ജി.വി.എച്.എസ്.എസ് കൊപ്പം/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

എച്ച്.എസ്

എച്ച്.എസ്.എസ്.

വി.എച്ച്.എസ്

ചരിത്രം

അംഗീകാരം

കൊപ്പത്തെയും പരിസര പഞ്ചായാത്തുകളിലേയും നൂറുകണക്കിനു വിദ്യാർത്ഥികൾക്ക് സെക്കന്ററി വിദ്യാഭ്യാസത്തിനായി ദുരപ്രദേശങ്ങളിലുള്ള സ്കൂളുകളെ ആശ്രയിക്കേണ്ട സ്ഥിതിയാണു 1960ൽ എല്ലാ പ്രദേശങ്ങളിലേയുംപോലെ കൊപ്പത്തുമുണ്ടായിരുന്നത്.നാട്ടുകാരുടെ നിരന്തര പരിശ്രമത്തിന്റെ ഫലമായി സാമൂഹ്യ സാംസ്കാരികമേഖലയിൽ നിറഞ്ഞുനിന്നിരുന്നശ്രീ. ഇ.പി.ഗോപാലന്റെ നേതൃത്വത്തിൽ അന്നത്തെ കേരള മുഖ്യമന്തിയായിരുന്ന ശ്രീ.ഇ.എം.എസ് നമ്പൂതിരിപ്പാടിനെ കാണുകയും ,ഇനിയൊരു ഹൈസ്ക്കൂൾ കേരളത്തിലുണ്ടാവുകയാണെങ്കിൽ പ്രഥമപരിഗണന കൊപ്പത്തിനായിരിക്കുമെന്നു മറുപടിയും ,തുടർന്ന് 1968 ൽ കൊപ്പം ഹൈസ്ക്കൂൾ ആരംഭിക്കാനുള്ള അനുമതി ലഭിക്കുകയും ചെയ്തു.

സ്ഥലലഭ്യത ഒരു അജണ്ടയായി വന്നപ്പോൾ മാനവപുരോഗതിക്കായി ശ്രീ.കറുവത്ത് എച്ചുനായർ തന്റെ കൈവശത്തുനിന്നും മുന്ന് ഏക്കർപതിനാലുസെന്റ് ഭൂമി വിദ്യാലയം സ്ഥാപിക്കാനായി സൗജന്യമായി സർക്കാറിലേക്ക് വിട്ടുനല്കുകയും അത് ഒരു മഹാവിദ്യാലയത്തിന്റെ അടിത്തറയാവുകയും ചെയ്തു.താല്കാലികമായി കെട്ടിയുണ്ടാക്കിയ ഷെഡുകളിൽ നിന്നും ഇന്നു കാണുന്ന സൗകര്യങ്ങളിലേക്ക് ഈ വിദ്യാലയം കടന്നുവന്നത് ഒരു നാടിന്റെ കൂട്ടായ്മയുടെ ഫലമാണ്.