സ്കൂൾ വിക്കി എഡിറ്റോറിയൽ ബോർഡിന്റെ പ്രഥമ യോഗം 2024 ഫെബ്രുവരി 12 തീയതി ഐ.ടി ലാബിൽ കൂടി. യോഗത്തിൽ എല്ലാ എഡിറ്റോറിയൽ അംഗങ്ങളും പങ്കെടുത്തു. സ്കൂളിലെ എല്ലാ പ്രവർത്തനങ്ങളും സ്കൂൾവിക്കിയിൽ ഉൾപ്പെടുത്തണമെന്നും, അംഗങ്ങളുടെ ഉത്തരവാദിത്വത്തെ പറ്റിയും ചർച്ച ചെയ്തു. വിദ്യാർത്ഥികളും എഡിറ്റോറിയൽ ബോർഡ് മീറ്റിംഗിൽ പങ്കെടുത്തു. ഈ വർഷത്തെ ലിറ്റിൽ കൈറ്റ്സ് ഡിജിറ്റൽ മാഗസിൻ എഡിറ്റോറിയൽ അംഗങ്ങൾ പരിശോധിച്ചിട്ട് മാത്രമേ പ്രസിദ്ധീകരിക്കാവൂ എന്ന് യോഗത്തിൽ തീരുമാനിച്ചു. സ്കൂളിന്റെ വിവിധ പാഠ്യ പ്രവർത്തനങ്ങളും, മികവുകളുമായി ബന്ധപ്പെട്ട റിപ്പോർട്ടുകളും, അവയുടെ ചിത്രങ്ങളും സ്കൂൾ വിക്കിയിൽ ഉൾപ്പെടുത്തുന്നതിന് മുൻപായി എഡിറ്റോറിയൽ ബോർഡിന്റെ അംഗീകാരം വേണമെന്ന് യോഗത്തിൽ തീരുമാനിച്ചു. സ്കൂൾ വിക്കി ബോർഡ് രൂപീകരിച്ചതിലൂടെ സ്കൂളിനെ കൂടുതൽ ഉയരങ്ങളിലേക്ക് എത്തിക്കുവാൻ സാധിക്കും.