലാസ്
രക്ഷകർത്താക്കൾക്ക് ലഹരി ബോധവൽക്കരണ ക്ലാസ് നടത്തി.
വായന ദിനാചരണം വിദ്യാരംഗം കല സാഹിത്യവേദി ഉദ്ഘാടനം
ജൂലൈ 19. പി എൻ പണിക്കർ ചരമദിനം. രാവിലെ ഹൈസ്കൂൾ കുട്ടികൾ സ്പെഷ്യൽ അസംബ്ലി നടത്തി. സ്കൂൾ വായന ദിനം സ്കൂൾ വിദ്യാരംഗം കലസാഹിത്യ വേദി ഉത്ഘാടനം പ്രസിദ്ധ കവിയത്രി രമ്യ തുറവൂർ ഉദ്ഘാടനം ചെയ്തു. ജയശ്രീ ടീച്ചർ സ്വാഗതം ആശംസിച്ചു. ഹെഡ്മിസ്ട്രസ് സുജ യു നായർ വായനാദിന സന്ദേശം നൽകി. ചടങ്ങിൽ കവിയത്രി കവിതാലാപനം നടത്തി. വായന ദിനത്തോടനുബന്ധിച്ച് എൽ പി യു പി എച്ച് എസ് വിഭാഗങ്ങളിൽ ക്വിസ്മ ത്സരം നടത്തി.
യോഗ ഡേ
യോഗ ഡേ സ്കൂളിൽ ആചരിച്ചു. ക്ലാസ്സുകളിൽ യോഗ പരിശീലനം നടന്നു.സ്കൂൾ അസംബ്ലിയിൽ യോഗയുടെ പ്രാധാന്യത്തെപ്പറ്റി സുജ ടീച്ചർ സംസാരിച്ചു. കുട്ടികൾക്ക് ലതിക ടീച്ചർ ക്ലാസ്സെടുത്തു.
വായന കൂട്ടം ഉൽഘാടനം
സ്കൂൾ തല വായനക്കൂട്ടം ഉദ്ഘാടനം സീനിയർ അധ്യാപകൻ സുനിൽ സാർ നടത്തി. അഭിലാഷ് സാർ, ജയശ്രീ ടീച്ചർ,മാലിന്യ ടീച്ചർ എന്നിവർ സംസാരിച്ചു.
ലോക ലഹരി വിരുദ്ധ ദിനാചരണം
എസ്. സി.എസ്. എച്ച്.എസ്.എസ് വളമംഗലം സ്കൂളിൽ ജൂൺ 26 ലഹരി വിരുദ്ധ ദിനത്തോടനുബന്ധിച്ചു സ്പെഷ്യൽ അസംബ്ലി,പോസ്റ്റർ രചന മത്സരം,ക്വിസ് മത്സരം,സ്കിറ്റ്, ഡാൻസ്,സിഗ്നേച്ചർ ക്യാംപെയ്ൻ എന്നീ വിവിധ പരിപാടികൾ നടത്തി.തുറവൂർ താലൂക്ക് ആശു പത്രിയിലെ ആരോഗ്യ പ്രവർത്തകരും പരിപാടികളിൽ പങ്കെടുത്തു. ഡോക്ടർ അനു പമ യുടെ സാന്നിധ്യത്തിൽ അണ് പരിപാടികൾ നടന്നത്..
പേവിഷബാധ ബോധവൽക്കരണം
പേവിഷബാധ ബോധവൽക്കരണം സ്കൂൾ അസ്സെംബ്ലിയിൽ ഹെൽത്ത് ഡിപ്പാർട്മെന്റിൽ നിന്നും ടിനി സിസ്റ്റർ കുട്ടികൾക്ക് നൽകി .HM സുജ ടീച്ചർ സംസാരിച്ചു .
സിഗ്നേച്ചർ ക്യാമ്പയിൻ
ലഹരി ബോധവൽക്കരണത്തിന്റെ ഭാഗമായി സ്കൂളിൽ സിഗ്നേച്ചർ ക്യാമ്പയിൻ നടത്തി. മാനേജർ ശ്രീ സുരേഷ് കുമാർ ക്യാമ്പയിൻ ഉദ്ഘാടനം ചെയ്തു. പ്രിൻസിപ്പാൾ ശരത് സാർ സംസാരിച്ചു. ക്യാമ്പയിനിൽ കുട്ടികളും അധ്യാപകരും സൈൻ ചെയ്തു.
