വിദ്യാർത്ഥികളാം ഞങ്ങളുടെ
പഠിപ്പു മുടക്കിയ കോവിഡേ
ഭയപ്പെടുത്താൻ നോക്കേണ്ട
അക്ഷരവൃക്ഷം കൂടെയുണ്ട്.
സ്കൂളുകളെല്ലാം പൂട്ടിച്ചും
പൊതുപരിപാടികൾ സ്തംഭിപ്പിച്ചും
ഞങ്ങളെയെല്ലാം വീട്ടിലിരുത്തി
വിലസാമെന്നു നീ കരുതിയോ!
പരീക്ഷകളെല്ലാം മുടങ്ങിയാലും
കളിയും ചിരിയും ഓർമകളാക്കേണ്ട-
രസകരമായ വേനലവധിയും
നശിക്കുമെന്നു നീ കരുതേണ്ട!
കളിയും ചിരിയും കവിതകളാക്കി
വാർത്തകളെല്ലാം കൊളാഷായ് മാറ്റി
ഓർമകളെല്ലാം ഡയറിയിലൊപ്പി
അക്ഷരവൃക്ഷം വരുന്നുണ്ട്.
ഞങ്ങൾ വീട്ടിലിരുന്നാലും
കഴിവുകളുള്ളവരായ് മാറും
ഒറ്റക്കെട്ടായ് വിദ്യാർത്ഥിപ്പട
പുറകേയുണ്ട് സൂക്ഷിച്ചോ!
അക്ഷരവൃക്ഷം ജയിക്കട്ടെ!
അക്ഷരവൃക്ഷം ജയിക്കട്ടെ!