വേനലിലമരുന്ന
മലർകാലത്തിലെന്റെ
ആശകളൊന്നൊന്നായി
വാടിവീണലിയവെ
ഒരു തുള്ളി നീരിനായി
കേഴുന്ന വേഴാമ്പലായി
ഇനിയുമണയാത്ത
കുളിരു കാക്കുന്നു- ഞാൻ
നില താണുറവകൾ-
വറ്റുന്നു
കുളിരോലും ഇളം- കാറ്റൊടുങ്ങുന്നു....
രാത്രിയാകുന്നു സഖീ..
നീയെൻ കൈപിടിക്കൂ..
യാത്രകളെത്രയോ..
ബാക്കിയാകുന്നു- നമുക്കിനി....
കനൽക്കാറ്റുകളാഞ്ഞു വീശുമീ - മണൽക്കാട്ടിൽ
ഒറ്റപ്പെട്ടു നാം - ദിശതെറ്റിയങ്ങലയവെ
നെഞ്ചകം- കുളിർപ്പിക്കുവാൻ
മഴ വന്നണഞ്ഞെങ്കിൽ