ചാന്ദ്രദിനം
ജൂലൈ 21ന് രാവിലെ ചാന്ദ്രദിനവുമായി ബന്ധപ്പെട്ട സ്പെഷ്യൽ അസംബ്ലി ഉണ്ടായിരുന്നു. ചാന്ദ്രദിനത്തെ കുറിച്ചുള്ള വീഡിയോ കുട്ടികൾക്ക് കാണാൻ അവസരം ഒരുക്കി.തുടർന്ന് ചാന്ദ്രദിന ക്വിസ് മത്സരവും നടത്തി.ചാന്ദ്രദിനത്തോടനുബന്ധിച്ച് സയൻസ് ക്ലബ്ബിൻ്റെ ആഭിമുഖ്യത്തിൽ എച്ച് എസ് - യു പി വിദ്യാർഥികൾക്കായി അപ്പോളോ 11 ഡോക്യൂമെന്ററി പ്രദർശനവും ക്വിസും സംഘടിപ്പിച്ചു.
സമഗ്ര പ്ലസ് പരിശീലനം
ചൊവ്വാഴ്ച 4 മണി മുതൽ 5 മണി വരെ സമഗ്ര പ്ലസ് മായി ബന്ധപ്പെട്ട ക്ലാസുകൾ എൽ പി , യു പി , എച്ച് എസ് വിഭാഗം ടീച്ചേഴ്സിനായി സംഘടിപ്പിച്ചു. കൈറ്റ് മെൻ്റർ ശ്രീ ബാലചന്ദ്രൻ ജി ക്ലാസുകൾ കൈകാര്യം ചെയ്തു. സമഗ്ര പ്ലസ് മൊബൈൽ ആപ്പ് എല്ലാ ടീച്ചേഴ്സും ഇൻ്റസ്റ്റാൾ ചെയ്തു, സമഗ്രയിൽ ടീച്ചിംങ് മൊഡ്യൂൾ തയ്യാറാക്കൽ, പ്രതിഫലനക്കുറിപ്പ് തയ്യാറാക്കൽ,TM മറ്റ് ക്ലാസിന് ഉപയോഗപ്പെടുത്തൽ തുടങ്ങിയവ ക്ലാസിലൂടെ അറിയാൻ കഴിഞ്ഞു. എൽ പി , യു പി , എച്ച്, എസ് വിഭാഗത്തിൽ നിന്നായി 27 ടീച്ചേഴ്സ് പങ്കെടുത്തു.
സെൽഫ് ഡിഫെൻസിങ് ക്ലാസ്
ഹൈസ്കൂൾ ക്ലാസുകളിലെ പെൺകുട്ടികൾക്ക് സുലേഖ മാഡത്തിന്റെ നേതൃത്വത്തിൽ സെൽഫ് ഡിഫൻസിംഗ് ക്ലാസ് നടത്തുകയുണ്ടായി.
നാഗസാക്കി ദിനം
ഹിരോഷിമ നാഗസാക്കി ദിനത്തോട് അനുബന്ധിച്ച് ഓഗസ്റ്റ് 6 മുതൽ സ്കൂളിൽ വിവിധ പരിപാടികൾ നടത്തുകയുണ്ടായി. ഓഗസ്റ്റ് ആറിന് സ്കൂളിൽ പ്രത്യേക അസംബ്ലി നടത്തുകയും അതിൽ യുദ്ധം മാനവരാശിക്ക് വിപത്താണ് എന്നുള്ള സന്ദേശം നൽകിക്കൊണ്ട് കുട്ടികളെ യുദ്ധത്തിന്റെ ഭീകരത മനസ്സിലാക്കി കൊടുത്തു. ഓഗസ്റ്റ് ഏഴിന് സ്കൂളിൽ ക്വിസ് മത്സരം ഹൈസ്കൂൾ യുപി വിഭാഗങ്ങൾക്കായി സംഘടിപ്പിക്കുകയും ചെയ്തു. ഓഗസ്റ്റ് 8 കുട്ടികൾ പോസ്റ്റർ തയ്യാറാക്കി കൊണ്ടുവന്നത് ഒരു റാലിയായി സംഘടിപ്പിച്ചു. യുദ്ധം മാനവരാശിക്ക് വിപത്താണ്, അരുത് ഇനിയൊരു യുദ്ധം എന്നുള്ള മുദ്രാവാക്യങ്ങൾ കുട്ടികൾ പറഞ്ഞു കൊണ്ടായിരുന്നു റാലി സംഘടിപ്പിച്ചത്.
