കൂടാളി എച്ച് എസ് എസ്/അക്ഷരവൃക്ഷം/ തിരിച്ചറിവ്

തിരിച്ചറിവ് ഇന്ന് ലോകം മുഴുവൻ ഒറ്റക്കെട്ടായി നിന്ന് സൂക്ഷമമായ ഒരു വൈറസിൻ്റെ പിടിയിൽ നിന്ന് രക്ഷപ്പെടുവാൻ വഴി തേടുമ്പോൾ ആർഭാടങ്ങളും ദുരഭിമാനങ്ങളും വെടിഞ്ഞ് ഓരോ രാഷ്ട്രത്തലവൻമാരും തങ്ങളുടെ രാജ്യത്തെ ജനങ്ങളെ രക്ഷിക്കാൻ കഴിയാതെ നിസ്സഹായകരായി നിലക്കുന്ന കാഴ്ച ഞങ്ങൾ കണ്ടു കൊണ്ടിരിക്കുന്നു 'എല്ലാം തികഞ്ഞവരെന്ന് അഹങ്കരിച്ച് ലോക നാശത്തിനുതകുന്ന യുദ്ധസാമഗ്രികൾ കരുതിവച്ച വികസിത രാജ്യങ്ങളും അവർക്കൊപ്പം എത്താൻ കഠിന പ്രയത്നം ചെയ്യുന്ന വികസ്വര രാജ്യങ്ങളും അവികസിത രാജ്യങ്ങളും ഇന്ന് ഒരു പോലെ കരുതിവച്ച തൊന്നും പ്രയോജനപ്പെടാതെ കേവലം മുഖംമറയ്ക്കാൻ മാസ്ക്കിനും നിസ്സാരമെന്ന് കരുതിയിരുന്ന പാരാസെറ്റമോൾ ഗുളികയ്ക്കും വേണ്ടി അയൽരാജ്യങ്ങളോട് യാചിക്കുന്ന കാഴ്ചയും നാം കണ്ടു കൊണ്ടിരിക്കുന്നു 'വിവേകശാലിയെന്ന് അഭിമാനിക്കുന്ന മനുഷ്യർ ചെയ്ത എല്ലാ ക്രൂരതയ്ക്കും പ്രകൃതി തിരിച്ചടി നലകിക്കൊണ്ടിരിക്കുന്നു. അപ്പോഴെല്ലാം അതിന് കാരണക്കാരൻ ഞാനല്ല കൊതുകാണ് കു രങ്ങാണ് വവ്വാലാണ് എന്നെല്ലാം പറഞ്ഞ് ഭൂമിക്കവകാശികളായ പാവം ജീവികളെ കൊന്നൊടുക്കി. പ്രകൃതിയെ ചൂഷണം ചെയ്തും ഭൂമിയിലെ മറ്റ് അവകാശികളെ കൊന്നൊടുക്കിയും വരുതിയിലാക്കിയും മനുഷ്യൻ നടത്തിയ അതിക്രമത്തിനും ആർത്തിക്കുമുള്ള മറുപടിയാണ് ഭൂമി മനുഷ്യന് തിരിച്ച് തന്നുകൊണ്ടിരിക്കുന്നത്. നമ്മുടെ മിടുക്ക് കൊണ്ട് നമ്മൾ പലതിനേയും കൂടുകളിലാക്കി. സഞ്ചാരസ്വാതന്ത്ര്യം ഞങ്ങൾ തടഞ്ഞു. ഇപ്പോൾ നമ്മൾ കൂട്ടിലാക്കിയവർ പുറത്തിറങ്ങി നടക്കുകയും കൊറോണ എന്ന മഹാമാരിയിലൂടെ മനുഷ്യരെ മുഴുവൻ കൂട്ടിലാക്കുകയും ചെയ്തിരിക്കുന്നു. ഇനിയെങ്കിലും നമ്മൾ തിരിച്ചറിയണം ഭൂമി നമുക്കുള്ളതല്ല നമ്മൾ ഭൂമി ക്കുള്ളതാണ് എന്ന സത്യം . ഒടുവിൽ മനുഷ്യൻ എന്ന കാളിയന്റെ ഉഗ്രവിഷത്തിൽ നിന്നും പ്രകൃതിയെ രക്ഷിക്കാൻ ഒടുവിൽ കൊറോണയെത്തി. ഇന്ന് മനുഷ്യന് ഇതിൽ നിന്നും രക്ഷ നേടാൻ പരക്കം പാഞ്ഞ് എത്തിച്ചേർന്നത് ഭാരതീയ ആചാരാനുഷ്ടാനങ്ങളില്ലാണ്.ജനനം മുതൽ മരണം വരെ എങ്ങനെയായിരിക്കണമെന്ന് ഋഷീശ്വരൻമാർ നമുക്ക് കാട്ടിത്തന്നു. കൊറോണയെന്ന ഈ ഭയാനക വിപത്തിനെ പിടിച്ചുകെട്ടുവാൻ നമ്മളോരോരുത്തരും സ്വയം പരിശ്രമിക്കേണ്ടിയിരിക്കുന്നു. ലോകാ സമസ്താ സുഖിനോ ഭവന്തു... ഈ ലോകത്തിലെ സമസ്ത ജീവികൾക്കും സുഖം ഭവിക്കട്ടെയെന്ന മന്ത്രം നമുക്ക് ഓർമ്മിക്കാം. പ്രാർത്ഥിക്കാം         മാളവിക എസ് നമ്പ്യാർ 9 ജി കൂടാളി എച്ച് എസ് എസ് മട്ടന്നൂർ ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - supriyap തീയ്യതി: 04/ 02/ 2022 >> രചനാവിഭാഗം - ലേഖനം