എല്ലാം ഇട്ടെറിഞ്ഞ് പോന്നത് നന്നായി
വളരെ നന്നായി.
നാലുകെട്ടും നാട്ടുവഴികളും
അമ്മിക്കല്ലും ചിമ്മിനിക്കുഴലും
തുളസി തറയും തുമ്പയും അരിവാളും
മൺ കറി ചട്ടിയും കഞ്ഞികിണ്ണവും
ഉപ്പുമാങ്ങയും ഉണക്കമീനും
കപ്പപുഴുക്കും കാന്താരി ചമ്മന്തിയും
കുളവും കുളിയും മുളയരി ചോറും
അരിപായസവു -
എല്ലാം ഇട്ടെറിഞ്ഞ് പോന്നത് നന്നായി
വളരെ നന്നായി.
ഐദ്രുമാന്റെ ഓലപീടിക
കരിപിടിച്ച ചായക്കലം
ആടുന്ന ബെഞ്ച്
കറ പിടിച്ച ഗ്ലാസ്സ്
മുള മണക്കുന്ന പുട്ട്
എല്ലാം ഇട്ടെറിഞ്ഞ് പോന്നത് നന്നായി
വളരെ നന്നായി.
ഇരുപതാം നില ഫ്ലാറ്റ്
മേലെ പിന്നെ ആകാശം മാത്രം
ആരോടും ഒന്നും മിണ്ടാതെ
ആർക്കുമൊന്നും കൊടുക്കാതെ
ജീവിക്കുന്നത് എത്ര ആനന്ദകരം.