സ്കൂൾ പാർലമെന്റ് ഇലക്ഷൻ
എസ് സി എസ് എച്ച് എസ് വളമംഗലം സ്കൂളിലെ 2025 - 26 അധ്യായന വർഷത്തെ സ്കൂൾ പാർലമെന്റ് ഇലക്ഷൻ 8/8/2025 നടത്തുകയുണ്ടായി.6/8/2025 നാമനിർദ്ദേശപത്രിക സമർപ്പണം നടത്തുവാനും 7/8/25 ൽ ഇത് പിൻവലിക്കാനുള്ള തീയതികൾ ആയിരുന്നു. തികച്ചും ജനാധിപത്യപരമായിരുന്നു ഇലക്ഷൻ. അതിനാൽ ക്ലാസ് റൂമിൽ തന്നെ ഒരു മൂലയിൽ അതിനുള്ള ക്രമീകരണങ്ങൾ നടത്തി. മത്സരാർത്ഥികളുടെ പേരുകൾ ബോർഡിൽ എഴുതി. സ്കൂളിലെ ഇലക്ഷൻ ചുമതയിലക്കായി നിയോഗിച്ചിരുന്നത് മാലിനി ടീച്ചറിനെ ആയിരുന്നു.അതതു ക്ലാസുകളിലെ ഇലക്ഷൻ അന്നേദിവസം 11 മണിയോടുകൂടി ആരംഭിച്ച് 12 മണിയോടുകൂടി കഴിയുകയും ചെയ്തു. കുട്ടികളെ റോൾ നമ്പറിൽ ക്രമീകരിച്ച് ശേഷം തിരിച്ചറിയൽ കാർഡ് ആയി കുട്ടികൾ അവരുടെ ഐഡി കാർഡ് കാണിച്ചാണ് ഇലക്ഷനിൽ പങ്കെടുത്തത്. ബാലറ്റ് പേപ്പർ നൽകി ഇടതു കൈയുടെ ചൂണ്ടുവിരലിൽ മഷി പുരട്ടി ഓരോരുത്തരായി അവരവരുടെ സമ്മതിദാനം രേഖപ്പെടുത്തി. ശേഷം വോട്ടെണ്ണൽ ക്രമീകരണങ്ങൾ നടന്നു. വിജയികളെ പ്രഖ്യാപിച്ചു. ഒന്നു ഉച്ചയ്ക്ക് വിജയികളായ എല്ലാ ക്ലാസ് ലീഡേഴ്സിന്റെയും ഒരു യോഗം സ്മാർട്ട് റൂമിൽ വെച്ച് എച്ച് എം സുജ ടീച്ചറിന്റെ അധ്യക്ഷതയിൽ മറ്റു ടീച്ചർമാരായ ശ്രീമതി ഇന്ദു ദാമോദരൻ, ശ്രീമതി മാലിനി, ശ്രീമതി ദീപ്തി ഗോപിനാഥ് എന്നിവരുമായി ചേർന്നു. അതിൽ എച്ച് എം കുട്ടികൾക്ക് ഒരു ലീഡറിന്റെ ചുമതലകളെ പറ്റി വിവരിച്ചു തുടർന്ന് ഒരു സ്കൂളിൽ ലീഡറിനെയും സ്പീക്കറെയും ഇവരിൽ നിന്നു തന്നെ തിരഞ്ഞെടുത്തു. സുജ ടീച്ചർ എല്ലാവർക്കു മായി ആശംസകൾ അറിയിച്ചു കൊണ്ട് യോഗനടപടികൾ അവസാനിച്ചു.
