എ എം യു പി എസ് മാക്കൂട്ടം/അധ്യാപക രചനകൾ/ജൂബിലി
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
പുതുവത്സരത്തിൽ പുതുമയോടെ
പ്ലാറ്റിനം ജൂബിലി വന്നണഞ്ഞു
നാടിനും നാട്ടാർക്കും ഉത്സവമായി
കുട്ടികൾക്കേവർക്കുമാനന്ദമാ
നാട്ടുകാരെല്ലാരുമൊത്തുകൂടി
സ്‌കൂളിൽ ഹാളിലെല്ലാരുമൊത്തു കൂടി
അധ്യാപകരുയൊരുമയോടെ
കമ്മറ്റികൾ പലതുരുത്തിരിഞ്ഞു
മാന്യനാം മന്ത്രിയും നേതാക്കളും
ഉദ്ഘാടനത്തിനായ് എത്തിച്ചേർന്നു.
വിഷയങ്ങളോരോന്നും ഇംഗ്ലീഷിൽ
പഠിച്ചിടാൻ കുട്ടികൾക്കാശയേറി
റൂമൊന്നു പണിയണം കമ്മറ്റിക്കാർ
തീരുമാനത്തിലുറച്ചുനിന്നു.
അതിനുള്ള ശിലയിട്ടു മന്ത്രി മുനീർ
അതിശീഘ്രം കാറിൽ കയറിപ്പോയി
തൈ നടീൽ, കണ്ണുപരിശോധന
വനിതാസംഗമം, എക്‌സിബിഷൻ
ഇനിയുമിനിയും പരിപാടികൾ
വേണ്ടത്രയെല്ലാം നടത്തിടുന്നു-
നടത്തിപ്പിനായുള്ള കാശിനായ്
കമ്മറ്റിക്കാരെല്ലാം നെട്ടോട്ടമായി
പരസ്യത്തിനായുള്ള ഓട്ടമോടി
സുവനീർ കമ്മറ്റി മുന്നിലെത്തി
ചൂലാംവയലിനു തൊടുകുറിയായ്
മാക്കൂട്ടം സ്കൂൾ നിലകൊണ്ടിടുന്നു
വിജ്ഞാന ജ്യോതി കരത്തിലേന്തി
ആശ്രയിച്ചെത്തുന്നോർക്കൊക്കെ നൽകി
ജൂബിലി ആഘോഷം കണ്ടുകൊണ്ട്
മന്ദസ്മിതം തൂകി നിന്നിടുന്നു.