സ്വാതന്ത്ര്യദിനാഘോഷം
എസ് സി എസ് എച്ച് എസ് എസ് വളമംഗലം സ്കൂളിൽ സ്വാതന്ത്ര്യത്തിന്റെ 79 മത് ആഘോഷങ്ങൾക്ക് തുടക്കം കുറിച്ചു. രാവിലെ 9 മണിക്ക് എൻ സി സി, എസ് .പി. സി, ജൂനിയർ റെഡ് ക്രോസ് , സ്കൗട്ട് ആൻഡ് ഗൈഡ്, ലിറ്റിൽ കൈറ്റ്സ് , എൻ എസ് എസ് എന്നീ സ്കൂൾ യൂണിറ്റുകളും കെ.ജി വിഭാഗം മുതൽ ഹയർ സെക്കണ്ടറി വിഭാഗം വരെയുള്ള വിദ്യാർഥികളും ടീച്ചേഴ്സും രക്ഷിതാക്കളും അണിനിരന്ന പ്രൗഢ ഗംഭീരമായ ചടങ്ങിൽ സ്കൂൾ HM ശ്രീമതി സുജ യൂ നായർ പതാക ഉയർത്തി രാജ്യത്തിന്റെ എഴുപത്തിയൊൻപതാം സ്വാതന്ത്രദിന ചടങ്ങുകൾക്ക് തുടക്കം കുറിച്ചു.ചടങ്ങിൽ മാനേജർ സുരേഷ് കുമാർ ,പി ടി എ പ്രസിഡന്റ് സജീവ്, വൈസ് പ്രസിഡന്റ് രാജേഷ് എന്നിവർ പങ്കെടുത്തു. സുജ ടീച്ചർ സ്വാതന്ത്ര്യ ദിന സന്ദേശം നൽകി. മുഖ്യ പ്രഭാഷണം നടത്തിയത് മാനേജർ സുരേഷ് കുമാർ സാറാണ് . പി.റ്റി എ പ്രസിഡന്റ് ശ്രീ സജീവ്, രാജേഷ്, സുനിൽ സാർ,സജി ടീച്ചർ, സുനി മോൻ സാർ എന്നിവർ ആശംസകൾ നേർന്നു. സ്റ്റാഫ്സെക്രട്ടറി ബാലചന്ദ്രൻ സാർ നന്ദി പ്രകാശനം നടത്തി. കുട്ടികളുടെ വിവിധ പരിപാടികൾ നടന്നു. എല്ലാ കുട്ടികൾക്കും മധുരപലഹാരം വിതരണം ചെയ്തു.തുടർന്ന് സ്ക്കൂളിൽ എൻ സി സി കുട്ടികളുടെ റാലി നടന്നു.
ഓണാഘോഷം 2025
2025 ആഗസ്റ്റ് 29-ന് SCSHSS വളമംഗലം സ്കൂളിൽ ഓണാഘോഷം ഭംഗിയായിസംഘടിപ്പിക്കപ്പെട്ടു.പരിപാടികൾ പ്രാർത്ഥനയോടെ ആരംഭിച്ചു. തുടർന്ന് ഹെഡ് മിസ്ട്രസ് സുജ ടീച്ചറും മാനേജർ സുരേഷ് സാറും ഓണത്തിന്റെ മഹത്വവും ഐക്യവും പങ്കിടലും അടങ്ങിയ സന്ദേശം എല്ലാവർക്കും നൽകി. PTA പ്രസിഡണ്ട് സജീവ് സാറും കുട്ടികൾക്ക് ആശംസകൾ അർപ്പിച്ചു.ഈ വർഷത്തെ ആഘോഷത്തിന്റെ മുഖ്യ ആകർഷണമായി 5Aയിലെ വിദ്യാർത്ഥി ഇഷാൻ മഹാബലിരാജാവിന്റെ വേഷമിട്ടെത്തിയത് ഏറെ ശ്രദ്ധ നേടി.കലാപരിപാടികളിലൂടെ കുട്ടികൾ അവരുടെ കലാപ്രതിഭ തെളിയിച്ചു സിനിമാഡാൻസുകളും ഗാനങ്ങളും എല്ലാം ചേർന്ന് ഒരു നിറമേളയായി.അധ്യാപകരുടെ തിരുവാതിര കുട്ടികളിൽ വലിയ ആവേശം സൃഷ്ടിച്ചു. തുടർന്ന് ഒരുമിച്ചിരുന്ന ഓണസദ്യ ആഘോഷത്തിന്റെ പകിട്ടു കൂട്ടി.ഈ വർഷത്തെ ഓണാഘോഷം സ്കൂളിലെ വിദ്യാർത്ഥികളുടെയും അധ്യാപകരുടെയും രക്ഷിതാക്കളുടെയും ഐക്യത്തെയും സഹകരണത്തെയും പ്രതിഫലിപ്പിച്ച ഒരു മനോഹര അനുഭവമായി.
ലിറ്റിൽ കൈറ്റ്സ് പ്രിലിമിനറി ക്യാമ്പ് 2025
2025- 28 ബാച്ചിലെ ലിറ്റിൽകൈറ്റ്സ് കുട്ടികൾക്കുള്ള പ്രിലിമിനറി ക്യാമ്പു് 2025 സെപ്റ്റംബർ 11 ന് സ്സ്മാർട്ട് റൂമിൽ വെച്ച് നടന്നു , ഹെഡ്മിസ്ട്രസ് ശ്രീസുജ ടീച്ചർ ക്യാമ്പിന്റെ ഉദ്ഘാടനം നിർവഹിച്ചു .കൈറ്റ് മെന്റർ മഞ്ജുഷ സ്വാഗതം ആശംസിച്ചു കൈറ്റ് മെന്റർ ബാലചന്ദ്രൻ നന്ദി പ്രകാശിപ്പിച്ചു .തുറവൂർ സബ്ജില്ലാ മാസ്റ്റർ ട്രെയിനർജോർജ്കുട്ടി സാറിന്റെ നേതൃത്വത്തിലാണ് ക്ലാസുകൾ നടന്നത് .ആകെ ആറ് സെഷനുകളായി നടന്ന ക്ലാസിൽ കുട്ടികളെ ഫേസ് സെൻസിങ് സാങ്കേതിക വിദ്യയുടെ സഹായത്തോടെ ഇ -കൊമേഴ്സ് , ജി പി എസ് , ഏ ഐ , വി ആർ ,റോബോട്ടിക്സ് എന്നിങ്ങനെ അഞ്ച് ഗ്രൂപ്പായി തിരിച്ചു. തുടർന്ന് ഇന്റർനെറ്റിന്റെ അനന്ത സാധ്യതകളെക്കുറിച്ചും ആധുനിക സാങ്കേതിക വിദ്യകളെക്കുറിച്ചുംകുട്ടികളെ ബോധവാന്മാരാക്കുന്നതിന് ഉതകുന്ന വീഡിയോകൾ പ്രദർശിപ്പിക്കുകയും കുട്ടികളുടെ കണ്ടെത്തലുകൾ ഗ്രൂപ്പായി രേഖപ്പെടുത്തി അവതരിപ്പിക്കുകയും ചെയ്തു .തുടർന്ന് ലിറ്റിൽകൈറ്റ്സ് പ്രവർത്തങ്ങളെ കുറിച്ച് വിശദമാക്കുന്ന വീഡിയോ പ്രദർശിപ്പിച്ച ശേഷം ക്വിസ് മത്സരം നടത്തി. സെഷൻ 4, 5 എന്നിവയിൽ സ്ക്രാച്ച്, അനിമേഷൻ എന്നിവ പരിചയപ്പെടുത്തുന്ന ലഘുപ്രവർത്തനങ്ങൾ ചെയ്യാൻ കുട്ടികൾക്ക് അവസരംനൽകി.ലീഡർ 8 A യിൽ പഠിക്കുഗൗതമി എസ്നന്ദി പറഞ്ഞു. ക്ലാസ്സിന്ശേഷം രക്ഷകർത്താക്കൾക്കും ജോർജുകുട്ടി സാർ ലിറ്റിൽകൈറ്റിനെക്കുറിച്ചും അതിന്റെ പ്രവർത്തന പരിപാടിയെക്കുറിച്ചും വിശദമായ ക്ലാസ് എടുത്തു. ക്ലാസ്സിൽ ലീഡർ ഗൗതമി ക്യാമ്പിൽ പഠിച്ച കാര്യങ്ങൾ രക്ഷകർത്താക്കൾക്ക് പരിചയപ്പെടുത്തി.
ശാസ്ത്രമേള
16-09-2025 ചൊവ്വാഴ്ച ശാസ്ത്ര,ഗണിതശാസ്ത്ര,സാമൂഹ്യ ശാസ്ത്ര, ഭാഷ, പ്രവർത്തി പരിചയമേളയോടനുബന്ധിച്ച് എൽ പി,യു പി,ഹൈസ്കൂൾ വിഭാഗത്തിൽ നിന്നായി വിദ്യാർഥികൾ തയ്യാറാക്കിയ സ്റ്റിൽ മോഡൽ, വർക്കിംങ് മോഡൽ, വിവിധ ക്രാഫ്റ്റ് ഉൽപ്പന്നങ്ങൾ പ്രദർശിപ്പിച്ചു.
2 മണി മുതൽ 4 മണി വരെ സ്കൂൾ ഓഡിറ്റോറിയത്തിൽ പ്രദർശിപ്പിച്ചു. സ്കൂൾ ശാസ്ത്രോത്സവം പ്രിൻസിപ്പാൾ എസ് ആർ ശരത് സർഉദ്ഘാടനം ചെയ്തു. എച്ച് എം സുജ ടീച്ചർ, സുനിമോൻ സർ , സുനിൽ സർ, സജി ടീച്ചർ,മേളയുടെ കൺവിനർ ഡിസ്ലിൻ ടീച്ചർ എന്നിവർ ആശംസകൾ അർപ്പിച്ചു. സ്കൂളിലെ മുഴുവൻ വിദ്യാർഥികളും പ്രദർശനം കാണുകയുണ്ടായി. തുടർന്ന് വിവിധ വിഷയങ്ങളുടെ ജഡ്ജസ് സ്കൂൾ മേളയിൽ നിന്ന് സബ്ബ്-ജില്ല മേളകളിൽ പങ്കെടുക്കുന്നതിനുള്ള വിവിധയിനങ്ങൾതെരഞ്ഞെടുക്കുകയുണ്ടായി.
കായികമേള
ഈ വർഷത്തെ കായികമേള ഓഗസ്റ്റ് 17ന് നടന്നു . കുട്ടികൾ മാർച്ച് പാസ്ററ് നടത്തി.കായികമേളയിൽ വിദ്യാർത്ഥികൾ വിവിധ കായിക മത്സരങ്ങളിൽ പങ്കെടുത്തു, അവരുടെ കഴിവുകളും, സ്പോർട്സ്മാൻഷിപ്പും തെളിയിച്ചു.
പങ്കെടുത്ത എല്ലാ ടീം അംഗങ്ങൾ, അധ്യാപകർ, പരിശീലകർ എന്നിവരുടെ ഒത്തുചേരലും, കരുതലും മേളയുടെ വിജയത്തിൽ സഹായകമായി.വിജയികൾക്ക് സർട്ടിഫിക്കറ്റുകൾ വിതരണം ചെയ്തു.
ബണ്ണീസ്
ലോകവ്യാപക സംഘടനയായ സ്കൗട്ട് ആൻഡ് ഗൈഡിന്റെ ഏറ്റവും ചെറിയ യൂണിറ്റാണ് ബണ്ണിസ്. മൂന്നു വയസ്സു മുതൽ ആറു വയസ്സുവരെ പ്രായമായ കുട്ടികളെ ഇതിൽ അംഗമാക്കാം. ഒരു ടീച്ചറിന്റെ കീഴിൽ കുറഞ്ഞത് 12 കുട്ടികളെ വരെ ഇതിൽ ഉൾപ്പെടുത്താം. രാഷ്ട്രബോധവും ദേശസ്നേഹവും വളർത്തിയെടുക്കാനും നല്ല ഉത്തമ പൗരന്മാരായി വളരുവാനും ഇതിലൂടെ സാധിക്കുന്നു. S. S. S. H. S. S വളമംഗലം സ്കൂളിൽ 19/9/2025 വെള്ളിയാഴ്ച ബണ്ണി സിന്റെ യൂണിറ്റ് ആദ്യമായി തുടക്കം കുറിച്ചു. ഈ ചടങ്ങിലേക്ക് ആശംസകൾ അർപ്പിക്കാനായി ബഹുമാനപ്പെട്ട സ്കൂൾ മാനേജർ ശ്രീ സുരേഷ് സാർ, HM സുജ ടീച്ചർ, പിടിഎ പ്രസിഡന്റ് ശ്രീ സജീവൻ, ഗൈഡ്സിന്റെ ടീച്ചേഴ്സ് ആയ ദീപ്തി ടീച്ചർ മാലിനി ടീച്ചർ ADOC ഗൈഡായ പുഷ്പ ടീച്ചർ എന്നിവർ പങ്കെടുത്തു. കുട്ടികൾക്ക് ബണ്ണി സിന്റെ യൂണിഫോം ADOC ഗൈഡ് പുഷ്പടീച്ചർ അണിയിച്ചുകൊണ്ട് ഉദ്ഘാടനകർമ്മം നിർവഹിച്ചു. സ്കൂളിൽ ബണ്ണി ചാർജ് ഏറ്റെടുക്കുന്നതിനായി ശ്രീമതി നീതു ടീച്ചറിനെ തിരഞ്ഞെടുത്തു.
സ്കൂൾ കലോത്സവം അരങ്ങ്
2025 - 26അധ്യയന വർഷത്തെ സ്കൂൾ കലോത്സവം അരങ്ങ് 2025 സെപ്റ്റംബർ 25,26 തീയതികളിൽ നടന്നു. ആദ്യ ദിനം രാവിലെ 10 മണിക്ക് പ്രമുഖ സിനിമ, മിമിക്രി കലാകാരൻ ശ്രീ അനിൽ വാരണം കലോത്സവ ഉദ്ഘാടനം നിർവഹിച്ചു.പ്രിൻസിപ്പൽശ്രീ എസ് ആർ ശരത് സ്വാഗതം ആശംസിച്ചു. ഹെഡ്മിസ്ട്രസ് ശ്രീമതി സുജ യൂ നായർ ആശംസ നടത്തിയ ചടങ്ങിൽ പ്രോഗ്രാം കൺവീനർ ശ്രീ. സുനിമോൻ നന്ദി പറഞ്ഞു.ആദ്യ ദിവസം പദ്യം ചൊല്ലൽ , ദേശഭക്തിഗാനം , സംഘഗാനം , എന്നിവയായിരുന്നു.ഭരതനാട്യം , സംഘനൃത്തം , തിരുവാതിര എന്നിവയാണ് രണ്ടാം ദിവസം നടന്നത് .മത്സരങ്ങളുടെ സുഗമമായ നടത്തിപ്പിന് സ്കൂളിലെ വിവിധ ക്ലബ്ബുകൾ ആയ , എൻ സി സി , ലിറ്റിൽ കൈറ്റ്സ്, ജെ ആർ സി , സ്കൗട്ട് & ഗൈഡ്സ് എന്നിവയുടെ പങ്ക് എടുത്തു പറയേണ്ടതാണ്.
പോഷൻ മാ ദിനാചരണം
എസ് സി എസ് എച്ച് എസ് വളമംഗലം സ്കൂളിൽ പോഷൻ മാ ദിനാചരണം നടത്തി. ഒക്ടോബർ 16ന് ക്വിസ് മത്സരം നടത്തി. ചന്ദ്രകാന്ത് ആദിത്യൻ എന്നിവരെ തിരഞ്ഞെടുത്തു. എൽ പി യു പി എച്ച് എസ് കുട്ടികളെ ഉൾപ്പെടുത്തി ഭക്ഷ്യമേള സംഘടിപ്പിച്ചു.
ശിശുദിനാഘോഷം
14/ 11 /2025 വെള്ളിയാഴ്ച എസ് സി എസ് എച്ച് എസ് എസ് വളമംഗലം പ്രീപ്രൈമറി ,എൽ പി വിഭാഗം കുട്ടികൾ ശിശുദിന ആഘോഷത്തിൽ പങ്കെടുത്തു.പത്തുമണിയോടെ ശിശുദിന റാലിയോട് കൂടി പരിപാടികൾ ആരംഭിച്ചു.തുടർന്ന് പൊതുയോഗം ഉണ്ടായിരുന്നു . പൊതുയോഗത്തിൽ ശ്രീമതി സുജ യൂ നായർ (സ്കൂൾ എച്ച് എം) സ്വാഗതം പറഞ്ഞു ശ്രീ ബൈജു (പി.ടി.എ പ്രസിഡൻറ്)അധ്യക്ഷനായിരുന്നു.ശ്രീ കെ എസ് സുരേഷ് കുമാർ (സ്കൂൾ മാനേജർ ) പരിപാടികൾ ഉദ്ഘാടനം ചെയ്തു.ശ്രീ എസ് ആർ ശരത് (സ്കൂൾ പ്രിൻസിപ്പാൾ) മുഖ്യപ്രഭാഷണം നടത്തി.തുടർന്ന് ആശംസകൾ ബോർഡ് അംഗങ്ങൾ നൽകി. ശ്രീമതി മായ (mother PTA )ശ്രീമതി സജി ദാസ് (സീനിയർ അസിസ്റ്റൻറ്) ശ്രീമതി സിന്ധു സുനിൽകുമാർ( സീനിയർ അധ്യാപിക) ശ്രീ ബാലചന്ദ്രൻ ജി (സ്റ്റാഫ് സെക്രട്ടറി) എന്നിവർ കുട്ടികൾക്ക് ആശംസകൾ നൽകി.